ദേ​ശീ​യ​പാ​ത സ​ർ​വി​സ് റോ​ഡ് അ​ട​ച്ചി​ട്ട് ര​ണ്ടാ​ഴ്ച; മൊ​ഗ്രാ​ൽ ടൗ​ണി​ൽ യാത്രാദുരിതം

മൊ​ഗ്രാ​ൽ: മൊ​ഗ്രാ​ൽ ടൗ​ണി​ൽ നി​ന്ന് കു​മ്പ​ള ഭാ​ഗ​ത്തേ​ക്കു​ള്ള ദേ​ശീ​യ​പാ​ത സ​ർ​വി​സ് റോ​ഡ് അ​ട​ച്ചി​ട്ട് ര​ണ്ടാ​ഴ്ച പി​ന്നി​ടു​ന്നു. ഒ​രാ​ഴ്ച​ത്തേ​ക്ക് അ​ട​ച്ചി​ട്ട റോ​ഡാ​ണ് ര​ണ്ടാ​ഴ്ച പി​ന്നി​ട്ടി​ട്ടും തു​റ​ക്കാ​തെ കി​ട​ക്കു​ന്ന​ത്. ഇ​ത് വ​ലി​യ തോ​തി​ലു​ള്ള യാ​ത്രാ​ദു​രി​ത​ത്തി​ന് കാ​ര​ണ​മാ​വു​ന്നു​ണ്ട്.

അ​റ്റ​കു​റ്റ​പ​ണി​ക​ൾ​ക്കെ​ന്ന പേ​രി​ലാ​ണ് ക​ഴി​ഞ്ഞ​മാ​സം പ​തി​നെ​ട്ടാം തീ​യ​തി റോ​ഡ് അ​ട​ച്ചി​ട്ട​ത്. പ​രീ​ക്ഷ സ​മ​യ​വും ഈ​ദ് ആ​ഘോ​ഷ​വു​മൊ​ക്കെ ആ​യ​തി​നാ​ൽ ജോ​ലി​ക​ൾ ഏ​പ്രി​ൽ ആ​ദ്യ​വാ​ര​ത്തേ​ക്ക് മാ​റ്റ​ണ​മെ​ന്ന് നാ​ട്ടു​കാ​രു​ടെ​യും ജ​ന​പ്ര​തി​നി​ധി​ക​ളു​ടെ​യും സ​ന്ന​ദ്ധ സം​ഘ​ട​ന​ക​ളു​ടെ​യും ഓ​ട്ടോ​റി​ക്ഷ തൊ​ഴി​ലാ​ളി​ക​ളു​ടെ​യും ആ​വ​ശ്യം അ​ധി​കൃ​ത​ർ ചെ​വി കൊ​ള്ളാ​തെ​യാ​ണ് റോ​ഡ് അ​ട​ച്ചി​ട്ട​ത്. ഇ​ത് വ​ലി​യ പ്ര​തി​ഷേ​ധ​ത്തി​നും കാ​ര​ണ​മാ​യി​രു​ന്നു.

ഇ​പ്പോ​ൾ മൊ​ഗ്രാ​ൽ ലീ​ഗ് ഓ​ഫി​സി​നും മൊ​ഗ്രാ​ൽ ടൗ​ണി​ലും മു​ഹി​യ​ദ്ദീ​ൻ പ​ള്ളി പ​രി​സ​ര​ത്തു​മു​ള്ള യാ​ത്ര​ക്കാ​ർ​ക്ക് ബ​സ് ക​യ​റ​ണ​മെ​ങ്കി​ൽ ഒ​ന്നെ​ങ്കി​ൽ പെ​റു​വാ​ട് ബ​സ്റ്റോ​പ്പി​ലോ, അ​ല്ലെ​ങ്കി​ൽ കൊ​പ്പ​ളം ബ​സ്റ്റോ​പ്പി​ലോ എ​ത്ത​ണം. ഇ​ത് പ്രാ​യ​മാ​യ​വ​ർ​ക്കും സ്ത്രീ​ക​ൾ​ക്കും കു​ട്ടി​ക​ൾ​ക്കും ഏ​റെ ദു​രി​ത​മാ​കു​ന്നു​ണ്ട്. അ​സ​ഹ്യ​മാ​യ ചൂ​ടി​ൽ ബ​സ് കാ​ത്തു​നി​ൽ​ക്കേ​ണ്ട അ​വ​സ്ഥ​യു​മു​ണ്ട്.

മൊ​ഗ്രാ​ൽ ടൗ​ണി​ലെ യാ​ത്ര​ക്കാ​ർ പെ​റു​വാ​ട്ടേ​ക്കും കൊ​പ്പ​ള​ത്തി​ലേ​ക്കും ഓ​ട്ടോ​റി​ക്ഷ പി​ടി​ച്ചാ​ണ് ബ​സ് ക​യ​റാ​ൻ പോ​കു​ന്ന​ത്. ഇ​തി​ന് 30 രൂ​പ ഓ​ട്ടോ ചാ​ർ​ജും കൊ​ടു​ക്ക​ണം. യാ​ത്ര​ക്കാ​ർ​ക്ക് ഇ​ത് അ​ധി​ക ബാ​ധ്യ​ത​യാ​വു​ന്നു​വെ​ന്നും പ​രാ​തി​യു​ണ്ട്. സ​ർ​വി​സ് റോ​ഡ് അ​ടി​യ​ന്ത​ര​മാ​യി തു​റ​ന്നു​കൊ​ടു​ക്കാ​ൻ ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.