ഫേസ്ബുക്കിലൂ​ടെ വിദ്വേഷ പ്രചരണമെന്ന്​ കേന്ദ്ര ഇന്‍റലിജൻസ്; കശ്മീര്‍ സ്വദേശി ആലപ്പുഴയിൽ കസ്​റ്റഡിയിൽ

മുഹമ്മ (ആലപ്പുഴ): വിദ്വേഷം പരത്തുന്നതും പ്രകോപനപരവുമായ സന്ദേശങ്ങള്‍ സമൂഹമാധ്യമങ്ങളിലൂടെ പ്രചരിപ്പിച്ച ജമ്മുകശ്മീര്‍ സ്വദേശിയെ മുഹമ്മയില്‍നിന്ന്​ പൊലീസ് കസ്​റ്റഡിയിലെടുത്തു. മുഹമ്മയിലെ റിസോര്‍ട്ടില്‍ സെക്യൂരിറ്റി ജീവനക്കാരനായ ജാഫറിനെയാണ്​ (ഷാ -24) കസ്​റ്റഡിയിലെടുത്തത്.

2019ൽ സമൂഹമാധ്യമങ്ങളിൽ പങ്കുവെച്ച പോസ്​റ്റുമായി ബന്ധപ്പെട്ട്​ കേന്ദ്ര ഇൻറലിജന്‍സി​െൻറ നിര്‍ദേശ പ്രകാരമാണ് നടപടി. സൈബർ സെല്ലി​െൻറയും മറ്റും സഹായത്തോടെ കൂടുതൽ തെളിവുകൾ ശേഖരിക്കുമെന്ന് പൊലീസ് പറഞ്ഞു.

ജില്ല പൊലീസ് മേധാവി ജി.ജയദേവ്​ ഉൾ​െപ്പടെ ഉന്നത ഉദ്യോഗസ്ഥർ സ്ഥലത്തെത്തിയിരുന്നു. സംഭവത്തിൽ അന്വേഷണം ആവശ്യപ്പെട്ട് ഹിന്ദു ഐക്യവേദിയുടെ നേതൃത്വത്തിൽ പ്രകടനം നടത്തി.