തീ​ര​ദേ​ശ​ത്തെ 'ആ​ശ​ങ്ക'​യി​ലാ​ഴ്ത്തി സുനാമി മോക്ഡ്രില്‍

തൃ​ക്ക​രി​പ്പൂ​ർ: സു​നാ​മി​യു​ണ്ടാ​യാ​ല്‍ സ്വീ​ക​രി​ക്കേ​ണ്ട അ​ടി​യ​ന്തര ന​ട​പ​ടി​ക​ളെ​ക്കു​റി​ച്ചും ര​ക്ഷാ​പ്ര​വ​ര്‍ത്ത​ന​ത്തെക്കുറി​ച്ചും അ​വ​ബോ​ധം ന​ല്‍കു​ക​യെ​ന്ന ല​ക്ഷ്യ​ത്തോ​ടെ വ​ലി​യ​പ​റ​മ്പി​ല്‍ മോ​ക്ഡ്രി​ല്‍ ന​ട​ത്തി. ശാ​ന്ത​സു​ന്ദ​ര​മാ​യ ക​ട​ലി​ന്റെ ഭം​ഗി ആ​സ്വ​ദി​ക്കാ​നെ​ത്തി​യ സ​ഞ്ചാ​രി​ക​ളെ​യും തീ​ര​ദേ​ശ​ത്തെ ജ​ന​ങ്ങ​ളെ​യും ആ​ശ​ങ്ക​യി​ലാ​ഴ്ത്തി ക​ഴി​ഞ്ഞ​ദി​വ​സം വൈ​കീ​ട്ട് 3.57ന് ​ക​ല​ക്ട​റേ​റ്റി​ല്‍നി​ന്ന് സു​നാ​മി മു​ന്ന​റി​യി​പ്പ് ന​ൽ​കി​യാ​ണ് മോ​ക്ഡ്രി​ൽ തു​ട​ങ്ങി​യ​ത്. ഒ​രു​നി​മി​ഷം പ​രി​ഭ്രാ​ന്ത​രാ​യ ജ​ന​ത്തി​ന് ക​ട​ല്‍തീ​ര​ത്തു​നി​ന്ന് മാ​റാ​നു​ള്ള നി​ര്‍ദേ​ശം ല​ഭി​ച്ചു. അ​ഗ്നി​ര​ക്ഷ​സേ​ന​യു​ടെ നേ​തൃ​ത്വ​ത്തി​ല്‍ ക​ട​ല്‍തീ​ര​ത്തെ വീ​ടു​ക​ളി​ല്‍ താ​മ​സി​ക്കു​ന്ന​വ​ര്‍ക്കു​ള്ള മു​ന്ന​റി​യി​പ്പ് അ​നൗ​ണ്‍സ്മെ​ന്റ് ന​ട​ത്തി. ച​ന്തേ​ര പൊ​ലീ​സും തൃ​ക്ക​രി​പ്പൂ​ര്‍ അ​ഗ്നി​ര​ക്ഷ സേ​ന​യും ദു​ര​ന്ത നി​വാ​ര​ണ സേ​ന​യും ചേ​ര്‍ന്ന് ക​ട​ല്‍തീ​ര​ത്തെ വീ​ടു​ക​ളി​ല്‍ നി​ന്നും ബീ​ച്ചി​ല്‍ നി​ന്നു​മു​ള്ള ജ​ന​ത്തെ ഉ​ട​ൻ സു​ര​ക്ഷി​ത സ്ഥ​ല​ത്തേ​ക്ക് മാ​റ്റു​ന്ന​തി​നു​ള്ള പ്ര​വ​ര്‍ത്ത​നം ആ​രം​ഭി​ച്ചു.

വ​ലി​യ​പ​റ​മ്പ കു​ടും​ബാ​രോ​ഗ്യ കേ​ന്ദ്ര​ത്തി​ന്റെ ആം​ബു​ല​ന്‍സി​ലും അ​ഗ്നി​ര​ക്ഷ​സേ​ന വാ​ഹ​ന​ത്തി​ലും പ​ഞ്ചാ​യ​ത്തി​ന്റെ​യും മ​റ്റും സ​ര്‍ക്കാ​ര്‍ വാ​ഹ​ന​ങ്ങ​ളി​ലും ജ​ന​ങ്ങ​ളെ സ​മീ​പ​ത്തെ മ​സാ​ലി​ഹു​ൽ ഇ​സ്‍ലാം മ​ദ്റ​സ​യി​ലേ​ക്ക് എ​ത്തി​ക്കാ​നു​ള്ള ന​ട​പ​ടി​ക​ള്‍ ദ്രു​ത​ഗ​തി​യി​ല്‍ ന​ട​ത്തി. ജ​ന​ങ്ങ​ളും നി​ര്‍ദേ​ശ​ത്തോ​ട് പൂ​ര്‍ണ​മാ​യി സ​ഹ​ക​രി​ച്ചു. 58 കു​ടും​ബ​ങ്ങ​ളെ ക്യാ​മ്പി​ലേ​ക്ക് മാ​റ്റി. ഇ​തി​നി​ട​യി​ല്‍ 19പേ​ര്‍ക്ക് പ​രി​ക്കേ​റ്റു. ഇ​തി​ല്‍ ഗു​രു​ത​ര​മാ​യ പ​രി​ക്കു​ക​ളു​ള്ള എ​ട്ടു​പേ​രെ കാ​ഞ്ഞ​ങ്ങാ​ട് ജി​ല്ല ആ​ശു​പ​ത്രി​യി​ലേ​ക്ക് മാ​റ്റി. മ​റ്റു​ള്ള​വ​രെ പ്ര​ഥ​മ ശൂ​ശ്രൂ​ഷ ന​ല്‍കി വി​ട്ട​യ​ച്ചു. ഒ​രു മ​ണി​ക്കൂ​റോ​ളം നീ​ണ്ട മോ​ക്ഡ്രി​ല്‍ നി​ല​വി​ലെ ര​ക്ഷാ​ദൗ​ത്യ സം​വി​ധാ​ന​ങ്ങ​ള്‍ കാ​ര്യ​ക്ഷ​മ​മാ​ണോ​യെ​ന്ന് തി​രി​ച്ച​റി​യു​ന്ന​തി​നും പ​ര്യാ​പ്ത​മാ​യി. ജി​ല്ല ദു​ര​ന്ത നി​വാ​ര​ണ വി​ഭാ​ഗ​മാ​ണ് മോ​ക്ഡ്രി​ല്ലി​ന് നേ​തൃ​ത്വം ന​ല്‍കി​യ​ത്.

ഹോ​സ്ദു​ര്‍ഗ് ത​ഹ​സി​ല്‍ദാ​ര്‍ എ​ന്‍. മ​ണി​രാ​ജി​ന്റെ നേ​തൃ​ത്വ​ത്തി​ലു​ള്ള റ​വ​ന്യൂ ഉ​ദ്യോ​ഗ​സ്ഥ​ര്‍, തൃ​ക്ക​രി​പ്പൂ​ര്‍ ഫ​യ​ര്‍ ഓ​ഫി​സ​ര്‍ കെ.​എം. ശ്രീ​നാ​ഥ​ന്റെ നേ​തൃ​ത്വ​ത്തി​ലു​ള്ള 14 അ​ഗ്നി​ര​ക്ഷ​സേ​ന ഉ​ദ്യോ​ഗ​സ്ഥ​ര്‍, 30 സി​വി​ല്‍ ഡി​ഫ​ന്‍സ് വ​ള​ന്റി​യ​ര്‍മാ​ര്‍, ച​ന്തേ​ര, തൃ​ക്ക​രി​പ്പൂ​ര്‍ കോ​സ്റ്റ​ല്‍ പൊ​ലീ​സ് സേ​ന എ​ന്നി​വ​ര്‍ മോ​ക്ഡ്രി​ല്ലി​ന്റെ ഭാ​ഗ​മാ​യി. വ​ലി​യ​പ​റ​മ്പ കു​ടും​ബാ​രോ​ഗ്യ​കേ​ന്ദ്രം മെ​ഡി​ക്ക​ല്‍ ഓ​ഫി​സ​ര്‍ ഡോ. ​ധ​ന്യ മ​നോ​ജി​ന്റെ നേ​തൃ​ത്വ​ത്തി​ലു​ള്ള മെ​ഡി​ക്ക​ല്‍ സം​ഘം പ​രി​ശോ​ധ​ന​ ന​ട​ത്തി. ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്റ് വി.​വി. സ​ജീ​വ​ന്‍, എ.​ഡി.​എം എ.​കെ. ര​മേ​ന്ദ്ര​ന്‍, പ​ഞ്ചാ​യ​ത്ത് വൈ​സ് പ്ര​സി​ഡ​ന്റ് പി. ​ശ്യാ​മ​ള, ജ​ന​പ്ര​തി​നി​ധി​ക​ള്‍, ഉ​ദ്യോ​ഗ​സ്ഥ​ര്‍, സം​സ്ഥാ​ന ദു​ര​ന്ത​നി​വാ​ര​ണ അ​തോ​റി​റ്റി ഹ​സാ​ര്‍ഡ് അ​ന​ലി​സ്റ്റു​മാ​രാ​യ ഡോ. ​ആ​ല്‍ഫ്ര​ഡ് ജോ​ണി, പ്രേം ​ജി പ്ര​കാ​ശ് തു​ട​ങ്ങി​യ​വ​രും മോ​ക്ഡ്രി​ല്ലി​ന്റെ ഭാ​ഗ​മാ​യി.