നവകേരള സദസ്സില്‍ പരാതി സ്വീകരിക്കാന്‍ പ്രത്യേകം കൗണ്ടറുകള്‍

കാ​സ​ർ​കോ​ട്​: മു​ഖ്യ​മ​ന്ത്രി​യും മ​ന്ത്രി​മാ​രും പ​ങ്കെ​ടു​ക്കു​ന്ന ന​വ​കേ​ര​ള സ​ദ​സ്സി​ല്‍ പൊ​തു​ജ​ന​ങ്ങ​ളി​ല്‍നി​ന്ന് പ​രാ​തി സ്വീ​ക​രി​ക്കാ​ന്‍ ഏ​ഴ് കൗ​ണ്ട​റു​ക​ള്‍ സ​ജ്ജ​മാ​ക്കും. പ​രി​പാ​ടി​ക​ള്‍ ആ​രം​ഭി​ക്കു​ന്ന​തി​നു​മു​മ്പും പ​രി​പാ​ടി​ക​ള്‍ ക​ഴി​ഞ്ഞ​തി​നു​ശേ​ഷ​വും പ​രാ​തി സ്വീ​ക​രി​ക്കും. സ്ത്രീ​ക​ള്‍, ഭി​ന്ന​ശേ​ഷി​ക്കാ​ര്‍ മു​തി​ര്‍ന്ന പൗ​ര​ന്മാ​ര്‍ എ​ന്നി​വ​ര്‍ക്ക് പ്ര​ത്യേ​ക കൗ​ണ്ട​ര്‍ സൗ​ക​ര്യം ഏ​ര്‍പ്പെ​ടു​ത്തും.

ന​വ​കേ​ര​ള സ​ദ​സ്സ് ആ​രം​ഭി​ക്കു​ന്ന​തി​ന് ര​ണ്ട് മ​ണി​ക്കൂ​ര്‍ മു​മ്പ് പ​രാ​തി​ക​ള്‍ സ്വീ​ക​രി​ച്ചു തു​ട​ങ്ങും. പ​രാ​തി​ക​ള്‍ ന​ല്‍കേ​ണ്ട നി​ർ​ദേ​ശ​ങ്ങ​ള്‍ കൗ​ണ്ട​റി​ല്‍ പ്ര​ദ​ര്‍ശി​പ്പി​ക്കും. മാ​ര്‍ഗ​നി​ർ​ദേ​ശ​ങ്ങ​ള്‍ ന​ല്‍കു​ന്ന​തി​ന് ജീ​വ​ന​ക്കാ​രും ഉ​ണ്ടാ​കും. പ​രാ​തി​ക​ളി​ല്‍ പൂ​ര്‍ണ​മാ​യ വി​ലാ​സ​വും മൊ​ബൈ​ല്‍ ന​മ്പ​റും ഇ​ -മെ​യി​ല്‍ ഉ​ണ്ടെ​ങ്കി​ല്‍ അ​തും ന​ല്‍ക​ണം.

പ​രാ​തി​ക​ള്‍ക്ക് കൈ​പ്പ​റ്റി ര​സീ​ത് ന​ല്‍കും. സ​ദ​സ്സ് ന​ട​ക്കു​മ്പോ​ള്‍ തി​ര​ക്കൊ​ഴി​വാ​ക്കാ​നാ​യി പ​രാ​തി സ്വീ​ക​രി​ക്കു​ന്ന​ത് നി​ര്‍ത്തി വെ​ക്കും. ഡേ​റ്റാ എ​ന്‍ട്രി പൂ​ര്‍ത്തി​യാ​ക്കു​ന്ന ദി​വ​സം ത​ന്നെ പ​രാ​തി​ക​ള്‍ തു​ട​ർ ന​ട​പ​ടി​ക​ള്‍ക്കാ​യി പോ​ര്‍ട്ട​ലി​ലൂ​ടെ ന​ല്‍കും. പ​രാ​തി​ക​ള്‍ ഒ​രാ​ഴ്ച മു​ത​ല്‍ ഒ​ന്ന​ര മാ​സ​ത്തി​ന​കം പൂ​ര്‍ണ​മാ​യും തീ​ര്‍പ്പാ​ക്കും.

പ​രാ​തി കൈ​പ്പ​റ്റു​ന്ന ജി​ല്ല​ത​ല ഉ​ദ്യോ​ഗ​സ്ഥ​ര്‍ ര​ണ്ടാ​ഴ്ച​ക്ക​കം ഈ ​പ​രാ​തി തീ​ര്‍പ്പാ​ക്കി വി​ശ​ദ​മാ​യ മ​റു​പ​ടി ന​ല്‍കി അ​പ് ലോഡ് ചെ​യ്യ​ണം. കൂ​ടു​ത​ല്‍ ന​ട​പ​ടി​ക​ള്‍ ആ​വ​ശ്യ​മു​ള്ള പ​രാ​തി​ക​ള്‍ പ​ര​മാ​വ​ധി നാ​ല് ആ​ഴ്ച​ക്കു​ള്ളി​ല്‍ തീ​ര്‍പ്പാ​ക്കും.

പ​രാ​തി കൈ​പ്പ​റ്റി ഒ​രാ​ഴ്ച​ക്കു​ള്ളി​ല്‍ പ​രാ​തി​ക്കാ​ര​ന് ഇ​ട​ക്കാ​ല മ​റു​പ​ടി ന​ല്‍കും. സം​സ്ഥാ​ന​ത​ല​ത്തി​ല്‍ തീ​രു​മാ​നി​ക്കേ​ണ്ട വി​ഷ​യ​മാ​ണെ​ങ്കി​ല്‍ 45 ദി​വ​സ​ത്തി​നു​ള്ളി​ല്‍ പ​രി​ഹ​രി​ക്കും. പ​രാ​തി​ക​ള്‍ക്ക് മ​റു​പ​ടി ത​പാ​ലി​ലൂ​ടെ ന​ല്‍കും. ന​വം​ബ​ര്‍ 18, 19 തീ​യ​തി​ക​ളി​ലാ​ണ് കാ​സ​ര്‍കോ​ട് ജി​ല്ല​യി​ല്‍ ന​വ​കേ​ര​ള സ​ദ​സ്സ്​ ന​ട​ക്കു​ന്ന​ത്.