മത്സ്യവിപണി സജീവം; തീരത്തെങ്ങും ഞണ്ട് ചാകര

മൊ​ഗ്രാ​ൽ: ജി​ല്ല​യി​ൽ ഇ​ന്ന​ലെ ഞ​ണ്ട് ചാ​ക​ര. കാ​ല​വ​ർ​ഷ​ത്തി​ലു​ണ്ടാ​യ മാ​റ്റ​വും ക​ട​ൽ ശാ​ന്ത​മാ​യ​തും ട്രോ​ളിങ് നി​രോ​ധ​നം നീ​ങ്ങി​യ​തും ഞ​ണ്ടു​ക​ളും മ​റ്റ് മ​ത്സ്യ​ങ്ങ​ളു​മാ​യി വി​പ​ണി​ക​ൾ നി​റ​ഞ്ഞു. ര​ണ്ടു മാ​സ​ത്തെ ട്രോ​ളിങ് നി​രോ​ധ​ന​ത്തി​ന് ശേ​ഷ​മാ​ണ് മ​ത്സ്യ​ത്തൊ​ഴി​ലാ​ളി​ക​ൾ ക​ട​ലി​ൽ പോ​യിത്തു​ട​ങ്ങി​യ​ത്.

അ​യി​ല, മ​ത്തി, ചെ​മ്മീ​ൻ, അ​യ​ക്കൂ​റ, കൂ​ന്ത​ൽ, കോ​ലി എ​ന്നി​വ മാ​ർ​ക്ക​റ്റി​ൽ സു​ല​ഭ​മാ​ണ്. കു​റ​ച്ച് നാ​ൾ മു​മ്പു വ​രെ തീ ​വി​ല​യാ​യി​രു​ന്ന അ​യി​ല, മ​ത്തി എ​ന്നി​വ​ക്ക് 100 മു​ത​ൽ 150 രൂ​പ വ​രെ​യാ​ണ് ഇ​പ്പോ​ഴ​ത്തെ വി​ല. ചെ​മ്മീ​ന് വ​ലു​തി​ന് 400 രൂ​പ​യും ചെ​റു​തി​ന് 200 രൂ​പ​യു​മാ​ണ് വി​ല. അ​യ​ക്കൂ​റ 400 മു​ത​ൽ 500രൂ​പ വ​രെ​യു​ണ്ട്. കോ​ലി​ക്ക് 150 മു​ത​ൽ 200 രൂ​പ വ​രെ​യാ​ണ് വി​ല. അ​തി​നി​ടെ തീ​ര​ത്തെ​ങ്ങും ചെ​റി​യ വ​ല​ക​ൾ ഉ​പ​യോ​ഗി​ച്ചു​ള്ള മീ​ൻ​പി​ടിത്ത​വും വ്യാ​പ​ക​മാ​ണ്. ഇ​വ​ർ​ക്ക് ഇ​പ്പോ​ൾ "ഞ​ണ്ട്'' ചാ​ക​ര​യാ​ണ്.

ഞ​ണ്ടി​ന് 100 മു​ത​ൽ 200 രൂ​പ വ​രെ ഈ​ടാ​ക്കു​ന്നു​ണ്ട്. ക്വി​ന്റ​ൽ ക​ണ​ക്കി​ന് ഞ​ണ്ടാ​ണ് ചാ​ക്കു​ക​ളി​ലാ​ക്കി ജി​ല്ല​യി​ലെ തീ​ര​മേ​ഖ​ല​യി​ൽ നി​ന്ന് മ​ത്സ്യ​മാ​ർ​ക്ക​റ്റു​ക​ളി​ലും പൊ​തു​ഇ​ട​ങ്ങ​ളി​ലും എ​ത്തു​ന്ന​ത്. ത​ല​പ്പാ​ടി മു​ത​ൽ ചെ​ങ്ക​ള വ​രെ​യു​ള്ള ദേ​ശീ​യ​പാ​ത​യോ​ര​ങ്ങ​ളി​ൽ ഇ​ത്ത​ര​ത്തി​ൽ മ​ത്സ്യ​വി​ൽ​പ​ന ത​കൃ​തി​യാ​ണ്.