കേരള എ​ൻ​ജി​നീ​യ​റി​ങ് എൻട്രൻസ്​ ഓൺലൈനാക്കാൻ നടപടി തുടങ്ങി

തി​രു​വ​ന​ന്ത​പു​രം: സം​സ്ഥാ​ന എ​ൻ​ജി​നീ​യ​റി​ങ്​ പ്ര​വേ​ശ​ന പ​രീ​ക്ഷ (കേ​ര​ള എ​ൻ​ട്ര​ൻ​സ്) അ​ടു​ത്ത വ​ർ​ഷം​മു​ത​ൽ ക​മ്പ്യൂ​ട്ട​ർ അ​ധി​ഷ്ഠി​ത ഓ​ൺ​ലൈ​ൻ രീ​തി​യി​ൽ ന​ട​ത്തു​ന്ന​തി​നു​ള്ള ന​ട​പ​ടി​ക​ൾ തു​ട​ങ്ങി. ഇ​തി​ന്‍റെ മു​ന്നോ​ടി​യാ​യി പ്ര​വേ​ശ​ന പ​രീ​ക്ഷ ന​ട​ത്തി​പ്പി​ന്​ സാ​​ങ്കേ​തി​ക സ​ഹാ​യം ല​ഭ്യ​മാ​ക്കു​ന്ന ഏ​ജ​ൻ​സി​യെ ചു​മ​ത​ല​പ്പെ​ടു​ത്തു​ന്ന​തി​ൽ തീ​രു​മാ​നം തേ​ടി പ്ര​വേ​ശ​ന പ​രീ​ക്ഷ ക​മീ​ഷ​ണ​ർ സ​ർ​ക്കാ​റി​ന്​ ക​ത്ത്​ ന​ൽ​കി.

നേ​ര​ത്തേ സ​ർ​ക്കാ​ർ താ​ൽ​പ​ര്യ​പ​ത്രം ക്ഷ​ണി​ച്ച​പ്പോ​ൾ മു​ൻ​നി​ര​യി​ലു​ണ്ടാ​യി​രു​ന്ന ടാ​റ്റ ക​ൺ​സ​ൾ​ട്ട​ൻ​സി സ​ർ​വി​സ​സി​നെ​യോ​ (ടി.​സി.​എ​സ്) സം​സ്ഥാ​ന സ​ർ​ക്കാ​ർ ഏ​ജ​ൻ​സി​യാ​യ സി.​ഡി​റ്റി​നെ​യോ ഏ​ൽ​പി​ക്കു​ന്ന​തി​ലാ​ണ്​ തീ​രു​മാ​നം വേ​ണ്ട​ത്. പ​രീ​ക്ഷാ ന​ട​ത്തി​പ്പി​നു​ള്ള സോ​ഫ്​​റ്റ്​​വെ​യ​ർ സ​ഹാ​യം, വി​പു​ല​മാ​യ ക​മ്പ്യൂ​ട്ട​ർ സം​വി​ധാ​ന​ങ്ങ​ളു​ള്ള പ​രീ​ക്ഷാ കേ​ന്ദ്ര​ങ്ങ​ൾ സ​ജ്ജീ​ക​രി​ക്ക​ൽ, പ​രീ​ക്ഷാ ദി​വ​സം ഉ​ൾ​പ്പെ​ടെ സാ​​ങ്കേ​തി​ക സ​ഹാ​യം ല​ഭ്യ​മാ​ക്ക​ൽ തു​ട​ങ്ങി​യ സൗ​ക​ര്യ​ങ്ങ​ളാ​ണ്​ ഏ​ജ​ൻ​സി​യി​ൽ​നി​ന്ന്​ ല​ഭി​ക്കേ​ണ്ട​ത്. പ്ര​വേ​ശ​ന പ​രീ​ക്ഷ ക​മീ​ഷ​ണ​റു​ടെ മേ​ൽ​നോ​ട്ട​ത്തി​ൽ ത​യാ​റാ​ക്കു​ന്ന ചോ​ദ്യ​പേ​പ്പ​റി​ന്‍റെ ര​ഹ​സ്യ​സ്വ​ഭാ​വം സം​ര​ക്ഷി​ച്ച്​​ ക​മ്പ്യൂ​ട്ട​ർ അ​ധി​ഷ്ഠി​ത പ​രീ​ക്ഷ ന​ട​ത്താ​നു​ള്ള സാ​​ങ്കേ​തി​ക സ​ഹാ​യം പൂ​ർ​ണ​മാ​യും ഒ​രു​ക്കേ​ണ്ട​ത്​ ഏ​ജ​ൻ​സി​യാ​ണ്.

സ്വ​കാ​ര്യ ഏ​ജ​ൻ​സി​യെ പ​രീ​ക്ഷ ന​ട​ത്തി​പ്പ്​ ഏ​ൽ​പി​ക്കു​ന്ന​തി​ൽ ഉ​ന്ന​ത വി​ദ്യാ​ഭ്യാ​സ വ​കു​പ്പി​ന്​ താ​ൽ​പ​ര്യ​മി​ല്ല. ഉ​ന്ന​ത വി​ദ്യാ​ഭ്യാ​സ വ​കു​പ്പ്​ നി​ല​പാ​ടി​ൽ ഉ​റ​ച്ചു​നി​ന്നാ​ൽ സ​ർ​ക്കാ​ർ ഏ​ജ​ൻ​സി എ​ന്ന​നി​ല​യി​ൽ സി.​ഡി​റ്റി​നാ​യി​രി​ക്കും സാ​ധ്യ​ത. നി​ല​വി​ൽ പ്ര​വേ​ശ​ന പ​രീ​ക്ഷ ക​മീ​ഷ​​ണ​റേ​റ്റി​നു​വേ​ണ്ടി എ​ൽ​എ​ൽ.​ബി, എ​ൽ​എ​ൽ.​എം, കെ.​മാ​റ്റ്​ പ്ര​വേ​ശ​ന പ​രീ​ക്ഷ​ക​ൾ ന​ട​ത്താ​ൻ സാ​​ങ്കേ​തി​ക സ​ഹാ​യം ഒ​രു​ക്കു​ന്ന​ത്​ സി.​ഡി​റ്റാ​ണ്. ഈ ​പ​രീ​ക്ഷ​ക​ൾ​ക്ക്​ പ​ര​മാ​വ​ധി ഹാ​ജ​രാ​കു​ന്ന​ത്​ പ​തി​നാ​യി​ര​ത്തി​ൽ താ​ഴെ വി​ദ്യാ​ർ​ഥി​ക​ളാ​ണ്.

എ​ന്നാ​ൽ, എ​ൻ​ജി​നീ​യ​റി​ങ്​ പ്ര​വേ​ശ​ന പ​രീ​ക്ഷ​ക്കാ​യി അ​പേ​ക്ഷി​ക്കു​ന്ന​ത്​ ഒ​രു ല​ക്ഷ​ത്തി​ല​ധി​കം വി​ദ്യാ​ർ​ഥി​ക​ളാ​ണ്. നി​ല​വി​ൽ പേ​പ്പ​ർ -പെ​ൻ രീ​തി​യി​ൽ 340ഓ​ളം കേ​ന്ദ്ര​ങ്ങ​ളി​ലാ​ണ്​ പ​രീ​ക്ഷ ന​ട​ത്തു​ന്ന​ത്. ക​മ്പ്യൂ​ട്ട​ർ അ​ധി​ഷ്ഠി​ത പ​രീ​ക്ഷ​യാ​കു​മ്പോ​ൾ ഒ​റ്റ​ദി​വ​സം കൊ​ണ്ട്​ പൂ​ർ​ത്തി​യാ​ക്കാ​നാ​കി​ല്ല. ഒ​ന്നി​ല​ധി​കം ദി​വ​സ​മെ​ടു​ത്ത്​ ന​ട​ത്തു​ന്ന പ​രീ​ക്ഷ​ക്ക്​ ജെ.​ഇ.​ഇ മാ​തൃ​ക​യി​ൽ വ്യ​ത്യ​സ്ത ചോ​ദ്യ​​പേ​പ്പ​റു​ക​ൾ ത​യാ​റാ​ക്കേ​ണ്ടി​യും വ​രും. നി​ല​വി​ൽ മൂ​ന്ന്​ മ​ണി​ക്കൂ​ർ വീ​തം രാ​വി​ലെ​യും ഉ​ച്ച​ക്ക്​ ശേ​ഷ​വു​മാ​യി ര​ണ്ട്​ പേ​പ്പ​ർ പ​രീ​ക്ഷ​യാ​ണ്​ ന​ട​ത്തു​ന്ന​ത്. ഇ​ത്​ മൂ​ന്ന്​ മ​ണി​ക്കൂ​റു​ള്ള ഒ​റ്റ പ​രീ​ക്ഷ​യാ​ക്ക​ണ​മെ​ന്ന്​ നേ​ര​ത്തേ സ​ർ​ക്കാ​ർ നി​യോ​ഗി​ച്ച വി​ദ്​​ധ​സ​മി​തി ശി​പാ​ർ​ശ ചെ​യ്തി​രു​ന്നു. ക​മ്പ്യൂ​ട്ട​ർ അ​ധി​ഷ്ഠി​ത പ​രീ​ക്ഷ​ക്ക്​ വ​യ​നാ​ട്, ഇ​ടു​ക്കി ഉ​ൾ​പ്പെ​ടെ മ​ല​യോ​ര ജി​ല്ല​ക​ളി​ൽ ആ​വ​ശ്യ​മാ​യ കേ​ന്ദ്രം ഒ​രു​ക്കു​ന്ന​തും വെ​ല്ലു​വി​ളി​യാ​ണ്.

രാ​വി​ലെ​യും ഉ​ച്ച​ക്കു​ശേ​ഷ​വു​മാ​യി 30,000​ പേ​ർ​ക്ക്​ ഒ​രു​ദി​വ​സം പ​രീ​ക്ഷ ന​ട​ത്തി​യാ​ൽ​പോ​ലും മൂ​ന്ന്​ മു​ത​ൽ നാ​ല്​ ദി​വ​സം വേ​ണ്ടി​വ​രും പ​രീ​ക്ഷ ന​ട​ത്താ​ൻ. ഇ​തി​നു​ള്ള സാ​​ങ്കേ​തി​ക സൗ​ക​ര്യ​വും പി​ന്തു​ണ​യും ഉ​റ​പ്പാ​ക്കാ​ൻ സി.​ഡി​റ്റി​ന്​ ക​ഴി​യു​മോ എ​ന്ന​താ​ണ്​ ആ​ശ​ങ്ക.