കേരളം രണ്ടാം കോവിഡ്​ തരംഗത്തിലേക്ക്; കടുത്ത നിയന്ത്രണങ്ങൾ വരുന്നു

കൊച്ചി:​ കേരളത്തിലു​ം കോവിഡ്​ രണ്ടാം തരംഗത്തി​െൻറ സൂചനകൾ നൽകി​ അധികൃതർ. കടുത്ത നിയന്ത്രണങ്ങൾ ഏർപ്പെടുത്താതെ ഇനി കോവിഡ്​ വ്യാപനം തടയാനാകില്ലെന്നാണ്​ വിലയിരുത്തൽ. മാർച്ച്​ അവസാനം മുതൽ പ്രതിദിന കേസുകൾ കുത്തനെ വർദ്ധിക്കുകയാണ്​. ടെസ്​റ്റ്​ പോസിറ്റിവിറ്റി നിരക്ക്​ നാലിൽ നിന്ന്​ ആറിലേക്ക്​ വരെ എത്തി.

ഇതര സംസ്ഥാനങ്ങളി​ലെ തീവ്രവ്യാപന നിരക്കിലേക്കാണ്​​ കേരളവും നീങ്ങുന്നുവെന്ന സൂചനയാണ്​ കണക്കുകൾ സൂചിപ്പിക്കുന്നത്. നിയമസഭാ തെരഞ്ഞെടുപ്പിന്‍റെ പശ്ചാത്തലത്തിൽ സംസ്ഥാനത്തുണ്ടായ അനൗദ്യോഗിക ഇളവുകൾ കാര്യങ്ങൾ വഷളാക്കിയെന്നാണ്​ വിലയിരുത്തൽ.

തെരഞ്ഞെടുപ്പിന്‍റെ അവസാന ദിവസങ്ങളിൽ മാസ്ക്​ ധരിക്കാതെയും സാമൂഹിക അകലം പാലിക്കാതെയുമുള്ള ഇടപെഴലുകൾ വ്യാപകമായ രോഗ വ്യാപനത്തിന്​ വഴിവെച്ചിട്ടുണ്ടാകുമെന്നാണ്​ കണക്ക്​കൂട്ടുന്നത്​. എപ്രിൽ പകുതി കഴിഞ്ഞാലെ രോഗവ്യാപനയുടെ വ്യാപ്​തി മനസിലാക്കാൻ കഴിയുകയുള്ളു​വെന്ന്​ ആരോഗ്യ വകുപ്പ്​ അധികൃതർ സൂചിപ്പിക്കുന്നു.