മഴയിലെ പണി; ജനങ്ങൾക്ക് കിട്ടി ‘പണി’

കാ​സ​ർ​കോ​ട്: ജി​ല്ല ആ​സ്ഥാ​ന​ത്തെ റെ​യി​ൽ​വേ സ്റ്റേ​ഷ​നാ​ണ് കാ​സ​ർ​കോ​ട്. പ​ക്ഷേ, ഇ​ന്നും അ​വ​ഗ​ണ​ന​യു​ടെ പാ​ത​യി​ൽ ചൂ​ളം​വി​ളി​ച്ചാ​ണ് മു​ന്നോ​ട്ടു​പോ​കു​ന്ന​ത്. കാ​സ​ർ​കോ​ട് റെ​യി​ൽ​വേ സ്റ്റേ​ഷ​ൻ റീ​ബി​ൽ​ഡ് പ്ര​വൃ​ത്തി ന​ട​ക്കു​ന്ന​ത് മ​ഴ​യി​ലാ​യ​തി​നാ​ൽ ജ​ന​ങ്ങ​ൾ വ​ലി​യ ബു​ദ്ധി​മു​ട്ടാ​ണ് അ​നു​ഭ​വി​ക്കു​ന്ന​ത്. സ്റ്റേ​ഷ​ന​ക​ത്തേ​ക്ക് വ​രാ​നും പോ​കാ​നും യാ​ത്ര​ക്കാ​ർ ക​ഷ്ട​പ്പെ​ടു​ക​യാ​ണ്.

മു​ന്നി​ലെ ഓ​ട്ടോ പാ​ർ​ക്കി​ങ്ങും അ​തോ​ട​നു​ബ​ന്ധി​ച്ചു​ള്ള കൗ​ണ്ട​റും അ​തി​നു​മു​ന്നി​ലെ നീ​ണ്ട​വ​രി​യും കാ​ര​ണം വ​ലി​യ​തി​ര​ക്കാ​ണ് അ​നു​ഭ​വ​പ്പെ​ടു​ന്ന​ത്. ഇ​തി​ന് സ​മീ​പ​ത്താ​യാ​ണ് നി​ർ​മാ​ണ​പ്ര​വൃ​ത്തി​ക്കു​വേ​ണ്ടി വ​ലി​യ കു​ഴി​യും കു​ഴി​ച്ചി​രി​ക്കു​ന്ന​ത്. മ​ണ്ണും ച​ളി​യും ച​വി​ട്ടി​വേ​ണം പ്ലാ​റ്റ്ഫോ​മി​ലേ​ക്ക് ക​യ​റാ​ൻ.

മ​ഴ​യും കൂ​ടി​യാ​കു​മ്പോ​ൾ ഇ​ര​ട്ടി​ദു​രി​ത​മാ​ണ്. കാ​ല​വ​ർ​ഷം ശ​ക്തി​പ്രാ​പി​ക്കു​​മ്പോ​ഴേ​ക്കും പ്ര​വൃ​ത്തി അ​വ​സാ​നി​ച്ചി​ല്ലെ​ങ്കി​ൽ അ​പ​ക​ട​ങ്ങ​ൾ​ക്കും കാ​ര​ണ​മാ​കും. അ​മൃ​ത് ഭാ​ര​ത് സ്റ്റേ​ഷ​ൻ സ്കീ​മി​ൽ (എ.​ബി.​എ​സ്.​എ​സ്) ഉ​ൾ​പ്പെ​ട്ട​താ​ണ് കാ​സ​ർ​കോ​ട് റെ​യി​ൽ​വേ സ്റ്റേ​ഷ​ൻ.

മൊ​ത്ത​മാ​യി സ്റ്റേ​ഷ​ൻ റീ​ബി​ൽ​ഡ് ചെ​യ്യു​ന്ന​തി​ന്റെ നി​ർ​മാ​ണ പ്ര​വൃ​ത്തി​യാ​ണ് പു​രോ​ഗ​മി​ക്കു​ന്ന​ത്. ഇ​തി​ന്റെ അ​മ്പ​ത് ശ​ത​മാ​നം പ​ണി ക​ഴി​ഞ്ഞെ​ന്നാ​ണ് റെ​യി​ൽ​വേ വാ​ദം. ഇ​തോ​ട​നു​ബ​ന്ധി​ച്ച് പു​തി​യ പാ​ർ​ക്കി​ങ് ഏ​രി​യ​യും സീ​റ്റി​ങ് അ​റേ​ഞ്ച്മെ​ന്റും ഷെ​ൽ​ട്ട​റു​ക​ളു​മാ​ണ് വ​രു​ക. അ​തി​ന്റെ പ്ര​വൃ​ത്തി​യാ​ണ് ന​ട​ക്കു​ന്ന​ത്.

അ​മൃ​ത് ഭാ​ര​ത് സ്റ്റേ​ഷ​ൻ സ്കീ​മി​ൽ ഉ​ൾ​പ്പെ​ട്ട് സം​സ്ഥാ​ന​ത്ത് 16 സ്റ്റേ​ഷ​നു​ക​ളു​ടെ പ്ര​വൃ​ത്തി​യാ​ണ് ന​ട​ക്കു​ന്ന​ത്. ചി​ല​തി​ന്റെ പ​ണി ഏ​ക​ദേ​ശം പൂ​ർ​ത്തി​യാ​യെ​ന്ന് സ​തേ​ൺ റെ​യി​ൽ​വേ അ​റി​യി​ച്ചു. കാ​സ​ർ​കോ​ട് റെ​യി​ൽ​വേ സ്റ്റേ​ഷ​ൻ റീ​ബി​ൽ​ഡ് പ്ര​വൃ​ത്തി​ക്ക് നീ​ക്കി​വെ​ച്ച തു​ക 25.093 കോ​ടി​യാ​ണ്. അ​മൃ​ത് ഭാ​ര​ത് പ​ദ്ധ​തി​വ​ഴി​യു​ള്ള ഓ​രോ സ്റ്റേ​ഷ​ന്റെ​യും പ്ര​വൃ​ത്തി​യു​ടെ​യും ക​രാ​റു​കാ​ർ പു​റ​ത്തു​നി​ന്നു​ള്ള ഏ​ജ​ൻ​സി​യാ​ണ്.

മ​ഴ​യി​ലെ നി​ർ​മാ​ണം ക​രാ​റു​കാ​രു​ടെ ഭാ​ഗ​ത്തു​നി​ന്നു​ള്ള കാ​ല​താ​മ​സം കാ​ര​ണ​മെ​ന്നാ​ണ് അ​ധി​കൃ​ത​ർ പ​റ​യു​ന്ന​ത്. എ​ന്നാ​ൽ, ഇ​ത്ര​യും കാ​ലം വൈ​കി​യ​തെ​ന്താ​ണെ​ന്നാ​ണ് യാ​ത്ര​ക്കാ​ർ ചോ​ദി​ക്കു​ന്ന​ത്. ​ജ​ന​റ​ൽ ക​മ്പാ​ർ​ട്ട്മെ​ന്റ് ഭാ​ഗ​ത്ത് സീ​റ്റു​ക​ളി​ല്ലാ​ത്ത​തും ക്ലോ​ക്ക് റൂം, ​എ.​സി കാ​ത്തി​രി​പ്പ് മു​റി​ക​ളും ജി​ല്ല ആ​സ്ഥാ​ന​ത്തെ സ്റ്റേ​ഷ​നി​ൽ ഇ​ല്ല എ​ന്നു​ള്ള​ത് ഒ​രു പോ​രാ​യ്മ​യാ​ണെ​ന്നാ​ണ് സ്ഥി​രം യാ​ത്ര​ക്കാ​രു​ടെ പ​രാ​തി.

ഡ​ൽ​ഹി​യി​ലേ​ക്കു​ള്ള നി​സാ​മു​ദ്ദീ​നും കോ​യ​മ്പ​ത്തൂ​ർ ബി​ക്കാ​നീ​റും കാ​സ​ർ​കോ​ട് സ്റ്റോ​പ്പി​ല്ല എ​ന്ന​തും അ​വ​ഗ​ണ​ന​യാ​ണെ​ന്നാ​ണ് റെ​യി​ൽ​വേ പാ​സ​ഞ്ചേ​ഴ്സ് അ​സോ​സി​യേ​ഷ​ൻ പ​റ​യു​ന്ന​ത്. മ​ഴ മു​ന്നി​ൽ ക​ണ്ട് പ്ര​വൃ​ത്തി മു​ന്നേ തു​ട​ങ്ങേ​ണ്ടി​യി​രു​ന്നു​വെ​ന്ന് ജ​ന​ങ്ങ​ൾ പ​റ​യു​ന്നു. കൂ​ടാ​തെ മെ​യി​ൻ എ​ൻ​ട്ര​ൻ​സി​ലെ സ്ഥി​തി​യും വ​ഷ​ളാ​യി​രി​ക്കു​ക​യാ​ണ്. സ്ഥ​ല​പ​രി​മി​തി​മൂ​ലം വീ​ർ​പ്പു​മു​ട്ടു​ന്ന അ​വ​സ്ഥ​യു​ണ്ട്.

പ്ര​വൃ​ത്തി ക​ഴി​യു​ന്ന​തു​വ​രെ ഓ​ട്ടോ പാ​ർ​ക്കി​ങ് റോ​ഡി​ന് എ​തി​ർ​വ​ശ​ത്തേ​ക്ക് മാ​റ്റി​യാ​ൽ ബു​ദ്ധി​മു​ട്ട് ഒ​ഴി​വാ​ക്കാ​നാ​കു​മെ​ന്നാ​ണ് യാ​ത്ര​ക്കാ​രു​ടെ പ​ക്ഷം.

ലി​ഫ്റ്റ് പ്ര​വ​ർ​ത്ത​നം ഇ​ട​ക്കു​മാ​ത്രം

കാ​സ​ർ​കോ​ട്: ജി​ല്ല ആ​സ്ഥാ​ന​ത്തെ സ്റ്റേ​ഷ​നി​ൽ ലി​ഫ്റ്റ് പ്ര​വ​ർ​ത്ത​നം ഇ​ട​ക്കു​മാ​ത്രം എ​ന്ന​നി​ല​യി​ൽ ചു​രു​ങ്ങി​യി​രി​ക്കു​ക​യാ​ണ്. ഒ​ന്നാ​മ​ത്തെ പ്ലാ​റ്റ്ഫോ​മി​ൽ​നി​ന്ന് ര​ണ്ടി​ലേ​ക്ക് പോ​കാ​ൻ ഇ​തു​കാ​ര​ണം പ്രാ​യ​മാ​യ​വ​രും ഭി​ന്ന​ശേ​ഷി​ക്കാ​രും ബു​ദ്ധി​മു​ട്ടു​ക​യാ​ണ്.

വൈ​ദ്യു​തി വി​ച്ഛേ​ദ​ം കാ​ര​ണ​മാ​ണ് ഇ​ട​ക്കി​ടെ ലി​ഫ്റ്റ് പ്ര​വ​ർ​ത്ത​നം നി​ന്നു​പോ​കു​ന്ന​െതെ​ന്നും ഉ​ട​ൻ ലൈ​ൻ മാ​റ്റാ​നു​ള്ള ന​ട​പ​ടി​യു​ണ്ടാ​കു​മെ​ന്നു​മാ​ണ് ഇ​തു​സം​ബ​ന്ധി​ച്ച് റെ​യി​ൽ​വേ പ​റ​യു​ന്ന​ത്. കൂ​ടാ​തെ, പ്ലാ​റ്റ്ഫോ​മി​ന്റെ തെ​ക്കു​ഭാ​ഗ​ത്ത് പു​തു​താ​യി ഒ​രു ലി​ഫ്റ്റ് കൂ​ടി നി​ർ​മി​ക്കു​മെ​ന്നും എ​സ്.​ഡി.​ആ​ർ.​എം അ​റി​യി​ച്ചി​ട്ടു​ണ്ട്.