ദേശീയപാത നടപ്പാത നിർമാണം പാതിവഴിയിൽ

മൊ​ഗ്രാ​ൽ: ദേ​ശീ​യ​പാ​ത വി​ക​സ​ന​ത്തി​ന്റെ തു​ട​ക്ക​ത്തി​ൽ​ത​ന്നെ നി​ർ​മി​ക്കേ​ണ്ടി​യി​രു​ന്ന കാ​ൽ​ന​ട​ക്കാ​ർ​ക്കാ​യു​ള്ള ന​ട​പ്പാ​ത​നി​ർ​മാ​ണം എ​ങ്ങു​മെ​ത്തി​യി​ല്ല. ദേ​ശീ​യ​പാ​ത​യു​ടെ 75 ശ​ത​മാ​നം നി​ർ​മാ​ണ​പ്ര​വൃ​ത്തി​ക​ളും പൂ​ർ​ത്തി​യാ​യി​ട്ടും എ​ങ്ങു​മെ​ത്താ​തെ നി​ൽ​ക്കു​ക​യാ​ണ് ന​ട​പ്പാ​ത​ക​ളു​ടെ പ്ര​വൃ​ത്തി. പ​ണി തു​ട​ങ്ങി​യ സ്ഥ​ല​ങ്ങ​ളി​ലാ​ക​ട്ടെ പാ​തി​വ​ഴി​യി​ലും. ന​ട​പ്പാ​ത ഇ​ല്ലാ​ത്ത​തി​നാ​ൽ വി​ദ്യാ​ർ​ഥി​ക​ൾ അ​ട​ക്ക​മു​ള്ള കാ​ൽ​ന​ട​ക്കാ​ർ സ​ർ​വി​സ് റോ​ഡി​ലൂ​ടെ​യാ​ണ് ന​ട​ന്നു​പോ​കു​ന്ന​ത്.

ഓ​വു​ചാ​ലി​ന്റെ ജോ​ലി​ക​ളും മി​ക്ക​യി​ട​ങ്ങ​ളി​ലും പാ​തി​വ​ഴി​യി​ലാ​ണ്. അ​തു​കൊ​ണ്ടു​ത​ന്നെ മ​ഴ​വെ​ള്ളം മൊ​ത്തം ഒ​ഴു​കു​ന്ന​ത് സ​ർ​വി​സ് റോ​ഡി​ലൂ​ടെ​യാ​ണ്. ഇ​ത് കാ​ൽ​ന​ട​ക്കാ​ർ​ക്ക് ഏ​റെ ദു​രി​ത​മാ​കു​ന്നു​ണ്ട്. വാ​ഹ​ന​ങ്ങ​ൾ ക​ട​ന്നു​പോ​കു​മ്പോ​ൾ കാ​ൽ​ന​ട​ക്കാ​ർ ച​ളി​യ​ഭി​ഷേ​ക​ത്തി​ൽ മു​ങ്ങും.

വി​ദ്യാ​ർ​ഥി​ക​ളു​ടെ മേ​ലും ച​ളി​ക​ൾ​വെ​ള്ളം തെ​റി​ച്ചു​വീ​ഴു​ന്ന​ത് സ്കൂ​ൾ പ​ഠ​നം ത​ട​സ്സ​പ്പെ​ടു​ന്ന​തി​നും കാ​ര​ണ​മാ​കു​ന്നു. ഒ​പ്പം, അ​പ​ക​ട​ഭീ​ഷ​ണി​യും.

മ​ഴ തു​ട​ങ്ങി​യ​പ്പോ​ൾ​ത​ന്നെ നി​ർ​മാ​ണ ക​മ്പ​നി അ​ധി​കൃ​ത​ർ പ​കു​തി​യോ​ളം തൊ​ഴി​ലാ​ളി​ക​ൾ​ക്ക് അ​വ​ധി ന​ൽ​കി​യ​ത് കാ​ര​ണ​മാ​ണ് ന​ട​പ്പാ​ത നി​ർ​മാ​ണം പാ​തി​വ​ഴി​യി​ലാ​കാ​ൻ കാ​ര​ണ​മെ​ന്ന് നാ​ട്ടു​കാ​ർ പ​റ​യു​ന്നു.

ന​ട​പ്പാ​ത നി​ർ​മാ​ണ​വും ഓ​വു​ചാ​ല്‍ നി​ർ​മാ​ണ​വും കാ​ര്യ​ക്ഷ​മ​മാ​യി യു​ദ്ധ​കാ​ലാ​ടി​സ്ഥാ​ന​ത്തി​ൽ ന​ട​പ്പി​ലാ​ക്കാ​ൻ ന​ട​പ​ടി വേ​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.