കാലവർഷം: അതിതീവ്ര മഴക്ക് സാധ്യത

കാ​സ​ർ​കോ​ട്: വൈ​കി​യെ​ത്തി​യ കാ​ല​വ​ർ​ഷം മൂ​ന്നു​ദി​വ​സ​മാ​യി ജി​ല്ല​യി​ൽ തി​മി​ർ​ത്തു പെ​യ്യു​ന്നു. പ​ല​യി​ട​ത്തും വെ​ള്ളം ക​യ​റി​ത്തു​ട​ങ്ങി. ചൊ​വ്വാ​ഴ്ച ജി​ല്ല​യി​ൽ റെ​ഡ് അ​ല​ർ​ട്ടാ​യി​രു​ന്നു. ബു​ധ​ൻ, വ്യാ​ഴം ദി​വ​സ​ങ്ങ​ളി​ൽ ഓ​റ​ഞ്ച് അ​ലെ​ർ​ട്ട് പ്ര​ഖ്യാ​പി​ച്ചി​ട്ടു​ണ്ട്. പൊ​തു​ജ​ന​ങ്ങ​ൾ ജാ​ഗ്ര​ത പാ​ലി​ക്ക​ണ​മെ​ന്ന് അ​ധി​കൃ​ത​ർ മു​ന്ന​റി​യി​പ്പ് ന​ൽ​കി.

കാ​സ​ർ​കോ​ട് ജി​ല്ല​യി​ലെ മി​ക്ക പ്ര​ദേ​ശ​ങ്ങ​ളി​ലും അ​തി​ശ​ക്ത​മാ​യ മ​ഴ തു​ട​രു​ക​യാ​ണ്. ബു​ധ​നാ​ഴ്ച​യും ജി​ല്ല​യി​ൽ ശ​ക്ത​മാ​യ മ​ഴ തു​ട​രു​മെ​ന്ന് കേ​ന്ദ്ര കാ​ലാ​വ​സ്ഥ വ​കു​പ്പ് ജി​ല്ല​ക്ക് മു​ന്ന​റി​യി​പ്പ് ന​ൽ​കി​യി​ട്ടു​ണ്ട്.

ഈ ​സാ​ഹ​ച​ര്യ​ത്തി​ൽ മു​ൻ​ക​രു​ത​ൽ എ​ന്ന നി​ല​യി​ൽ ജി​ല്ല​യി​ലെ സ്റ്റേ​റ്റ്, സി.​ബി.​എ​സ്.​ഇ, ഐ.​സി.​എ​സ്.​സി സ്‌​കൂ​ളു​ക​ൾ, കേ​ന്ദ്രീ​യ വി​ദ്യാ​ല​യ​ങ്ങ​ൾ, അം​ഗ​ൻ​വാ​ടി​ക​ൾ, മ​ദ്റ​സ​ക​ൾ തു​ട​ങ്ങി​യ വി​ദ്യാ​ഭ്യാ​സ സ്ഥാ​പ​ന​ങ്ങ​ൾ​ക്ക് ബു​ധ​നാ​ഴ്ച​യും ജി​ല്ല ക​ല​ക്ട​ർ കെ. ​ഇ​മ്പ​ശേ​ഖ​ർ അ​വ​ധി പ്ര​ഖ്യാ​പി​ച്ചു. അ​വ​ധി​മൂ​ലം ന​ഷ്ട​പ്പെ​ടു​ന്ന പ​ഠ​ന​സ​മ​യം ക്ര​മീ​ക​രി​ക്കാ​ൻ വി​ദ്യാ​ഭ്യാ​സ സ്ഥാ​പ​ന മേ​ധാ​വി​ക​ൾ ന​ട​പ​ടി സ്വീ​ക​രി​ക്കേ​ണ്ട​താ​ണ്. കോ​ള​ജു​ക​ൾ​ക്ക് അ​വ​ധി ബാ​ധ​ക​മ​ല്ല.

അ​തി​ശ​ക്ത​മാ​യ മ​ഴ ല​ഭി​ക്കു​ന്ന സാ​ഹ​ച​ര്യ​ത്തി​ൽ മ​ണ്ണി​ടി​ച്ചി​ലും മ​ല​വെ​ള്ള​പ്പാ​ച്ചി​ലും ഉ​ണ്ടാ​വാ​നു​ള്ള സാ​ധ്യ​ത​യു​മു​ണ്ട്. അ​തി​നാ​ൽ മ​ല​യോ​ര​മേ​ഖ​ല​യി​ലെ റോ​ഡു​ക​ളി​ലൂ​ടെ രാ​ത്രി ഏ​ഴു​മ​ണി മു​ത​ൽ രാ​വി​ലെ ഏ​ഴു​മ​ണി വ​രെ അ​ടി​യ​ന്ത​ര യാ​ത്ര​ക​ൾ അ​ല്ലാ​ത്ത​വ​ക്ക് നി​യ​ന്ത്ര​ണം ഏ​ർ​പ്പെ​ടു​ത്തി. ജി​ല്ല​യി​ൽ മ​ഴ ക​ന​ത്ത സാ​ഹ​ച​ര്യ​ത്തി​ൽ ക​ല​ക്ട​റേ​റ്റി​ലും താ​ലൂ​ക്ക് ഓ​ഫി​സു​ക​ളി​ലും ക​ൺ​ട്രോ​ൾ റൂം ​പ്ര​വ​ർ​ത്ത​നം തു​ട​ങ്ങി.

ദേ​ശീ​യ​പാ​ത നി​ർ​മാ​ണം ന​ട​ക്കു​ന്ന ഇ​ട​ങ്ങ​ളി​ൽ പ​ല​യി​ട​ത്തും ശ​ക്ത​മാ​യ മ​ഴ​യി​ൽ വെ​ള്ള​ക്കെ​ട്ടു​ക​ൾ രൂ​പ​പ്പെ​ട്ടി​ട്ടു​ണ്ട്. ഇ​വ പ​രി​ഹ​രി​ക്കു​വാ​ൻ അ​ടി​യ​ന്ത​ര നി​ർ​ദേ​ശം ന​ൽ​കി. ദേ​ശീ​യ​പാ​ത വ​ഴി​യു​ള്ള ഇ​രു​ച​ക്ര വാ​ഹ​ന​യാ​ത്ര പ​ര​മാ​വ​ധി ഒ​ഴി​വാ​ക്കേ​ണ്ട​താ​ണെ​ന്നും ജി​ല്ല ക​ല​ക്ട​ർ കെ. ​ഇ​മ്പ​ശേ​ഖ​ർ പ​റ​ഞ്ഞു.

ദേ​ശീ​യ​പാ​ത ആ​റു​വ​രി​പ്പാ​ത നി​ർ​മാ​ണ പ്ര​വൃ​ത്തി പു​രോ​ഗ​മി​ക്കു​ന്ന​യി​ട​ങ്ങ​ളി​ൽ ശ​ക്ത​മാ​യ മ​ഴ​യി​ൽ രൂ​പ​പ്പെ​ട്ട വെ​ള്ള​ക്കെ​ട്ടും യാ​ത്രാ​ക്ലേ​ശ​വും പ​രി​ശോ​ധി​ക്കു​ന്ന​തി​ന് ക​ല​ക്ട​ർ കാ​സ​ർ​കോ​ട് മു​ത​ൽ ത​ല​പ്പാ​ടി വ​രെ ചൊ​വ്വാ​ഴ്ച പ​രി​ശോ​ധ​ന ന​ട​ത്തി. തി​ങ്ക​ളാ​ഴ്ച ചെ​ങ്ക​ള മു​ത​ൽ കാ​ഞ്ഞ​ങ്ങാ​ടു​വ​രെ പ​രി​ശോ​ധി​ച്ച് പ്ര​ശ്ന​പ​രി​ഹാ​ര​ത്തി​ന് ദേ​ശീ​യ​പാ​ത അ​തോ​റി​റ്റി ഉ​ദ്യോ​ഗ​സ്ഥ​ർ​ക്ക് നി​ർ​ദ്ദേ​ശം ന​ൽ​കി​യി​രു​ന്നു.

പൊ​തു​ജ​ന​ങ്ങ​ൾ​ക്കു​ള്ള നി​ർ​ദേ​ശ​ങ്ങ​ൾ

•അ​തി​ശ​ക്ത​മാ​യ മ​ഴ മു​ന്ന​റി​യി​പ്പു​ള്ള സാ​ഹ​ച​ര്യ​ത്തി​ൽ അ​ധി​കൃ​ത​രു​ടെ നി​ർ​ദേ​ശ​ങ്ങ​ൾ അ​നു​സ​രി​ച്ച് മാ​റി​ത്താ​മ​സി​ക്കേ​ണ്ട സാ​ഹ​ച​ര്യം ഉ​ണ്ടാ​യാ​ൽ അ​തി​നോ​ട് സ​ഹ​ക​രി​ക്കേ​ണ്ട​താ​ണ്.

•വി​വി​ധ തീ​ര​ങ്ങ​ളി​ൽ ക​ട​ലാ​ക്ര​മ​ണം ശ​ക്ത​മാ​കാ​ൻ സാ​ധ്യ​ത​യു​ള്ള​തി​നാ​ൽ അ​പ​ക​ട മേ​ഖ​ല​ക​ളി​ൽ താ​മ​സി​ക്കു​ന്ന​വ​ർ ജാ​ഗ്ര​ത പാ​ലി​ക്ക​ണം. ആ​വ​ശ്യ​മാ​യ ഘ​ട്ട​ത്തി​ൽ മാ​റി ത്താ​മ​സി​ക്ക​ണം. മ​ത്സ്യ​ബ​ന്ധ​നോ​പാ​ധി​ക​ൾ സു​ര​ക്ഷി​ത​മാ​ക്കി വെ​ക്ക​ണം.

•അ​ട​ച്ചു​റ​പ്പി​ല്ലാ​ത്ത വീ​ടു​ക​ളി​ൽ താ​മ​സി​ക്കു​ന്ന​വ​രും മേ​ൽ​ക്കൂ​ര ശ​ക്ത​മ​ല്ലാ​ത്ത വീ​ടു​ക​ളി​ൽ താ​മ​സി​ക്കു​ന്ന​വ​രും ജാ​ഗ്ര​ത പാ​ലിക്കുക.

•സ്വ​കാ​ര്യ-​പൊ​തു ഇ​ട​ങ്ങ​ളി​ൽ അ​പ​ക​ടാ​വ​സ്ഥ​യി​ൽ നി​ൽ​ക്കു​ന്ന മ​ര​ങ്ങ​ൾ/​പോ​സ്റ്റു​ക​ൾ/​ബോ​ർ​ഡു​ക​ൾ തു​ട​ങ്ങി​യ​വ സു​ര​ക്ഷി​ത​മാ​ക്കേ​ണ്ട​തും മ​ര​ങ്ങ​ൾ കോ​തി ഒ​തു​ക്കു​ക​യും ചെ​യ്യണം. അ​പ​ക​ടാ​വ​സ്ഥ​ക​ൾ അ​ധി​കൃ​ത​രു​ടെ ശ്ര​ദ്ധ​യി​ൽ​പ്പെ​ടു​ത്തണം..

•ദു​ര​ന്ത​സാ​ധ്യ​ത മേ​ഖ​ല​യി​ലു​ള്ള​വ​ർ ഒ​രു എ​മെ​ർ​ജ​ൻ​സി കി​റ്റ് അ​ടി​യ​ന്ത​ര​മാ​യി ത​യാ​റാ​ക്കി വെക്കുക

•ശ​ക്ത​മാ​യ മ​ഴ പെ​യ്യു​ന്ന സാ​ഹ​ച​ര്യ​ത്തി​ൽ ഒ​രു കാ​ര​ണ​വ​ശാ​ലും ന​ദി​ക​ൾ മു​റി​ച്ചു ക​ട​ക്കാ​നോ, ന​ദി​ക​ളി​ലോ മ​റ്റ് ജ​ലാ​ശ​യ​ങ്ങ​ളി​ലോ കു​ളി​ക്കാ​നോ മീ​ൻ​പി​ടി​ക്കാ​നോ മ​റ്റ് ആ​വ​ശ്യ​ങ്ങ​ൾ​ക്കോ ഇ​റ​ങ്ങാ​ൻ പാടില്ല

•ജ​ലാ​ശ​യ​ങ്ങ​ൾ​ക്ക് മു​ക​ളി​ലെ മേ​ൽ​പ്പാ​ല​ങ്ങ​ളി​ൽ ക​യ​റി കാ​ഴ്ച കാ​ണു​ക​യോ സെ​ൽ​ഫി എ​ടു​ക്കു​ക​യോ കൂ​ട്ടം​കൂ​ടി നി​ൽ​ക്കു​ക​യോ ചെ​യ്യാ​ൻ പാ​ടു​ള്ള​ത​ല്ല.

•മ​ല​യോ​ര മേ​ഖ​ല​യി​ലേ​ക്കു​ള്ള രാ​ത്രി സ​ഞ്ചാ​രം പൂ​ർ​ണ​മാ​യി ഒ​ഴി​വാ​ക്കു​ക.

•കാ​റ്റി​ൽ മ​ര​ങ്ങ​ൾ ക​ട​പു​ഴ​കി വീ​ണും പോ​സ്റ്റു​ക​ൾ ത​ക​ർ​ന്നു വീ​ണും ഉ​ണ്ടാ​കാ​നി​ട​യു​ള്ള അ​പ​ക​ട​ങ്ങ​ളെ​യും ശ്ര​ദ്ധി​ക്കേ​ണ്ട​താ​ണ്.