വീണ്ടും പ്രതിപക്ഷ ബഹളം: സഭ ഇന്നത്തേക്ക്​ പിരിഞ്ഞു

തിരുവനന്തപുരം: എം.എല്‍.എമാരുടെ സത്യഗ്രഹത്തെ ചൊല്ലിയുള്ള പ്രതിപക്ഷ ബഹളത്തെ തുടർന്ന്​ നിയമസഭ ഇന്നും പിരിഞ്ഞ ു. ശബരിമല വിഷയത്തിൽ നിയമസഭാ കവാടത്തില്‍ സത്യഗ്രഹം നടത്തുന്ന എം.എല്‍.എമാരുടെ സമരം ഒത്തുതീർപ്പാക്കാൻ സർക്കാർ ഇ ടപെടണമെന്നാവശ്യപ്പെട്ട്​ പ്രതിപക്ഷം സഭയുടെ നട​ുത്തളത്തിലേക്ക്​ ഇറങ്ങുകയായിരുന്നു. ചോദ്യോത്തര വേളയിൽ തന്നെ പ്രതിപക്ഷം ബാനറുകളുമായി നിയമസഭയുടെ നടുത്തളത്തില്‍ ഇറങ്ങി മുദ്രാവാക്യം വിളിച്ചു. തുടർന്ന്​ സ്​പീക്കർ ചോദ്യോത്തര വേള റദ്ദാക്കി.

പ്രതിപക്ഷത്തി​​​െൻറ സമീപനം നിർഭാഗ്യകരമെന്ന് സ്പീക്കർ വിശദമാക്കി. എല്ലാ ദിവസവും ഒരേ വിഷയത്തിൽ ഇങ്ങനെ ബഹളമുണ്ടാക്കുന്നത് ശരിയല്ലെന്നും സ്പീക്കര്‍ പറഞ്ഞു. പ്രതിപക്ഷം ഒന്നുകില്‍ സഭാനടപടികളോട് സഹകരിക്കണം അല്ലെങ്കിൽ സഭ ബഹിഷ്കരിക്കണമെന്ന്​ അദ്ദേഹം ആവശ്യപ്പെട്ടു. ചോദ്യങ്ങൾ ഉന്നയിക്കാനുള്ള അംഗങ്ങളുടെ അവകാശം നിഷേധിക്കുന്നത് ശരിയല്ലെന്ന് സ്പീക്കര്‍ വ്യക്തമാക്കി.

പതിവുപോലെ ബാനറുകളുമായി ഡയസിന്​ മുന്നിലെത്തിയ പ്രതിപക്ഷം സ്​പീക്കറുടെ കാഴ്​ച മറച്ച്​ മുദ്രാവാക്യം വിളിച്ചു. പ്രതിപക്ഷ ബഹളം രൂക്ഷമായതോടെ ​നടപടി ക്രമങ്ങൾ പൂർത്തിയാക്കി സഭ ഇന്നത്തേക്ക്​ പിരിഞ്ഞതായി സ്​പീക്കർ അറിയിച്ചു.