കൈക്കൂലി വാങ്ങവേ വിജിലൻസ് പിടിയിൽ; ഡോ. വെങ്കിടഗിരി​യെ സംരക്ഷിക്കുന്നത് സംഘടനയും വകുപ്പും -ഡോക്ടർമാർ

കാ​സ​ർ​കോ​ട്: മ​ധു​ർ പ​ട്ള സ്വ​ദേ​ശി പി.​എ. അ​ബ്ബാ​സി​ൽ​നി​ന്ന് 2000 രൂ​പ കൈ​ക്കൂ​ലി വാ​ങ്ങവേ വി​ജി​ല​ൻ​സ് അ​റ​സ്റ്റി​ലാ​യ ജ​ന​റ​ൽ ആ​ശു​പ​ത്രി​യി​ലെ അ​ന​സ്ത​റ്റി​സ്റ്റ് ഡോ​ക്ട​ർ വെ​ങ്ക​ിടഗി​രി​യെ സം​ര​ക്ഷി​ക്കു​ന്ന​ത് ആ​രോ​ഗ്യ​വ​കു​പ്പും ഐ.​എം.​എ​യു​മാ​ണെ​ന്ന് ര​ണ്ട് ഡോ​ക്ട​ർ​മാ​ർ വാ​ർ​ത്ത​സ​മ്മേ​ള​ന​ത്തി​ൽ ആ​രോ​പി​ച്ചു. 25 വ​ർ​ഷ​ത്തി​ലേ​റെ​യാ​യി അ​ദ്ദേ​ഹം കാ​സ​ർ​കോ​ട് ജ​ന​റ​ൽ ആ​ശു​പ​ത്രി​യി​ലാ​ണ് ജോ​ലി ചെ​യ്യു​ന്ന​ത്. സ​സ്പെഡ് ചെ​യ്യ​പ്പെ​ട്ടി​ട്ടും പ്ര​മോ​ഷ​ൻ ല​ഭി​ച്ചി​ട്ടും അ​ദ്ദേ​ഹ​ത്തി​നു സ്ഥ​ലംമാ​റ്റ​മു​ണ്ടാ​യി​ല്ല. വ്യാ​പ​ക​മാ​യി കൈ​ക്കൂ​ലി വാ​ങ്ങി കു​പ്ര​സി​ദ്ധ​നാ​യ ഇ​ദ്ദേ​ഹം അ​ന​സ്ത​റ്റി​സ്റ്റ് സം​ഘ​ട​ന​യു​ടെ മു​ൻ ദേ​ശീ​യ അ​ധ്യ​ക്ഷ​നാ​യി​രു​ന്നു.

മ​ധൂ​ർ പ​ഞ്ചാ​യ​ത്തി​ലെ 26 കാ​രി​യാ​യ സ​ര​സ്വ​തി എ​ന്ന സ്ത്രീ​ക്ക് കൈ​ക്കൂ​ലി കൊ​ടു​ക്കാ​ത്ത​തി​നാ​ൽ ചി​കി​ത്സ നി​ഷേ​ധി​ച്ച​ത് വി​ജി​ല​ൻ​സ് അ​ന്വേ​ഷ​ണ​ത്തി​ൽ സ്ഥി​രീ​ക​രി​ച്ച​താ​ണ്. വ​കു​പ്പ്ത​ല ന​ട​പ​ടി​ക്ക് ശിപാ​ർ​ശ ചെ​യ്യ​പ്പെ​ട്ടെ​ങ്കി​ലും ഒ​ന്നും സം​ഭ​വി​ച്ചി​ല്ല. ഡോ. ​വെ​ങ്കി​ട​ഗി​രി​യെ വ​കു​പ്പ് സം​ര​ക്ഷി​ക്കു​ക​യാ​യി​രു​ന്നു. പാ​ല​ക്കു​ന്ന് സ്വ​ദേ​ശി​യാ​യ അ​ബ്ദു​ൽ ​ഖാ​ദ​ർ എ​ന്ന 54 കാ​ര​ൻ ഹെ​ർ​ണ്ണി​യ ഓ​പ​റേ​ഷ​ന് കൈ​ക്കൂ​ലി കൊ​ടു​ത്ത​പ്പോ​ൾ അ​ടു​ത്ത​ദി​വ​സം ത​ന്നെ ഓ​പ​റേ​ഷ​ൻ ന​ട​ന്നു.

അ​ബ്ദു​ൽ ഖാ​ദ​ർ വി​ജി​ല​ൻ​സി​ൽ പ​രാ​തി ന​ൽ​കി. വെ​ങ്ക​ിട​ഗി​രി പി​ടി​ക്ക​​പ്പെ​ട്ടു. വ​കു​പ്പ്ത​ല അ​ന്വേ​ഷ​ണ​ത്തെ തു​ട​ർ​ന്ന് സ​സ്‍പെ​ൻ​ഷ​നി​ലാ​യി. സ​സ്പെ​ൻ​ഷ​നു​ശേ​ഷം ആ​ശു​പ​ത്രി വി​ക​സ​ന​സ​മി​തി അ​ദ്ദേ​ഹ​ത്തി​ന്റെ പേ​രി​ലു​ള്ള ന​ട​പ​ടി വേ​ഗം അ​വ​സാ​നി​പ്പി​ക്ക​ണ​മെ​ന്ന അ​സ്വ​ാഭാ​വി​ക​മാ​യ തീ​രു​മാ​നം എ​ടു​ക്കു​ക​യാ​യി​രു​ന്നു.

ഡോ. ​വെ​ങ്കി​ട​ഗി​രി കു​റ്റ​ക്കാ​ര​നാ​ണെ​ന്ന് ക​ണ്ടെ​ത്തി സ​ർ​ക്കാ​റി​നോ​ട് അ​ച്ച​ട​ക്ക​ന​ട​പ​ടി സ്വീ​ക​രി​ക്കാ​ൻ മെ​മ്മോ ന​ൽ​കി​യെ​ങ്കി​ലും ന​ട​പ​ടി​യു​ണ്ടാ​യി​ല്ല. പാ​റ​ക്ക​ട്ട സ്വ​ദേ​ശി​യാ​യ മു​ഹ​മ്മ​ദ് ഷാ​സി​ബി​നും കൈ​ക്കൂ​ലി ന​ൽ​കാ​ത്ത​തി​ന്റെ പേ​രി​ൽ ചി​കി​ത്സ നി​ഷേ​ധി​ച്ചു. അ​ന്ന​ത്തെ ആ​ശു​പ​ത്രി സൂ​പ്ര​ണ്ട് ഡോ. ​രാ​ജാ​റാ​മി​ന്റെ അ​ന്വേ​ഷ​ണ​ത്തി​ൽ ഡോ. ​വെ​ങ്കി​ട​ഗി​രി കൃ​ത്യ​വി​ലോ​പം ന​ട​ത്തി​യ​താ​യി ക​ണ്ടെ​ത്തി സ്ഥ​ലംമാ​റ്റ​ണ​മെ​ന്ന് ശിപാ​ർ​ശ ചെ​യ്തി​രു​ന്നു. അ​തും എ​ങ്ങു​മെ​ത്തി​യി​ല്ല. ഐ.​എം.​എ, കെ.​ജി.​എം.​ഒ, ജി​ല്ല മെ​ഡി​ക്ക​ൽ ഓ​ഫി​സ്, തി​രു​വ​ന​ന്ത​പു​രം ഡി.​എ​ച്ച്.​എ​സ്, സെ​ക്ര​ട്ടേ​റി​യ​റ്റ് എ​ന്നി​വ അ​ഴി​മ​തി​ക്കാ​രാ​യ ഉ​ദ്യോ​ഗ​സ്ഥ​രു​ടെ ത​ണ​ലി​ലാ​ണെന്നും ഇവർ പറഞ്ഞു.

ഡോ. ​വെ​ങ്കി​ട​ഗി​രി​യെ സ​ർ​വി​സി​ൽ​നി​ന്ന് നീ​ക്കം ചെ​യ്യ​ണ​മെ​ന്നും ഡോ​ക്ട​ർ​മാ​ർ ആ​വ​ശ്യ​പ്പെ​ട്ടു. വാ​ർ​ത്ത​സ​മ്മേ​ള​ന​ത്തി​ൽ ഡോ.​ടി.​വി. പ​ത്മ​നാ​ഭ​ൻ, ഡോ. ​എ​ൻ. രാ​ഘ​വ​ൻ എ​ന്നി​വ​ർ സം​ബ​ന്ധി​ച്ചു.