കൂട്ടിക്കിഴിച്ചാലും ജോസിനും സി.പി.എമ്മിനും എളുപ്പവഴിയില്ല

തി​രു​വ​ന​ന്ത​പു​രം: ജോ​സ്​ കെ. ​മാ​ണി​യു​ടെ മു​ന്ന​ണി​പ്ര​വേ​ശ​ന കൂ​ട്ടി​ക്കി​ഴി​ക്ക​ലി​ൽ ലാ​ഭം മാ​ത്ര​മാ​ണ്​ സി.​പി.​എം കാ​ണു​ന്ന​തെ​ങ്കി​ലും പ്രാ​യോ​ഗി​ക​രാ​ഷ്​​ട്രീ​യ​ത്തി​​ൽ വ​ഴി എ​ളു​പ്പ​മാ​വി​ല്ല. അ​ക​ത്തും പു​റ​ത്തും വ​ഴി​ക്ക​ണ​ക്ക്​ തെ​റ്റാ​ൻ കാ​ത്തി​രി​ക്കു​ന്ന​വ​ർ ഏ​റെ​യു​ള്ള​പ്പോ​ൾ വെ​ല്ലു​വി​ളി ഏ​റെ​യാ​ണ്​.

റ​ബ​ർ എ​ന്ന നാ​ണ്യ​വി​ള​ക്ക്​ ഒ​പ്പം വ​ള​ർ​ന്ന മ​ധ്യ​കേ​ര​ള​ത്തി​ലെ സ​ഭാ, സാ​മു​ദാ​യി​ക, സ​മ്പ​ന്ന ക​ർ​ഷ​ക​രാ​ഷ്​​ട്രീ​യ​ത്തി​ലെ മാ​റ്റ​മാ​വും ഇ​തി​ൽ പ്ര​ധാ​നം. ഇ​ത് കാ​ണാ​തെ അ​വ​കാ​ശ​വാ​ദ​ത്തി​ന്​​ പി​ന്നാ​ലെ പോ​യാ​ൽ തി​രി​ച്ച​ടി​യു​ണ്ടാ​വു​മെ​ന്ന ആ​ശ​ങ്ക ഇ​ട​തു​​ക​ക്ഷി​ക​ളി​ൽ താ​ഴെ​ത്ത​ട്ടി​ൽ ഉ​ണ്ട്.

അ​ണി​ക​ളി​ൽ രാ​ഷ്​​ട്രീ​യ ധാ​ർ​മി​ക​ത​യെ​ക്കു​റി​ച്ച്​ ഉ​യ​ർ​ന്ന ചോ​ദ്യ​ത്തി​ന്​ ഉ​ത്ത​രം ന​ൽ​കാ​തെ​യാ​ണ്​ സി.​പി.​എം, സി.​പി.​െ​എ മു​ന്നോ​ട്ടു​പോ​ക്ക്​. സ​മ​വാ​യ രാ​ഷ്​​ട്രീ​യ​ത്തി​െൻറ അ​റ്റം ക​ണ്ട ക​രി​ങ്ങോ​ഴ​ക്ക​ൽ മാ​ണി മാ​ണി​യ​ല്ല ജോ​സ്​ കെ. ​മാ​ണി​യെ​ന്ന​താ​ണ്​ എ​ൽ.​ഡി.​എ​ഫി​െൻറ ആ​ദ്യ വെ​ല്ലു​വി​ളി. കേ​ര​ള കോ​ൺ​ഗ്ര​സി​ൽ പി.​ജെ. ജോ​സ​ഫി​െൻറ ത​ന്ത്ര​ങ്ങ​ൾ​ക്ക്​ മു​ന്നി​ൽ പി​ടി​ച്ചു​നി​ൽ​ക്കാ​തെ പു​റ​ത്തു​വ​ന്ന ജോ​സ്​ ക​ഴി​വ്​ തെ​ളി​യി​ക്കേ​ണ്ട​ത്​ തെ​ര​ഞ്ഞെ​ടു​പ്പ്​ രാ​ഷ്​​ട്രീ​യ​ത്തി​ലാ​വും.

കോ​ട്ട​യം ഉ​ൾ​പ്പെ​ട്ട മ​ധ്യ​കേ​ര​ള​ത്തി​ൽ ഉ​മ്മ​ൻ ചാ​ണ്ടി​യു​ടെ​യും പി.​ജെ. ജോ​സ​ഫി​െൻറ​യും ത​ന്ത്ര​ങ്ങ​ളെ സി.​പി.​എ​മ്മി​െൻറ ഭ​ര​ണ​ത്ത​ണ​ലി​ൽ ജോ​സ്​ വി​ഭാ​ഗ​ത്തി​ന്​ എ​ത്ര മ​റി​ക​ട​ക്കാ​ൻ ക​ഴി​യു​മെ​ന്ന​ത്​ ചോ​ദ്യ​മാ​ണ്.

എ​ൽ.​ഡി.​എ​ഫി​ൽ നി​ന്ന്​ പി.​ജെ. ജോ​സ​ഫ്​ വി​ട്ടു​പോ​യ​തി​ൽ സ​ഭ​യു​ടെ പ​ങ്ക്​ വ​ലു​താ​യി​രു​ന്നു. ആ ​സ​ഭാ നേ​തൃ​ത്വ​ത്തി​െൻറ നി​ല​പാ​ട്​ അ​നു​കൂ​ല​മാ​വു​മെ​ന്ന അ​വ​കാ​ശ​വാ​ദ​ത്തി​ൽ​ എ​ൽ.​ഡി.​എ​ഫി​നു​ള്ളി​ൽ സം​ശ​യ​മു​ണ്ട്. സ​മ​വാ​യ രാ​ഷ്​​ട്രീ​യ​വും ത​ന്ത്ര​ജ്ഞ​ത​യും മു​ന്നി​ൽ​വെ​ച്ച്​ കെ.​എം. മാ​ണി​​യു​മാ​യു​ള്ള തു​ല​നം എ​ന്ന സ​മ്മ​ർ​ദ​വും ജോ​സി​ന്​​ മ​റി​ക​ട​ക്ക​ണം.

അ​ന്ത​ർ​ദേ​ശീ​യ വ്യാ​പാ​ര ക​രാ​റു​ക​ൾ​ക്ക്​ അ​നു​സ​രി​ച്ച്​ റ​ബ​റി​ന്​ സം​സ്ഥാ​ന സ​മ്പ​ദ്​​വ്യ​വ​സ്ഥ​യി​ലു​ണ്ടാ​യ ശോ​ഷ​ണം കേ​ര​ള കോ​ൺ​ഗ്ര​സ്​ വോ​ട്ട്​ ബാ​ങ്കി​​ലും വി​ല​പേ​ശ​ലി​ലും പ്ര​തി​ഫ​ലി​ക്കു​ന്നു​. വ​ൻ​കി​ട കൃ​ഷി​ക്കാ​രു​ടെ പി​ന്തു​ണ​യി​ലും ഏ​റ്റ​ക്കു​റ​ച്ചി​ലു​ണ്ട്.

മാ​ണി​യോ​ടു​ള്ള അ​തേ സ​മീ​പ​ന​വും വി​ശ്വാ​സ​വും സ​ഭ​ക്കു​ള്ളി​ലും ഇൗ ​വി​ഭാ​ഗ​ങ്ങ​ൾ​ക്കി​ട​യി​ലും ജോ​സ്​ വ​ഴി എ​ൽ.​ഡി.​എ​ഫി​ന്​ കി​ട്ടി​യി​ല്ലെ​ങ്കി​ൽ ക​ണ​ക്കു​കൂ​ട്ട​ലു​ക​ൾ പി​ഴ​ക്കാം. ത​ദ്ദേ​ശ​തെ​ര​ഞ്ഞെ​ടു​പ്പി​ൽ വാ​ർ​ഡു​ക​ളും പ​ഞ്ചാ​യ​ത്തു​ക​ളും എ​ൽ.​ഡി.​എ​ഫ്​ പി​ന്തു​ണ​യോ​ടെ പി​ടി​ക്കു​ന്ന​തി​ൽ ജ​യി​ച്ചാ​ലും നി​യ​മ​സ​ഭ തെ​ര​ഞ്ഞെ​ടു​പ്പ്​ എ​ളു​പ്പ​മാ​വി​ല്ലെ​ന്ന്​ ഉ​റ​പ്പാ​ണ്. ഇ​ത്​ ക​ണ്ടു​ള്ള ത​ന്ത്ര​ങ്ങ​ൾ​ക്കാ​വും ത​ദ്ദേ​ശ​തെ​ര​ഞ്ഞെ​ടു​പ്പ്​ ഫ​ല​ത്തോ​ടെ സി.​പി.​എ​മ്മും രൂ​പം ന​ൽ​കു​ക.