സമുദായ സംവരണം അവസാനിപ്പിക്കണമെന്നതിനോട്​ യോജിപ്പില്ല -മുഖ്യമന്ത്രി

ചെറുതോണി (ഇടുക്കി): സംവരണം അവസാനിപ്പിക്കലല്ല പാവപ്പെട്ടവർക്ക്​ കൂടി ഇതി​​െൻറ ആനുകൂല്യം ലഭ്യമാക്കുന്ന നടപടിയാണ്​ ദേവസ്വം ബോർഡിൽ മുന്നാക്കക്കാരിലെ പിന്നാക്കക്കാർക്ക്​ സംവരണം നൽകിയതിലൂടെ ചെയ്​തതെന്ന്​ മുഖ്യമന്ത്രി പിണറായി വിജയൻ. സാമുദായിക സംവരണം അവസാനിപ്പിക്കണമെന്ന അഭിപ്രായത്തോട്​ യോജിക്കുന്നില്ല. നൂറ്റാണ്ടുകളായി പിന്നാക്കം നിൽക്കുന്നവർക്കാണ്​ സംവരണം നടപ്പാക്കിയത്​. അത്​ തുടരുക തന്നെ ചെയ്യും.

സാമ്പത്തികമായി ദയനീയാവസ്ഥയിലായ കുടുംബങ്ങളുടെ അവസ്ഥയും പരിഗണിക്കണം. ഇപ്പോൾ 50 ശതമാനമാണ്​ സംവരണം. കൂടുതൽ സംവരണം നൽകാൻ സാധിക്കില്ല.  ഇൗ സാഹചര്യത്തിലാണ്​ ദേവസ്വം ബോർഡ്​ നിയമനങ്ങളിൽ സർക്കാർ സംവരണം പ്രഖ്യാപിച്ചത്​. ഇത്​ വിവാദങ്ങൾക്ക്​ ഇടയാക്കിയെങ്കിലും ആദ്യം കിട്ടിയ അവസരം സർക്കാർ പ്രയോജനപ്പെടുത്തുകയായിരുന്നെന്നും അദ്ദേഹം പറഞ്ഞു. ഇടുക്കിയിൽ വിവിധ പരിപാടികളിൽ സംസാരിക്കുകയായിരുന്നു മുഖ്യമന്ത്രി.