കെൽ തുറക്കുന്നതിൽ അവ്യക്​തത; അനുബന്ധ കമ്പനിയെന്ന്​ എം.ഡിയും

കാസർകോട്​: കേന്ദ്രം വിൽപനക്കുവെച്ച ഭെൽ- ഇ.എം.എൽ കമ്പനി കേരളം ഏറ്റെടുത്തെങ്കിലും എന്ന്​ തുറക്കുമെന്ന കാര്യത്തിൽ അനിശ്ചിതത്വം. തൊഴിലാളികളുടെ ശമ്പള​​വും കുടിശ്ശികയും എന്നുലഭിക്കുമെന്ന കാര്യത്തിലും ഒരുറപ്പുമില്ല. എന്നാൽ, പഴയ കെൽ ഇനിയുണ്ടാവില്ലെന്ന സൂചന മാനേജിങ്​ ഡയറക്​ടർ ഷാജി എം. വർഗീസും ആവർത്തിച്ചു.

സർക്കാർ തല തീരുമാനമാണെന്നും അദ്ദേഹം ജീവനക്കാരുടെ സംഘടന പ്രതിനിധികളെ അറിയിച്ചു. രണ്ടുവർഷത്തോളം നീണ്ട കാത്തിരിപ്പിനൊടുവിലാണ്​ കാസർകോട്​ ബദ്രഡുക്കയിലെ പഴയ കെൽ യൂനിറ്റ്​ തുറക്കുമെന്ന പ്രഖ്യാപനം സർക്കാർ നടത്തിയത്​. ഭെൽ അധീനതയിലുണ്ടായിരുന്ന 51 ശതമാനം ഓഹരിയും ഏറ്റെടുത്ത്​ പഴയ കെൽ യാഥാർഥ്യമാവുമെന്നാണ്​ ജീവനക്കാരും നാട്ടുകാരും കരുതിയത്​. സർക്കാറി​െൻറ നൂറുദിന കർമപദ്ധതിയുടെ ​നേട്ടമായി ബുധനാഴ്​ചയും മുഖ്യമന്ത്രി ഇക്കാര്യം ആവർത്തിച്ചു.

പഴയ കെൽ യൂനിറ്റി​െൻറ 51ശതമാനം ഓഹരി ഭെല്ലിന്​ നൽകിയാണ്​ ഭെൽ ഇ.എം.എൽ കമ്പനിയായത്​. ഭെൽ ഓഹരി കൈ​യൊഴിഞ്ഞതോടെ മുഴുവൻ ഓഹരിയും കെല്ലി​േൻറതായി. സ്വാഭാവികമായും പഴയ കെൽ നിലവിൽ വരുമെന്ന്​ പ്രതീക്ഷിച്ചിരിക്കെയാണ്​ കെല്ലി​െൻറ അനുബന്ധ കമ്പനിയാണ്​ കാസർ​കോ​ട്ടേത്​ എന്ന്​ വ്യവസായ മന്ത്രി പി. രാജീവ്​ തൊഴിലാളി സംഘടനകളെ അറിയിച്ചത്​. ഇതിലുള്ള അതൃപ്​തി തൊഴിലാളികൾ മന്ത്രിയെ ബോധ്യപ്പെടുത്തുകയും ചെയ്​തു.ഇതിനു പിന്നാലെയാണ്​ എം.ഡിയുമായി ബുധനാഴ്​ച കൊച്ചിയിൽ സംയുക്​ത തൊഴിലാളി യൂനിയൻ നേതാക്കൾ ചർച്ച നടത്തിയത്​. കെല്ലി​െൻറ അനുബന്ധ കമ്പനിയാകുന്നതിലുള്ള ആശങ്ക ജീവനക്കാർ എം.ഡിയെ അറിയിച്ചു.

കമ്പനി എന്നു തുറക്കാൻ കഴിയുമെന്ന ചോദ്യത്തിന്​ കൃത്യമായ തീയതി പറയാൻ എം.ഡിക്ക്​ സാധിച്ചില്ല. ശമ്പളവും കുടിശ്ശികയും എന്നു ലഭിക്കുമെന്ന കാര്യത്തിലും ഒരുറപ്പും നൽകിയില്ലെന്ന്​ തൊഴിലാളി സംഘടനകൾ പറഞ്ഞു. ഈമാസം 28, 29 തീയതികളിൽ വീണ്ടും ചർച്ച നടത്തുമെന്നും എം.ഡി തൊഴിലാളികളെ അറിയിച്ചു.വി. രത്നാകരൻ (സി.ഐ.ടി.യു), കെ.പി.മുഹമ്മദ് അഷ്റഫ് (എസ്.ടി.യു), എ. വാസുദേവൻ (ഐ.എൻ.ടി.യു.സി), കെ.ജി. സാബു (ബി.എം.എസ്) എന്നിവർ ചർച്ചയിൽ പ​ങ്കെടുത്തു.