കീഴാറ്റൂർ:  ​െകാല നടത്തി തങ്ങളുടെ തലയിലിടാൻ ​ആർ.എസ്​.എസ്​ ​ശ്രമമെന്ന്​ സി.പി.എം

കണ്ണൂർ:  കീഴാറ്റൂർ വയൽ സമരനേതാവ്​  സുരേഷ് കീഴാറ്റൂരി‍​െൻറ സഹോദരൻ രതീഷ്​ കീഴാറ്റൂരിനെയും മറ്റും വധിക്കാനും അത്​ സി.പി.എമ്മി​​െൻറ  തലയിൽ കെട്ടി​െവക്കാനും ആർ.എസ്​.എസ്​ ശ്രമം നടത്തിയതായി സി.പി.എം ജില്ല ​െസക്രട്ടറി പി. ജയരാജൻ വാർത്തസമ്മേളനത്തിൽ കുറ്റപ്പെടുത്തി.  തൃച്ചംബരം ക്ഷേത്രോത്സവത്തിനിടെ നാലു എസ്.എഫ്.ഐ പ്രവര്‍ത്തകരെ കൊലപ്പെടുത്താന്‍ ശ്രമിച്ചതിന്​ പിടിയിലായ സംഘ്​പരിവാർ  ഇക്കാര്യം പൊലീസിന്​ മുമ്പാ​െക വെളിപ്പെടുത്തിയിട്ടുണ്ട്​. എസ്​.എഫ്​.​െഎ പ്രവർത്തകരെ ആക്രമിക്കുന്നതിന്​ മുമ്പ്​ ആർ.എസ്​.എസ്​ സംഘം കീഴാറ്റൂരിൽ  പോയിരുന്നു. 

  അവിടെ ബസ്​സ്​റ്റോപ്പിൽ  രതീഷ്​ കീഴാറ്റൂരും മറ്റും ഇരിക്കുന്നതായി വിവരം ലഭിച്ചതി​​െൻറ അടിസ്​ഥാനത്തിലായിരുന്നു അത്​. സംഘം കീഴാറ്റൂരിൽ എത്തുന്നതിന്​ മുമ്പ്​ രതീഷും മറ്റും ബസ്​സ്​റ്റോപ്പിൽനിന്ന്​ പോയതിനാൽ അവർ രക്ഷപ്പെട്ടു. രതീഷിനെയും മറ്റും കൊലപ്പെടുത്തി അത്​ വയൽസമരത്തിന്​ എതിരുനിൽക്കുന്ന സി.പി.എം ചെയ്​തതാണ്​ എന്ന്​ വരുത്തുകയായിരുന്നു ആർ.എസ്​.എസ്​ പദ്ധതി.  പ്രതികളുടെ ​വെളിപ്പെടുത്തലി​​െൻറ പശ്ചാത്തലത്തിൽ കീഴാറ്റൂര്‍ വയലിലെ കൊലപാതക ഗൂഢാലോചനക്ക്​ കൂടി കേസെടുത്ത്​ അന്വേഷണം നടത്തണം. 

തളിപ്പറമ്പിലെ ആർ.എസ്​.എസ്​ കാര്യാലയം കേന്ദ്രീകരിച്ച്​ കലാപ ഗൂഢാലോചന നടത്തിയ ആർ.എസ്.എസ്​  നേതാക്കള്‍ക്കെതിരെയും കേസെടുക്കണം. പദ്ധതി പാളിപ്പോയപ്പോള്‍ പിടിയിലായ പ്രതികള്‍ക്ക് സംഘ്​പരിവാര്‍ ബന്ധമില്ലെന്ന് പ്രസ്താവനയിറക്കി കൈ കഴുകുകയാണ്. എന്നാല്‍, പിടിയിലായ രാകേഷ് ബജ്റംഗ്​ദള്‍ പയ്യന്നൂര്‍ ജില്ല സമ്പര്‍ക്കപ്രമുഖ് ആണെന്ന്​ പി. ജയരാജൻ പറഞ്ഞു.