ആവേശം... ഒരുങ്ങി, സ്കൂളുകൾ

കാ​സ​ർ​കോ​ട്​: വേ​ന​ല​വ​ധി​ക്കു​ശേ​ഷം തി​ങ്ക​ളാ​ഴ്ച സ്കൂ​ളു​ക​ളി​ൽ ഫ​സ്റ്റ് ബെ​ൽ മു​ഴ​ങ്ങും. ക​ടു​ത്ത​വേ​ന​ലി​ന്റെ ക്ഷീ​ണ​ത്തി​ൽ​നി​ന്ന് മ​ഴ​യു​ടെ ആ​വേ​ശ​ത്തു​ട​ക്ക​ത്തി​ൽ കു​രു​ന്നു​ക​ൾ ഒ​ന്നാം ത​ര​ത്തി​ലേ​ക്ക് ന​ട​ന്നു​നീ​ങ്ങും. വി​ദ്യാ​ഭ്യാ​സ​വ​കു​പ്പ് ഇ​തി​നാ​യി വ​ലി​യ മു​ന്നൊ​രു​ക്ക​ങ്ങ​ളാ​ണ് ന​ട​ത്തി​യ​ത്.

സ്കൂ​ൾ തു​റ​ക്കു​ന്ന​തി​നു​മു​ന്നേ പാ​ഠ​പു​സ്ത​ക​വി​ത​ര​ണം ഏ​റ​ക്കു​റെ പൂ​ർ​ത്തി​യാ​ക്കാ​നാ​യി. പ്ല​സ് വ​ൺ സീ​റ്റ് ല​ഭ്യ​ത​യു​ടെ വി​വാ​ദ​സ്വ​ര​ങ്ങ​ൾ പ​തി​വു​പോ​ലെ ഇ​ക്കു​റി​യു​മു​ണ്ട്. ഒ​ന്ന്, മൂ​ന്ന്, അ​ഞ്ച്, ഏ​ഴ്, ഒ​മ്പ​ത് ക്ലാ​സു​ക​ളി​ലെ പാ​ഠ​പു​സ്ത​ക​ളാ​ണ് ഇ​പ്രാ​വ​ശ്യം മാ​റി​യ​ത്.

അ​ഞ്ച്, ഏ​ഴ്, ഒ​മ്പ​ത് ക്ലാ​സു​ക​ളി​ൽ ഈ ​അ​ധ്യ​യ​ന​വ​ർ​ഷ​ത്തി​ൽ ആ​ർ​ട്ടും വ​ർ​ക്കു​മാ​യി ബ​ന്ധ​പ്പെ​ട്ട ആ​ക്ടി​വി​റ്റി ബു​ക്കു​ക​ളും അ​ധി​ക​മാ​യു​ണ്ട്. കൂ​ടാ​തെ, ര​ണ്ടാം ക്ലാ​സി​ലെ മ​ല​യാ​ളം ടൈ​റ്റി​ലു​ക​ളാ​യ കേ​ര​ള​ പാ​ഠാ​വ​ലി, ഗ​ണി​തം, ക​ളി​പ്പെ​ട്ടി എ​ന്നീ പാ​ഠ​പു​സ്ത​ക​ങ്ങ​ൾ ലി​പി​മാ​റ്റം കാ​ര​ണം പ​രി​ഷ്ക​രി​ച്ചാ​ണ് വി​ത​ര​ണം ചെ​യ്യു​ന്ന​ത്.

അ​തേ​സ​മ​യം, സ്കൂ​ളു​ക​ളി​ൽ ല​ഹ​രി​ വി​രു​ദ്ധ​പ്ര​വ​ർ​ത്ത​ന​ത്തി​ന് വ​ലി​യ പ്രാ​ധാ​ന്യ​മാ​ണ് വി​ദ്യാ​ഭ്യാ​സ​വ​കു​പ്പ് ന​ൽ​കി​യി​രി​ക്കു​ന്ന​ത്. ‘നോ ​ടു ഡ്ര​ഗ്സ്’​വി​പു​ല​മാ​യ​രീ​തി​യി​ൽ ന​ട​ത്താ​നാ​ണ് മു​ഖ്യ​മ​ന്ത്രി​യു​ടെ അ​ധ്യ​ക്ഷ​ത​യി​ൽ ചേ​ർ​ന്ന യോ​ഗ​തീ​രു​മാ​നം.

കൂ​ടാ​തെ, ര​ക്ഷി​താ​ക്ക​ളെ പ​​ങ്കെ​ടു​പ്പി​ച്ച് ബോ​ധ​വ​ത്ക​ര​ണ ക്ലാ​സ് ന​ട​ത്താ​നും ജി​ല്ല​ത​ല ജ​ന​ജാ​ഗ്ര​ത​സ​മി​തി​ക​ൾ നി​ശ്ചി​ത ഇ​ട​വേ​ള​ക​ളി​ൽ ന​ട​ത്താ​നും തീ​രു​മാ​ന​മു​ണ്ട്. ആ​ന്റി നാ​ർ​കോ​ട്ടി​ക് ദി​ന​മാ​യ ജൂ​ൺ 26ന് ​സ്കൂ​ളു​ക​ളി​ൽ കു​ട്ടി​ക​ളു​ടെ പാ​ർ​ല​മെ​ന്റ് ന​ട​ത്താ​നും ഒ​ക്ടോ​ബ​ർ ര​ണ്ടി​ന് പൊ​തു​ജ​ന​പ​ങ്കാ​ളി​ത്ത​ത്തോ​ടെ സം​വാ​ദ​ങ്ങ​ൾ ന​ട​ത്താ​നും ന​വം​ബ​ർ 14ന് ​​പ്ര​ത്യേ​ക അ​സം​ബ്ലി​ ചേ​രാ​നും മ​നു​ഷ്യാ​വ​കാ​ശ​ദി​ന​മാ​യ ഡി​സം​ബ​ർ 10ന് ​ല​ഹ​രി​വി​രു​ദ്ധ സെ​മി​നാ​ർ സം​ഘ​ടി​പ്പി​ക്കാ​നും സ​ർ​ക്കാ​ർ ശി​പാ​ർ​ശ​യു​ണ്ട്.

എ​ല്ലാ സ്കൂ​ളു​ക​ളി​ലും വി​പു​ല​മാ​യ ഒ​രു​ക്ക​ങ്ങ​ളാ​ണ് സ​ർ​ക്കാ​റി​ന്റെ​യും പി.​ടി.​എ​യു​ടെ​യും നേ​തൃ​ത്വ​ത്തി​ൽ ന​ട​ത്തി​യ​ത്. കു​ട്ടി​ക​ൾ ക​ട​ന്നു​വ​രു​മ്പോ​ൾ വി​ദ്യാ​ല​യ​ങ്ങ​ൾ മി​ക​ച്ച​രീ​തി​യി​ൽ ആ​ക​ർ​ഷ​ണ​മാ​ക്കു​ന്ന​തി​ലു​ള്ള ശ്ര​മ​ങ്ങ​ൾ എ​ല്ലാ​ വി​ദ്യാ​ല​യ​ങ്ങ​ളി​ലും ന​ട​ന്നി​രു​ന്നു.

സ്കൂ​ൾ പി.​ടി.​എ​ക​ളു​ടെ​യും സ​ന്ന​ദ്ധ​സം​ഘ​ട​ന​ക​ളു​ടേ​യും മെ​ഗാ ശു​ചീ​ക​ര​ണ​യ​ജ്ഞം മി​ക്ക​വാ​റും എ​ല്ലാ സ്കൂ​ളു​ക​ളി​ലും പൂ​ർ​ത്തീ​ക​രി​ച്ചി​ട്ടു​ണ്ട്. അ​തു​പോ​ലെ​ത​ന്നെ വി​ദ്യാ​ല​യ​ങ്ങ​ളി​ൽ കു​ട്ടി​ക​ളു​ടെ അ​ക്കാ​ദ​മി​ക​നി​ല​വാ​രം മെ​ച്ച​പ്പെ​ടു​ത്തു​ന്ന​തി​ന് ആ​വ​ശ്യ​മാ​യ വ​ലി​യ ഇ​ട​പെ​ട​ലാ​ണ് സ​ർ​ക്കാ​റി​ന്റെ​യും വി​ദ്യാ​ഭ്യാ​സ​വ​കു​പ്പി​ന്റെയും ഭാ​ഗ​ത്തു​നി​ന്നു​ണ്ടാ​യി​ട്ടു​ള്ള​ത്.

അ​വ​ധി​ക്കാ​ല​ത്ത് ഒ​ന്നു മു​ത​ൽ പ​ത്തു​വ​രെ ക്ലാ​സു​ക​ളി​ൽ പ​ഠി​പ്പി​ക്കു​ന്ന മു​ഴു​വ​ൻ അ​ധ്യാ​പ​ക​ർ​ക്കും പു​തി​യ പാ​ഠ്യ​പ​ദ്ധ​തി പ​രി​ച​യ​പ്പെ​ടു​ത്തു​ന്ന​തി​ന് ആ​വ​ശ്യ​മാ​യ പ​രി​ശീ​ല​ന​ങ്ങ​ൾ പൂ​ർ​ത്തീ​ക​രി​ക്കാ​ൻ സാ​ധി​ച്ചി​ട്ടു​ണ്ട്. കൂ​ടാ​തെ, മാ​റി​യ പാ​ഠ​പു​സ്ത​ക​ങ്ങ​ളു​ടെ വി​ത​ര​ണ​മ​ട​ക്കം പൂ​ർ​ണ​മാ​യും ന​ട​ന്നു​ക​ഴി​ഞ്ഞു.

എ​ല്ലാ​വി​ഭാ​ഗം അ​ധ്യാ​പ​ക​ർ​ക്കും അ​ഞ്ചു​ദി​വ​സം നീ​ണ്ട പ​രി​ശീ​ല​ന​ങ്ങ​ളാ​ണ് ന​ട​ന്ന​ത്. ജി​ല്ല​ത​ല പ്ര​വേ​ശ​നോ​ത്സ​വം രാ​വി​ലെ 10ന് ​കോ​ടോ​ത്ത് ഡോ. ​അം​ബേ​ദ്ക​ര്‍ ജി.​എ​ച്ച്.​എ​സ്.​എ​സി​ല്‍ ഇ. ​ച​ന്ദ്ര​ശേ​ഖ​ര​ന്‍ എം.​എ​ല്‍.​എ ഉ​ദ്ഘാ​ട​നം ചെ​യ്യും. ജി​ല്ല പ​ഞ്ചാ​യ​ത്ത് പ്ര​സി​ഡ​ന്റ് ബേ​ബി ബാ​ല​കൃ​ഷ്ണ​ന്‍ അ​ധ്യ​ക്ഷ​ത വ​ഹി​ക്കും. ച​ട​ങ്ങി​ല്‍ ഒ​ന്നാം ക്ലാ​സ് ഒ​ന്നാം​ത​രം പ​ദ്ധ​തി പ​ഞ്ചാ​യ​ത്ത് പ്ര​സി​ഡ​ന്റ് പി. ​ശ്രീ​ജ​യും സ്റ്റീ​മ​ര്‍ പ​ദ്ധ​തി ജി​ല്ല പ​ഞ്ചാ​യ​ത്ത് വി​ദ്യാ​ഭ്യാ​സ സ്റ്റാ​ന്‍ഡി​ങ് ക​മ്മി​റ്റി ചെ​യ​ര്‍പേ​ഴ്‌​സ​ൻ എ​സ്.​എ​ന്‍. സ​രി​ത​യും ഉ​ദ്ഘാ​ട​നം ചെ​യ്യും.

എ​ന്‍.​എം.​എം.​എ​സ് വി​ജ​യി​ക​ള്‍ക്കു​ള്ള അ​നു​മോ​ദ​നം ജി​ല്ല പ​ഞ്ചാ​യ​ത്തം​ഗം ഷി​നോ​ജ് ചാ​ക്കോ നി​ര്‍വ​ഹി​ക്കും. ‘മാ​റ്റ​ങ്ങ​ളെ ഉ​ൾ​ക്കൊ​ള്ളാം, കാ​ല​ത്തി​നൊ​ത്ത് ഒ​ന്നി​ച്ചു​യ​രാം’​എ​ന്ന​താ​ണ് ഇ​പ്രാ​വ​ശ്യ​ത്തെ മു​ദ്രാ​വാ​ക്യം.

കു​രു​ന്നു​ക​ളെ വ​ര​വേ​ൽ​ക്കാ​ൻ വ​ർ​ണ​ചി​ത്ര കാ​ഴ്ച​ക​ൾ

പാ​ല​ക്കു​ന്ന്: അ​വ​ധി പൂ​ർ​ത്തി​യാ​ക്കി തി​രി​ച്ചെ​ത്തു​ന്ന​വ​രെ​യും ന​വാ​ഗ​ത​രാ​യ കു​രു​ന്നു​ക​ളെ​യും ഏ​റെ പു​തു​മ​ക​ളോ​ടെ വ​ര​വേ​ൽ​ക്കാ​ൻ പാ​ല​ക്കു​ന്ന് അം​ബി​ക ഇം​ഗ്ലീ​ഷ് മീ​ഡി​യം സ്കൂ​ൾ ഒ​രു​ങ്ങി. സ്കൂ​ളി​ന്റെ 40ാം വാ​ർ​ഷി​ക​വും സി.​ബി.​എ​സ്.​ഇ അ​ഫി​ലി​യേ​ഷ​ൻ കി​ട്ടി​യ​തി​ന്റെ 25ാം വാ​ർ​ഷി​ക​വും ആ​ഘോ​ഷി​ക്കു​ന്ന​തി​ന്റെ ഭാ​ഗ​മാ​യി വി​ദ്യാ​ർ​ഥി​ക​ൾ​ക്കാ​യി നി​ര​വ​ധി സൗ​ക​ര്യ​ങ്ങ​ളാ​ണ് ഒ​രു​ക്കി​യി​രി​ക്കു​ന്ന​ത്.

കു​ട്ടി​ക​ളു​ടെ മ​നം ക​വ​രും​വി​ധം സ്കൂ​ൾ മ​തി​ലു​ക​ളി​ൽ വ​ർ​ണ​ചി​ത്ര​ങ്ങ​ൾ വ​ര​ച്ച് ആ​ക​ർ​ഷ​ക​മാ​ക്കു​ന്ന തി​ര​ക്കി​ലാ​ണ് നി​റ​ങ്ങ​ളു​ടെ കൂ​ട്ടു​കാ​ര​നാ​യ ചി​ത്ര​കാ​ര​ൻ ദേ​വ​ദാ​സ് പെ​രി​യ​യും സ്കൂ​ളി​ലെ ചി​ത്ര​ക​ല അ​ധ്യാ​പ​ക​നാ​യ രാ​ജു മാ​സ്റ്റ​റും. ഈ ​അ​ധ്യ​യ​ന​വ​ർ​ഷം മു​ത​ൽ സ്കൂ​ൾ യൂ​നി​ഫോ​മി​ലും മാ​റ്റ​ങ്ങ​ൾ വ​രു​ത്തി​യി​രി​ക്കു​ക​യാ​ണ്.

അ​തോ​ടൊ​പ്പം ക്ലാ​സ് മു​റി​ക​ളും അ​തി​മ​നോ​ഹ​ര​മാ​ക്കി. ഡി​ജി​റ്റ​ൽ സാ​ങ്കേ​തി​ക​വി​ദ്യ​യു​ടെ സ​ഹാ​യ​ത്തോ​ടെ അ​ധ്യ​യ​നം ന​ട​ത്തു​ന്ന​തി​നു​വേ​ണ്ടി​യു​ള്ള സ​ജ്ജീ​ക​ര​ണ​ങ്ങ​ളും ഇ​വി​ടെ ഒ​രു​ക്കി​യി​രി​ക്കു​ക​യാ​ണെ​ന്ന് വി​ദ്യാ​ഭ്യാ​സ സ​മി​തി ഭാ​ര​വാ​ഹി​ക​ളും പ്രി​ൻ​സി​പ്പ​ൽ എ. ​ദി​നേ​ശ​നും പ​റ​ഞ്ഞു.

പഠനം മാത്രമല്ല, സമ്മാനങ്ങളുമുണ്ട്

പാ​ട്ടും ക​ഥ​ക​ളുമായി ആദ്യദിനം വിദ്യാർഥികളെ വരവേൽക്കും

ചെ​റു​വ​ത്തൂ​ർ: വേനലവധിയുടെ കളിചിരികൾ കഴിഞ്ഞുവെങ്കിലും സ്കൂൾ തുറന്നാലും സന്തോഷത്തിന് ഒരു കുറവുമുണ്ടാകില്ല. മിക്ക സ്കൂളുകളും സ​മ്മാ​ന​ങ്ങ​ളും പു​സ്ത​ക​ങ്ങ​ളും മ​ധു​ര​വും ന​ൽ​കി​യാ​ണ് കു​ട്ടി​ക​ളെ വ​ര​വേ​ൽ​ക്കു​ക.

ആ​ദ്യ​ദി​നം ഓ​ർ​മ​യി​ൽ എ​ന്നും നി​ല​നി​ർ​ത്തു​ന്ന​തി​നാ​യി പാ​ട്ടും ക​ഥ​ക​ളും വി​ദ്യാ​ല​യ​മു​റ്റ​ത്ത് നി​റ​ക്കും. എ​ല്ലാ ക്ലാ​സി​ലേ​ക്കു​മു​ള്ള പാ​ഠ​പു​സ്ത​ക​ങ്ങ​ളും യൂ​നി​ഫോ​മും ആ​ദ്യ​ദി​ന​ത്തി​ൽ​ത​ന്നെ കു​ട്ടി​ക​ൾ​ക്ക് ന​ൽ​കും.പി​ലി​ക്കോ​ട് വ​യ​ൽ പി.​സി.​കെ.​ആ​ർ അ​ടി​യോ​ടി സ്മാ​ര​ക ക​ലാ​സ​മി​തി ആ​ൻ​ഡ്​ ഗ്ര​ന്ഥാ​ല​യം പി​ലി​ക്കോ​ട് ഗ​വ. വെ​ൽ​ഫെ​യ​ർ എ​ൽ.​പി സ്കൂ​ളി​ൽ ഒ​ന്നാം​ത​ര​ത്തി​ൽ പ്ര​വേ​ശ​നം നേ​ടി​യ മു​ഴു​വ​ൻ കു​ട്ടി​ക​ൾ​ക്കും പ​ഠ​നോ​പ​ക​ര​ണം വി​ത​ര​ണം ചെ​യ്തു.

വ​ലി​യ​പ​റ​മ്പ് പ​ഞ്ചാ​യ​ത്ത് പ്ര​സി​ഡ​ന്റ്​ വി.​വി. സ​ജീ​വ​ൻ ഉ​ദ്ഘാ​ട​നം ചെ​യ്തു. ക​ലാ​സ​മി​തി പ്ര​സി​ഡ​ന്റ്​ എം. ​മാ​ധ​വ​ൻ അ​ധ്യ​ക്ഷ​ത വ​ഹി​ച്ചു. ലൈ​ബ്ര​റി കൗ​ൺ​സി​ൽ ജി​ല്ല എ​ക്സി​ക്യൂ​ട്ടി​വ് അം​ഗം പി. ​രാ​മ​ച​ന്ദ്ര​ൻ, സി​നി ടീ​ച്ച​ർ എ​ന്നി​വ​ർ സം​സാ​രി​ച്ചു. എ​ൻ.​വി. ര​വീ​ന്ദ്ര​ൻ സ്വാ​ഗ​ത​വും വി. ​സ​ജീ​ഷ് ന​ന്ദി​യും പ​റ​ഞ്ഞു.