അംഗീകൃത ഡ്രൈവിങ്​ പരിശീലന കേന്ദ്രം: സ്വകാര്യമേഖലക്കും അനുമതി, പ​രി​ശീ​ല​നം ക​ഴി​ഞ്ഞ്​ പ​രീ​ക്ഷ​യി​ല്ലാ​തെ ഡ്രൈ​വി​ങ്​ ലൈ​സ​ൻ​സ്​

തൃ​ശൂ​ർ: റോ​ഡ്​ പ​രീ​ക്ഷ​യി​ല്ലാ​തെ ഡ്രൈ​വി​ങ്​ ലൈ​സ​ൻ​സ്​ ന​ൽ​കു​ന്ന പ​രി​ശീ​ല​ന കേ​ന്ദ്ര​ങ്ങ​ൾ സ്വ​കാ​ര്യ​മേ​ഖ​ല​ക്കും തു​റ​ന്നു​കൊ​ടു​ക്കു​മെ​ന്ന്​ വ്യ​ക്ത​മാ​ക്കി കേ​ന്ദ്ര ഗ​താ​ഗ​ത മ​ന്ത്രാ​ല​യ വി​ജ്​​ഞാ​പ​നം. ക​ഴി​ഞ്ഞ​ദി​വ​സം കേ​ന്ദ്ര മോ​ട്ടോ​ർ വാ​ഹ​ന നി​യ​മ​ങ്ങ​ൾ ഭേ​ദ​ഗ​തി ചെ​യ്​​ത്​ റോ​ഡ് ട്രാ​ൻ​സ്പോ​ർ​ട്ട്​- ഹൈ​വേ മ​ന്ത്രാ​ല​യം പു​റ​ത്തി​റ​ക്കി​യ വി​ജ്​​ഞാ​പ​ന​ത്തി​ൽ കേ​ന്ദ്ര​സ​ർ​ക്കാ​ർ ചു​മ​ത​ല​പ്പെ​ടു​ത്തു​ന്ന ഏ​ജ​ൻ​സി​ക​ൾ​ക്ക്​ അ​ക്ര​ഡി​റ്റ​ഡ്​ ഡ്രൈ​വി​ങ്​ പ​രി​ശീ​ല​ന കേ​ന്ദ്ര​ങ്ങ​ൾ തു​ട​ങ്ങാ​മെ​ന്ന്​ വ്യ​ക്ത​മാ​ക്കി​യി​ട്ടു​ണ്ട്. ഇ​തു​പ്ര​കാ​രം റീ​ജ​ന​ൽ ട്രാ​ൻ​സ്​​പോ​ർ​ട്ട്​ ഓ​ഫി​സ്​ ന​ട​ത്തു​ന്ന ഡ്രൈ​വി​ങ്​ ലൈ​സ​ൻ​സ്​ പ​രീ​ക്ഷ വൈ​കാ​തെ ഇ​ല്ലാ​താ​കും.

പ​ക​രം നി​ശ്ചി​ത മാ​ന​ദ​ണ്ഡ​ങ്ങ​ളോ​ടെ പ്ര​വ​ർ​ത്തി​ക്കു​ന്ന അം​ഗീ​കൃ​ത പ​രി​ശീ​ല​ന കേ​ന്ദ്ര​ങ്ങ​ളി​ൽ പ​രി​ശീ​ല​നം ക​ഴി​ഞ്ഞ്​ റോ​ഡ്​ പ​രീ​ക്ഷ​യി​ല്ലാ​തെ ഡ്രൈ​വി​ങ്​ ലൈ​സ​ൻ​സ്​ നേ​ടാം. മോ​​ട്ടോ​ർ സൈ​ക്കി​​ൾ, ഓ​​ട്ടോ​റി​ക്ഷ, കാ​ർ എ​ന്നി​വ​ക്കാ​യി പ​രി​ശീ​ല​ന​കേ​ന്ദ്രം തു​ട​ങ്ങാ​ൻ കു​റ​ഞ്ഞ​ത്​ ഒ​രേ​ക്ക​ർ സ്ഥ​ലം ​അ​പേ​ക്ഷി​ക്കു​ന്ന ആ​ളു​ടെ പേ​രി​ലോ പാ​ട്ട​​ത്തി​നെ​ടു​ത്ത ഭൂ​മി​യാ​യോ വേ​ണ​മെ​ന്ന്​ ച​ട്ട​ത്തി​ൽ പ​റ​യു​ന്നു. ഹെ​വി വാ​ഹ​ന​ങ്ങ​ൾ​ക്ക്​ ലൈ​സ​ൻ​സ്​ ന​ൽ​കാ​നു​ള്ള കേ​ന്ദ്ര​മാ​ണെ​ങ്കി​ൽ ര​ണ്ട്​ ഏ​ക്ക​ർ സ്ഥ​ലം വേ​ണം.

ബ​യോ​മെ​ട്രി​ക്​ ഹാ​ജ​ർ, ബ്രോ​ഡ്​​ബാ​ൻ​ഡ്​ ക​ണ​ക്​​ടി​വി​റ്റി, കു​റ​ഞ്ഞ​ത്​ ഒ​രു ഓ​​ട്ടോ​റി​ക്ഷ, കാ​ർ, ര​ണ്ട്​ ക്ലാ​സ്​ റൂം ​എ​ന്നി​വ നി​ർ​ബ​ന്ധ​മാ​ണ്. കോ​ഴ്‌​സി​െൻറ ദൈ​ർ​ഘ്യം പ​ര​മാ​വ​ധി നാ​ല്​ ആ​ഴ്​​ച. ഇ​തി​നു​ള്ളി​ൽ 29 മ​ണി​ക്കൂ​റാ​ണ്​ പ​രി​ശീ​ല​നം. കാ​റി​ന്​ തി​യ​റി എ​ട്ട്​ മ​ണി​ക്കൂ​റും പ്രാ​ക്​​ടി​ക്ക​ൽ കു​റ​ഞ്ഞ​ത്​ 21 മ​ണി​ക്കൂ​റും വേ​ണം. ഹെ​വി വാ​ഹ​ന​ങ്ങ​ൾ​ക്ക്​ തി​യ​റി 16 മ​ണി​ക്കൂ​റും പ്രാ​ക്​​ടി​ക്ക​ൽ 22 മ​ണി​ക്കൂ​റും. ച​ട്ട​ങ്ങ​ൾ ജൂ​ൈ​ല​യി​ൽ നി​ല​വി​ൽ വ​രും. നി​ല​വി​ൽ മ​ല​പ്പു​റം എ​ട​പ്പാ​ളി​ലെ ഇ​ൻ​സ്​​റ്റി​റ്റ്യൂ​ട്ട് ഓ​ഫ്​ ഡ്രൈ​വി​ങ്​ ട്രെ​യി​നി​ങ്​ റി​സ​ർ​ച്​ സെൻറ​റി​ലെ കോ​ഴ്​​സ്​ പൂ​ർ​ത്തി​യാ​വു​ന്ന​വ​ർ​ക്ക്​ സം​സ്ഥാ​ന മോ​​ട്ടോ​ർ വാ​ഹ​ന വ​കു​പ്പ്​ ലൈ​സ​ൻ​സ്​ ന​ൽ​കു​ന്നു​ണ്ട്.