പെരിയ ഇരട്ടക്കൊല: ഇര​ുമ്പുദണ്ഡുകളും വടിവാളും കണ്ടെടുത്തു

കാസര്‍കോട്: കല്യോട്ട് യൂത്ത് കോണ്‍ഗ്രസ് പ്രവര്‍ത്തകരായ കൃപേഷ്, ശരത്​ലാല്‍ എന്നിവരെ കൊലപ്പെടുത്താൻ ഉപയോഗി ച്ച ആയുധങ്ങൾ അന്വേഷണസംഘം കണ്ടെടുത്തു. സംഭവത്തിൽ കഴിഞ്ഞ ദിവസം അറസ്​റ്റിലായ സി.പി.എം പെരിയ ലോക്കൽ കമ്മിറ്റിയംഗ ം എ. പീതാംബരനുമായി അന്വേഷണ സംഘം സംഭവം നടന്ന കല്യോട്ട് പ്രദേശത്ത്​ നടത്തിയ തെളിവെടുപ്പിലാണ്​ സമീപത്തെ റബർ തോട ്ടത്തിലെ പൊട്ടക്കിണറ്റിൽ ആയുധങ്ങൾ കണ്ടെടുത്തത്​.

നാല്​​ ഇരുമ്പുദണ്ഡുകളും ഒരു വടിവാളുമാണ്​ കണ്ടെടുത്തത്​. ആയുധങ്ങളിൽ രക്​തക്കറ ഉണ്ടായിരുന്നു. ബുധനാഴ്ച ഉച്ചയോടെയാണ് കേസന്വേഷിക്കുന്ന ക്രൈം ഡിറ്റാച്​മ​െൻറ്​ ഡിവൈ.എസ്.പി പ്രദീപ് കുമാറി​​െൻറ നേതൃത്വത്തിലുള്ള സംഘം​ പ്രതിയുമായി തെളിവെടുപ്പിന് കല്യോട്ടെത്തിയത്. സംഘർഷസാധ്യത കണക്കിലെടുത്ത്​ വൻ പൊലീസ്​ സംഘത്തി​​െൻറ അകമ്പടിയോടെയായിരുന്നു തെളിവെടുപ്പ്​. സംഭവമറിഞ്ഞ്​ നൂറുകണക്കിനാളുകളും സ്ഥലത്ത് തടിച്ചുകൂടിയിരുന്നു.

കൊലപാതകത്തിന്​ പിന്നിൽ ക്വ​േട്ടഷൻ സംഘമില്ലെന്ന്​ പീതാംബര​​െൻറ മൊഴി
കാസര്‍കോട്: പെരിയ കല്യോട്ട്​ യൂത്ത്​ കോൺഗ്രസ്​ പ്രവർത്തകരായ കൃപേഷ്​, ശരത്​ലാൽ എന്നിവരെ കൊലപ്പെടുത്തിയതിനുപിന്നിൽ ക്വ​േട്ടഷൻ സംഘമില്ലെന്ന്​ അറസ്​റ്റിലായ എ. പീതാംബര​​​​െൻറ മൊഴി. താനും മറ്റ്​ രണ്ടുപേരുമാണ്​ കൊലനടത്തിയ​െതന്ന് പീതാംബരൻ മൊഴിനൽകിയതായാണ്​ സൂചന. ചൊവ്വാഴ്​ച അറസ്​റ്റിലായ പീതാംബരനെ അന്വേഷണസംഘം ബുധനാഴ്​ചയും ചോദ്യംചെയ്​തു. ഇയാൾക്കൊപ്പം കസ്​റ്റഡിയിലായ മറ്റ്​ ആറുപേരെയും ചോദ്യം ചെയ്യുന്നുണ്ട്​.