ആ​രോ​ടാ​ണ് പ​റ​യേ​ണ്ട​ത്​​?

മേ​ൽ​പ​റ​മ്പ്:​ ​ബെ​ണ്ടി​ച്ചാ​ൽ-​ഒ​റ്റ​ത്തെ​ങ്ങ്-​ക​ല്ല​ട റോ​ഡി​ൽ വീ​ണ്ടും മാ​ലി​ന്യ​ക്കൂ​മ്പാ​രം. സാ​മൂ​ഹി​ക​​ദ്രോ​ഹി​ക​ൾ ചാ​ക്കു​ക​ളി​ലാ​ക്കി മാ​ലി​ന്യം കൊ​ണ്ടി​ടു​ന്ന​ത് സം​ബ​ന്ധി​ച്ച് മാ​ധ്യ​മം ‘സാ​മൂ​ഹി​ക​ദ്രോ​ഹി​ക​ളേ, ഇ​ത്​ മാ​ലി​ന്യ​ക്കു​പ്പ​യ​ല്ല’​ത​ല​ക്കെ​ട്ടി​ൽ വാ​ർ​ത്ത പ്ര​സി​ദ്ധീ​ക​രി​ച്ചി​രു​ന്നു. വാ​ർ​ത്ത​യെ തു​ട​ർ​ന്ന് പി​റ്റേ ദി​വ​സം​ത​ന്നെ പ​ഞ്ചാ​യ​ത്തം​ഗം മ​റി​യ​യു​ടെ നേ​തൃ​ത്വ​ത്തി​ൽ മാ​ലി​ന്യം നീ​ക്കം​ചെ​യ്തി​രു​ന്നു.

കു​ട്ടി​ക​ളു​ടെ ഡ​യ​പ്പ​ർ അ​ട​ക്ക​മു​ള്ള വീ​ട്ടു​മാ​ലി​ന്യ​ങ്ങ​ളാ​ണ് ത​ള്ളു​ന്ന​ത്. മു​മ്പും ഇ​ത്ത​ര​ത്തി​ൽ മാ​ലി​ന്യം ചാ​ക്കു​ക​ളി​ലാ​ക്കി ഈ​ഭാ​ഗ​ത്തെ റോ​ഡി​ൽ കൊ​ണ്ടു​വ​ന്ന് ത​ള്ളി​യി​രു​ന്നു. എ​ന്നാ​ൽ, ര​ണ്ടാ​ഴ്ച​ത്തെ ഇ​ട​വേ​ള​ക്കു​ശേ​ഷം വീ​ണ്ടും ന​ടു​റോ​ഡി​ൽ മാ​ലി​ന്യം ചാ​ക്കി​ലാ​ക്കി ത​ള്ളി​യി​രി​ക്കു​ക​യാ​ണ്.

ഇ​തു​സം​ബ​ന്ധി​ച്ച് പൊ​ലീ​സി​ല​ട​ക്കം പ​രാ​തി ന​ൽ​കി. വ്യാ​ഴാ​ഴ്ച രാ​വി​ലെ​യാ​ണ് റോ​ഡി​ൽ വീ​ണ്ടും മാ​ലി​ന്യം ചാ​ക്കി​ലാ​ക്കി ത​ള്ളി​യ​താ​യി നാ​ട്ടു​കാ​ർ ക​ണ്ട​ത്. ഈ ​റോ​ഡി​ലൂ​ടെ ദു​ർ​ഗ​ന്ധം​സ​ഹി​ച്ച് യാ​ത്ര​ചെ​യ്യാ​ൻ പ​റ്റാ​ത്ത അ​വ​സ്ഥ​യാ​ണ്. ബൈ​ക്കി​ലും മ​റ്റും പോ​കു​മ്പോ​ൾ മാ​ലി​ന്യ​ത്തി​ൽ ത​ട്ടി യാ​ത്ര​ക്കാ​രു​ടെ മേ​ൽ തെ​റി​ക്കു​ക​യും ചെ​യ്യു​ന്നു​ണ്ട്.

ഉ​ട​ൻ​ത​ന്നെ ഈ​ഭാ​ഗ​ങ്ങ​ളി​ൽ തെ​രു​വു​വി​ള​ക്ക് സ്ഥാ​പി​ക്കു​മെ​ന്നും ഇ​തി​നാ​യി പ​ഞ്ചാ​യ​ത്ത് സെ​ക്ര​ട്ട​റി​ക്ക് നിർദേശം നൽകിയതായി 11ാം വാ​ർ​ഡ് മെം​ബ​ർ അ​റി​യി​ച്ചു. ഇ​ത്ത​ര​ത്തി​ൽ മാ​ലി​ന്യം ത​ള്ളി​യ​ത് ക​ണ്ടാ​ൽ എ​ടു​ത്തു​മാ​റ്റാ​ൻ പൊ​തു​പ്ര​വ​ർ​ത്ത​ക​രാ​രും ത​യാ​റാ​കു​ന്നി​ല്ലെ​ന്നും താൻ ത​ന്നെ വ​ന്ന് മാ​റ്റേ​ണ്ട അ​വ​സ്ഥ​യാ​ണു​ള്ള​തെ​ന്നും പ​ഞ്ചാ​യ​ത്തം​ഗം പ​റ​ഞ്ഞു. എ​ത്ര​യും​പെ​ട്ടെ​ന്ന് ഈ​റോ​ഡി​ൽ തെ​രു​വു​വി​ള​ക്കും സി.​സി.​ടി.​വി കാ​മ​റ​യും സ്ഥാ​പി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.