കേരള-അറബ് ബന്ധം ദൃഢമായി തുടരും –മന്ത്രി കെ.ടി. ജലീൽ

ഫറോക്ക്: അറബി ഭാഷക്ക് കേരള ദേശത്തോടുള്ള ബന്ധം പ്രാചീനമാണെന്നും കേരള-അറബ് ബന്ധം ദൃഢമായി തുടരാൻ കേരള സർക്കാർ പ്രതിജ്ഞാബദ്ധമാണെന്നുംഉന്നത വിദ്യാഭ്യാസ മന്ത്രി ഡോ. കെ.ടി. ജലീൽ അഭിപ്രായപ്പെട്ടു.

ഐക്യരാഷ്​ട്ര സഭ പ്രഖ്യാപിച്ച ലോക അറബി ഭാഷ ദിനം ഡിസംബർ 18ന് ആചരിക്കുന്നതി​െൻറ ഭാഗമായി ഇന്തോ-അറബ് ലീഗ് കേരളത്തിൽ സംഘടിപ്പിക്കുന്ന അന്താരാഷ്​ട്ര അറബിക്​ സെമിനാറിൽ വിശിഷ്​ടാതിഥിയായി ഓൺ ലൈനിൽ സംസാരിക്കുകയായിരുന്നു അദ്ദേഹം.

സൗദി അറേബ്യയിലെ കിങ് അബ്​ദുല്ല അറബിക് സെൻറർ സെക്രട്ടറി ജനറൽ ഡോ. മഹ്​മൂദ് ഇസ്മാഈൽ സാലിഹ് ഉദ്ഘാടനം ചെയ്തു.

ഒമാൻ സാഹിത്യകാരി ഡോ. വഫ ശാമിസി, ജോർഡനിയൻ വിദ്യാഭ്യാസ വിചക്ഷണൻ ഡോ. മഹ്മൂദ് മുഹമ്മദ് ദറാബ്സെ എന്നിവർ പ്രബന്ധം അവതരിപ്പിച്ചു. ഡോ. മുസ്തഫ ഫാറൂഖി, ഡോ. അബ്​ദുല്ല കാവിൽ ചർച്ചയിൽ പങ്കെടുത്ത്​ സംസാരിച്ചു.

ഇന്തോ-അറബ് ലീഗ് ചെയർമാൻ ഡോ. ഇ.കെ. അഹ്​മദ് കുട്ടി, ജനറൽ സെക്രട്ടറി ഡോ. ഹുസൈൻ മടവൂർ, ആർ.യു.എ കോളജ് മുൻ പ്രിൻസിപ്പൽ പ്രഫ: പി. മുഹമ്മദ് കുട്ടശ്ശേരി, ആർ.യു.എ കോളജ് പ്രിൻസിപ്പൽ ഡോ. അബ്​ദുറഹ്മാൻ ചെറുകര, ഡോ. അയ്മൻ ശൗഖി, ഡോ. യു.പി. മുഹമ്മദ് ആബിദ് എന്നിവർ സംസാരിച്ചു.

മൂന്നു ദിവസങ്ങളിലായി നടക്കുന്ന സെമിനാറിൽ സൗദി അറേബ്യ, ഈജിപ്ത്, യു.എ.ഇ, ജോർഡൻ, മൊറോക്കോ തുടങ്ങിയ രാഷ്​ട്രങ്ങളിലേയും ഇന്ത്യയിലെ കേന്ദ്ര സർവകലാശാലകളിലെയും ഭാഷാപണ്ഡിതന്മാരും സാഹിത്യകാരന്മാരും പങ്കെടുക്കുന്നുണ്ട്. സെമിനാർ നാളെ സമാപിക്കും.