വി.എഫ്​.പി.സി.കെയുടെ കരുതൽ നിധി ‘കാബ്​കോ’ കെട്ടിട നിർമാണത്തിന്

കൊ​ച്ചി: കേ​ര​ള അ​ഗ്രി ബി​സി​ന​സ്​ ക​മ്പ​നി (കാ​ബ്​​കോ)​യു​ടെ ബ​ഹു​നി​ല കെ​ട്ടി​ട നി​ർ​മാ​ണ​ത്തി​ന്​ ക​ടു​ത്ത സാ​മ്പ​ത്തി​ക പ്ര​തി​സ​ന്ധി നേ​രി​ടു​ന്ന കേ​ര​ള വെ​ജി​റ്റ​ബി​ൾ ആ​ന്‍ഡ്​ ഫ്രൂ​ട്ട്​​സ്​ പ്ര​മോ​ഷ​ൻ കൗ​ൺ​സി​ലി​ന്‍റെ (വി.​എ​ഫ്.​പി.​സി.​കെ) ക​രു​ത​ൽ നി​ധി​യി​ൽ​നി​ന്ന്​ 20 കോ​ടി അ​നു​വ​ദി​ക്കാ​നു​ള്ള നീ​ക്കം വി​വാ​ദ​ത്തി​ൽ. തു​ക ന​ൽ​കു​ന്ന​തി​നെ​തി​രെ ക​ർ​ഷ​ക പ്ര​തി​നി​ധി​ക​ൾ ഉ​യ​ർ​ത്തി​യ പ്ര​തി​ഷേ​ധം ക​ഴി​ഞ്ഞ​ദി​വ​സം ചേ​ർ​ന്ന വി.​എ​ഫ്.​പി.​സി.​കെ ജ​ന​റ​ൽ ബോ​ഡി യോ​ഗ​ത്തി​ൽ ബ​ഹ​ള​ത്തി​നി​ട​യാ​ക്കി. ത​ങ്ങ​ളു​ടെ ആ​നു​കൂ​ല്യ​ങ്ങ​ൾ​ക്കാ​യി ചെ​ല​വി​ടേ​ണ്ട തു​ക ‘കാ​ബ്​​കോ’​ക്ക്​ ന​ൽ​കു​ന്ന​തി​നെ​തി​രെ പ്ര​മേ​യം അ​വ​ത​രി​പ്പി​ക്കാ​നു​ള്ള ഇ​വ​രു​ടെ നീ​ക്കം സി.​ഇ.​ഒ ഇ​ട​പെ​ട്ട്​​ ത​ട​ഞ്ഞു.

എ​ക്സ്​​പോ സെ​ന്‍റ​ർ ആ​ന്‍ഡ്​ അ​ഗ്രി പാ​ർ​ക്ക്​ എ​ന്ന പേ​രി​ൽ 1,10,000 ച​തു​ര​ശ്ര​യ​ടി വി​സ്തീ​ർ​ണ​ത്തി​ൽ തി​രു​വ​ന​ന്ത​പു​ര​ത്താ​ണ്​ ഏ​ഴു​നി​ല കെ​ട്ടി​ടം നി​ർ​മി​ക്കു​ന്ന​ത്. വി.​എ​ഫ്.​പി.​​സി.​കെ​ക്ക്​ പു​റ​മെ കൃ​ഷി​വ​കു​പ്പി​നു​കീ​ഴി​ലെ ഹോ​ർ​ട്ടി​കോ​ർ​പ്, ഫാ​ർ​മേ​ഴ്​​സ്​ വെ​ൽ​ഫെ​യ​ർ ഫ​ണ്ട്​ ബോ​ർ​ഡ്​ തു​ട​ങ്ങി​യ ഏ​ജ​ൻ​സി​ക​ളി​ൽ​നി​ന്നും തു​ക വാ​ങ്ങാ​ൻ തീ​രു​മാ​നി​ച്ചി​ട്ടു​ണ്ട്​.

കൃ​ഷി മ​ന്ത്രി ചെ​യ​ർ​മാ​നാ​യ വി.​എ​ഫ്.​പി.​സി.​കെ​യി​ൽ ഏ​ഴു​കോ​ടി​യോ​ളം രൂ​പ ജീ​വ​ന​ക്കാ​ർ​ക്ക്​ കു​ടി​ശ്ശി​ക​യു​ണ്ട്. ക​ർ​ഷ​ക​രു​ടെ ആ​നു​കൂ​ല്യ​ങ്ങ​ളും മു​ട​ങ്ങി. യൂ​റോ​പ്യ​ൻ യൂ​നി​യ​നി​ൽ​നി​ന്ന്​ ല​ഭി​ച്ച സാ​മ്പ​ത്തി​ക സ​ഹാ​യ​ത്തി​ന്‍റെ ഒ​രു ഭാ​ഗ​മാ​ണ്​ വി.​എ​ഫ്.​പി.​സി.​കെ​യു​ടെ ക​രു​ത​ൽ നി​ധി​യാ​യി സൂ​ക്ഷി​ച്ചി​രി​ക്കു​ന്ന​ത്. ഇ​തി​ന്‍റെ പ​ലി​ശ കൊ​ണ്ടാ​ണ്​ സ്ഥാ​പ​നം മു​ന്നോ​ട്ടു​പോ​കേ​ണ്ട​ത്. ക​ർ​ഷ​ക​രു​ടെ ബാ​ങ്ക്​ വാ​യ്പ​ക്ക്​ ഗാ​ര​ന്‍റി​യാ​യും ഇ​ത്​ ഉ​പ​യോ​ഗി​ക്കാം. കൃ​ഷി മ​ന്ത്രി കൂ​ടി പ​​ങ്കെ​ടു​ത്ത യോ​ഗ​മാ​ണ് വി.​എ​ഫ്.​പി.​സി.​കെ ബോ​ർ​ഡി​ന്‍റെ അ​നു​മ​തി​ക്ക്​ വി​ധേ​യ​മാ​യി ​‘കാ​ബ്​​കോ’​ക്ക്​ തു​ക ന​ൽ​കാ​ൻ തീ​രു​മാ​നി​ച്ച​ത്. ക​ർ​ഷ​ക​ക്ഷേ​മ​ത്തി​ന്​ ഉ​പ​യോ​ഗി​ക്കേ​ണ്ട ക​രു​ത​ൽ ഫ​ണ്ട്​ കെ​ട്ടി​ട നി​ർ​മാ​ണ​ത്തി​ന്​ ന​ൽ​കു​ന്ന​ത്​ അം​ഗീ​ക​രി​ക്കാ​നാ​വി​ല്ലെ​ന്ന്​ വി.​എ​ഫ്.​പി.​സി.​കെ​യി​ലെ ക​ർ​ഷ​ക യൂ​നി​യ​ന്‍റെ സം​സ്ഥാ​ന ജ​ന​റ​ൽ സെ​ക്ര​ട്ട​റി എ​സ്.​കെ. സ​ത്താ​റും മു​ൻ ഡ​യ​റ​ക്ട​ർ വി.​കെ. ചാ​ക്കോ​യും പ​റ​ഞ്ഞു. തു​ക ന​ൽ​കു​ന്ന​തി​നെ​തി​രാ​യ ​പ്ര​മേ​യ​ത്തെ ര​ഹ​സ്യ വോ​ട്ടെ​ടു​പ്പി​ൽ​ ഭൂ​രി​ഭാ​ഗം ക​ർ​ഷ​ക പ്ര​തി​നി​ധി​ക​ളും അ​നു​കൂ​ലി​ച്ചി​രു​ന്നു.

കൃ​ഷി മ​ന്ത്രി​യു​ടെ നി​ർ​ദേ​ശ​മു​ണ്ടെ​ന്ന്​ പ​റ​ഞ്ഞാ​ണ്​ മ​ന്ത്രി ഓ​ൺ​ലൈ​നാ​യി പ​​ങ്കെ​ടു​ത്ത ജ​ന​റ​ൽ ബോ​ഡി യോ​ഗ​ത്തി​ൽ പ്ര​മേ​യം അ​വ​ത​രി​പ്പി​ക്കു​ന്ന​ത്​ സി.​ഇ.​ഒ ത​ട​ഞ്ഞ​ത്. രേ​ഖാ​മൂ​ലം ഉ​ത്ത​ര​വി​റ​ങ്ങി​യി​ട്ടും ‘കാ​ബ്​​കോ’​ക്ക്​ പ​ണം ന​ൽ​കാ​ൻ തീ​രു​മാ​ന​മി​ല്ലെ​ന്ന നി​ല​പാ​ടാ​ണ്​ പ്ര​തി​ഷേ​ധം ത​ണു​പ്പി​ക്കാ​ൻ വി.​എ​ഫ്.​പി.​സി.​കെ​യു​ടെ ഉ​ന്ന​ത ഉ​ദ്യോ​ഗ​സ്ഥ​ർ യോ​ഗ​ത്തി​ൽ സ്വീ​ക​രി​ച്ച​ത്.