കവളപ്പാറ: രണ്ടു മൃതദേഹങ്ങൾകൂടി ലഭിച്ചു

എ​ട​ക്ക​ര: ക​വ​ള​പ്പാ​റ ദു​ര​ന്ത​ത്തി​ല്‍ ശ​നി​യാ​ഴ്ച ര​ണ്ടു മൃ​ത​ദേ​ഹ​ങ്ങ​ള്‍കൂ​ടി ക​ണ്ടെ​ടു​ത്തു. ക​വ​ള ​പ്പാ​റ സൂ​ത്ര​ത്തി​ല്‍ വി​ജ​യ​​െൻറ മ​ക​നും സൈ​നി​ക ഉ​ദ്യോ​ഗ​സ്ഥ​നു​മാ​യ വി​ഷ്​​ണു​വി​​െൻറ (25) മൃ​ത​ദേ​ഹ​വ ും തി​രി​ച്ച​റി​യാ​നാ​കാ​ത്ത ഒ​രു മൃ​ത​ദേ​ഹ​വു​മാ​ണ് ക​ണ്ടെ​ടു​ത്ത​ത്. ഇ​തോ​ടെ മ​രി​ച്ച​വ​രു​ടെ എ​ണ്ണം 40 ആ​യി. 19 മൃ​ത​ദേ​ഹ​ങ്ങ​ള്‍കൂ​ടി ക​ണ്ടെ​ടു​ക്കാ​നു​ണ്ട്.

പ​തി​ന​ഞ്ചോ​ളം മ​ണ്ണു​മാ​ന്തി യ​ന്ത്ര​ങ്ങ​ള്‍ ഉ​പ​യോ​ഗി​ച്ചാ​ണ് ശ​നി​യാ​ഴ്ച തി​ര​ച്ചി​ല്‍ ന​ട​ത്തി​യ​ത്. മൃ​ത​ദേ​ഹ​ങ്ങ​ള്‍ ക​ണ്ടെ​ത്താ​നു​ള്ള ഉ​പ​ക​ര​ണ​ങ്ങ​ളു​മാ​യി ഹൈ​ദ​രാ​ബാ​ദി​ല്‍നി​ന്നു​ള്ള ശാ​സ്ത്ര​ജ്ഞ​രു​ടെ ആ​റം​ഗ​സം​ഘം നി​ല​മ്പൂ​രി​ലെ​ത്തി​യെ​ങ്കി​ലും സ​മ​യം വൈ​കി​യ​തി​നാ​ല്‍ ദു​ര​ന്ത​സ്ഥ​ല​ത്തേ​ക്ക് പോ​യി​ല്ല. സം​ഘം ഞാ​യ​റാ​ഴ്ച രാ​വി​ലെ ശാ​സ്ത്രീ​യ പ​രി​ശോ​ധ​ന ന​ട​ത്തും.

വി​ഷ്ണു​വി​​െൻറ മൃ​ത​ദേ​ഹം മോ​ര്‍ച്ച​റി​യി​ല്‍ സൂ​ക്ഷി​ച്ചി​രി​ക്കു​ക​യാ​ണ്. ഞാ​യ​റാ​ഴ്ച​യും തി​ര​ച്ചി​ല്‍ തു​ട​രും.