പ​രാ​തി മ​നു​ഷ്യാ​വ​കാ​ശ ക​മീ​ഷ​ൻ തീ​ർ​പ്പാ​ക്കി; സ​ഞ്ചാ​ര സ്വാ​ത​ന്ത്ര്യം ഉ​റ​പ്പാക്കണം

മൊ​ഗ്രാ​ൽ: ജ​ന​ങ്ങ​ളു​ടെ സ​ഞ്ചാ​ര​സ്വാ​ത​ന്ത്ര്യം ഉ​റ​പ്പു​വ​രു​ത്തു​ന്ന​തി​നും ബ​ദ​ൽ സൗ​ക​ര്യ​ങ്ങ​ൾ ഏ​ർ​പ്പെ​ടു​ത്തു​ന്ന​തി​നും ന​ട​പ​ടി സ്വീ​ക​രി​ക്ക​ണ​മെ​ന്ന് പാ​ല​ക്കാ​ട് സ​തേ​ൺ ഡി​വി​ഷ​ന​ൽ റെ​യി​ൽ​വേ മാ​നേ​ജ​ർ​ക്ക് ശി​പാ​ർ​ശ ന​ൽ​കി മ​നു​ഷ്യാ​വ​കാ​ശ ക​മീ​ഷ​ന് ന​ൽ​കി​യ പ​രാ​തി തീ​ർ​പ്പാ​ക്കി. ഒ​രു മു​ന്ന​റി​യി​പ്പു​മി​ല്ലാ​തെ സു​ര​ക്ഷാ​കാ​ര​ണ​ങ്ങ​ൾ ചൂ​ണ്ടി​ക്കാ​ട്ടി ജ​നു​വ​രി 10ന് ​മൊ​ഗ്രാ​ൽ ക​ട​പ്പു​റം വ​ലി​യ ജു​മാ​മ​സ്ജി​ദി​ന് മു​ൻ​വ​ശം, മൊ​ഗ്രാ​ൽ മീ​ലാ​ദ് ന​ഗ​ർ എ​ന്നി​വി​ട​ങ്ങ​ളി​ൽ പാ​ളം മു​റി​ച്ചു​ക​ട​ക്കു​ന്ന​ത് ത​ട​ഞ്ഞ റെ​യി​ൽ​വേ ന​ട​പ​ടി​യി​ൽ ഇ​ട​പെ​ട​ൽ ആ​വ​ശ്യ​പ്പെ​ട്ടാ​ണ് മൊ​ഗ്രാ​ൽ ദേ​ശീ​യ​വേ​ദി മ​നു​ഷ്യാ​വ​കാ​ശ ക​മീ​ഷ​നെ സ​മീ​പി​ച്ച​ത്.

മൊ​ഗ്രാ​ൽ പ​ടി​ഞ്ഞാ​ർ പ്ര​ദേ​ശ​ത്തു​ള്ള നൂ​റു​ക​ണ​ക്കി​ന് വി​ദ്യാ​ർ​ഥി​ക​ൾ​ക്ക് പ്ര​യാ​സ​മു​ണ്ടാ​ക്കു​ന്ന​താ​യി​രു​ന്നു റെ​യി​ൽ​വേ​യു​ടെ പെ​ട്ടെ​ന്നു​ള്ള ന​ട​പ​ടി. ഒ​പ്പം, 2500ലേ​റെ മ​ഹ​ല്ലു​ക​ൾ ഉ​ൾ​പ്പെ​ടു​ന്ന മൊ​ഗ്രാ​ൽ ക​ട​പ്പു​റം വ​ലി​യ ജു​മാ​മ​സ്ജി​ദി​ലേ​ക്ക് മ​യ്യി​ത്ത് കൊ​ണ്ടു​പോ​കാ​നും റെ​യി​ൽ​വേ​യു​ടെ അ​ട​ച്ചി​ട​ൽ ന​ട​പ​ടി ഏ​റെ പ്ര​യാ​സ​മു​ണ്ടാ​ക്കി​യി​രു​ന്നു. ഈ ​വി​ഷ​യ​ങ്ങ​ളൊ​ക്കെ ചൂ​ണ്ടി​ക്കാ​ട്ടി​യാ​യി​രു​ന്നു ദേ​ശീ​യ​വേ​ദി മ​നു​ഷ്യാ​വ​കാ​ശ ക​മീ​ഷ​ന് പ​രാ​തി ന​ൽ​കി​യി​രു​ന്ന​ത്.

ജ​ന​പ്ര​തി​നി​ധി​ക​ൾ വ​ഴി റെ​യി​ൽ​വേ അ​ധി​കൃ​ത​ർ​ക്ക് അ​ട​ച്ചി​ട​ൽ തീ​രു​മാ​നം പു​നഃ​പ​രി​ശോ​ധി​ക്ക​ണ​മെ​ന്ന് ആ​വ​ശ്യ​പ്പെ​ട്ട് നി​വേ​ദ​ന​വും ന​ൽ​കി​യി​രു​ന്നു. മൊ​ഗ്രാ​ൽ ക​ട​പ്പു​റം വ​ലി​യ ജു​മാ​മ​സ്ജി​ദ്, നാ​ങ്കി ജു​മാ​മ​സ്ജി​ദ്, മീ​ലാ​ദ് ന​ഗ​ർ എ​ന്നി​വി​ട​ങ്ങ​ളി​ൽ മ​റ്റു മാ​ർ​ഗ​മി​ല്ലാ​തെ പാളം മു​റി​ച്ചു​ക​ട​ന്നു​വേ​ണം പ്ര​ദേ​ശ​വാ​സി​ക​ൾ​ക്കും വി​ദ്യാ​ർ​ഥി​ക​ൾ​ക്കും സ്കൂ​ളി​ലും മ​ദ്റ​സ​യി​ലും ടൗ​ണി​ലും പോ​കാ​ൻ.

ഒ​ന്ന​ര കി​ലോ​മീ​റ്റ​ർ ദൂ​ര​മു​ള്ള കൊ​പ്പ​ളം അ​ടി​പ്പാ​ത​യെ ആ​ശ്ര​യി​ക്ക​ണ​മെ​ന്നാ​യി​രു​ന്നു റെ​യി​ൽ​വേ​യു​ടെ നി​ർ​ദേ​ശം. ഇ​ത് വി​ദ്യാ​ർ​ഥി​ക​ൾ​ക്ക് ഏ​റെ പ്ര​യാ​സ​മു​ണ്ടാ​ക്കു​ന്ന നി​ർ​ദേ​ശ​മാ​ണെ​ന്ന് മൊ​ഗ്രാ​ൽ ദേ​ശീ​യ​വേ​ദി പ​രാ​തി​യി​ൽ പ​റ​ഞ്ഞി​രു​ന്നു. പ​രി​ഹാ​ര​മാ​യി പ്ര​സ്തു​ത സ്ഥ​ല​ങ്ങ​ളി​ൽ ട്രാ​ക്കി​ന് അ​ടി​യി​ലൂ​ടെ ന​ട​ന്നു​പോ​കാ​നു​ള്ള ക​ലു​ങ്ക് രൂ​പ​ത്തി​ലു​ള്ള ന​ട​പ്പാ​ത അ​നു​വ​ദി​ക്ക​ണ​മെ​ന്നാ​യി​രു​ന്നു നാ​ട്ടു​കാ​രു​ടെ ആ​വ​ശ്യം. ഇ​തി​നാ​ണ് ബ​ദ​ൽ സൗ​ക​ര്യ​ങ്ങ​ൾ ഏ​ർ​പ്പെ​ടു​ത്താ​ൻ റെ​യി​ൽ​വേ​ക്ക് ശി​പാ​ർ​ശ ന​ൽ​കി മ​നു​ഷ്യാ​വ​കാ​ശ ക​മീ​ഷ​ൻ പ​രാ​തി തീ​ർ​പ്പാ​ക്കി​യി​രി​ക്കു​ന്ന​ത്.