മ​ല​ദ്വാ​ര​ത്തി​ലും മ​ദ്യ​ക്കു​പ്പി​യി​ലു​മാ​യി 13 കോ​ടി​യു​ടെ മ​യ​ക്കു​മ​രു​ന്ന് കടത്ത്; നെടുമ്പാശ്ശേരിയിൽ കെനിയക്കാരൻ പിടിയിൽ

നെ​ടു​മ്പാ​ശ്ശേ​രി: 13 കോ​ടി​യു​ടെ മ​യ​ക്കു​മ​രു​ന്നു​മാ​യി കെ​നി​യ​ൻ സ്വ​ദേ​ശി കൊ​ച്ചി രാ​ജ്യാ​ന്ത​ര വി​മാ​ന​ത്താ​വ​ള​ത്തി​ൽ പി​ടി​യി​ൽ. മ​ല​ദ്വാ​ര​ത്തി​ലും മ​ദ്യ​ക്കു​പ്പി​യി​ലു​മാ​യി ഒ​ളി​പ്പി​ച്ചാ​ണ് കെ​നി​യ​ൻ പൗ​ര​നാ​യ കൊ​ങ്ങാ ഫി​ലി​പ് കൊ​ക്കെ​യ്ൻ കൊ​ണ്ടു​വ​ന്ന​ത്.

ര​ഹ​സ്യ​വി​വ​ര​ത്തെ​ത്തു​ട​ർ​ന്ന് ഡ​യ​റ​ക്ട​ർ ഓ​ഫ് റ​വ​ന്യൂ ഇ​ന്‍റ​ലി​ജ​ൻ​സ് ബാ​ഗേ​ജ് പ​രി​ശോ​ധി​ച്ച​പ്പോ​ൾ ദ്രാ​വ​ക​രൂ​പ​ത്തി​ലാ​ക്കി കൊ​ണ്ടു​വ​ന്ന 1100 ഗ്രാം ​കൊ​ക്കെ​യ്ൻ ആ​ദ്യം പി​ടി​ച്ചെ​ടു​ത്തു. പി​ന്നീ​ട് വി​ശ​ദ​മാ​യി ചോ​ദ്യം ചെ​യ്ത​പ്പോ​ഴാ​ണ് ഗു​ളി​ക രൂ​പ​ത്തി​ലാ​ക്കി 200 ഗ്രാം​കൂ​ടി മ​ല​ദ്വാ​ര​ത്തി​ൽ ഒ​ളി​പ്പി​ച്ച​താ​യി വെ​ളി​പ്പെ​ടു​ത്തി​യ​ത്.

ആ​ദ്യ​മാ​യാ​ണ് ദ്രാ​വ​ക രൂ​പ​ത്തി​ലെ​ത്തി​ക്കു​ന്ന കൊ​ക്കെ​യ്ൻ കേ​ര​ള​ത്തി​ൽ പി​ടി​കൂ​ടു​ന്ന​ത്. മ​ദ്യ​ക്കു​പ്പി​യി​ൽ ലേ​ബ​ലും മ​റ്റു​മു​ള്ള​തി​നാ​ൽ തു​റ​ന്ന് പ​രി​ശോ​ധി​ക്കാ​റി​ല്ല. ജൂ​ണി​ൽ ടാ​ർ​സാ​നി​യ​ൻ യു​വ​തി​യു​ടെ​യും യു​വാ​വി​ന്‍റെ​യും കൈ​യി​ൽ​നി​ന്ന്​ 33 കോ​ടി​യു​ടെ മ​യ​ക്കു​മ​രു​ന്ന് ഡി.​ആ​ർ.​ഐ പി​ടി​കൂ​ടി​യി​രു​ന്നു. അ​ന്ന് ഇ​രു​വ​രും കൊ​ക്കെ​യ്ൻ വി​ഴു​ങ്ങി​യാ​ണ് കൊ​ണ്ടു​വ​ന്ന​ത്.

അ​ത്​ ഡി.​ആ​ർ.​ഐ വി​ശ​ദ​മാ​യി അ​ന്വേ​ഷി​ച്ചു​കൊ​ണ്ടി​രി​ക്കെ​യാ​ണ്​ വ​ൻ വേ​ട്ട ന​ട​ക്കു​ന്ന​ത്. ഡി.​ആ​ർ.​ഐ​ക്ക് ല​ഭി​ച്ച ര​ഹ​സ്യ വി​വ​ര​മാ​ണ്​ വ​ൻ ല​ഹ​രി​മ​രു​ന്ന് വേ​ട്ട​ക്ക്​ വ​ഴി​യൊ​രു​ക്കി​യ​ത്. കോ​ട​തി​യി​ൽ ഹാ​ജ​രാ​ക്കി​യ ഇ​യാ​ളെ റി​മാ​ൻ​ഡ് ചെ​യ്തു.