ചിത്രം ഒറിജിനൽ; പക്ഷേ ദീപം തെളിയിക്കലിന്​ ഐക്യദാർഢ്യം പ്രഖ്യാപിച്ചതല്ല

തിരുവനന്തപുരം: കോവിഡ്​ പശ്ചാത്തലത്തിൽ പ്രധാനമന്ത്രി നരേന്ദ്രമോദി ആഹ്വാനം ചെയ്​ത ദീപം തെളിയിക്കലിന്​ ഐക് യദാർഢ്യം പ്രഖ്യാപിച്ച്​ മുഖ്യമന്ത്രി​ പിണറായി പിണറായി വിജയനും കുടുംബവും പ​ങ്കെടുത്തതായി സമൂഹമാധ്യമങ്ങളിൽ പ്രചരിക്കുന്ന ചിത്രം വ്യാജം.

2018ലെ ഭൗമദിനാചരണത്തി​​​​​െൻറ ഭാഗമായി മുഖ്യമന്ത്രി കുടുംബസമേതം വീട്ടിൽ വിളക്കണച്ച ദൃശ്യമാണ്​ ഇപ്പോൾ പ്രചരിക്കുന്നത്​. ഒരു പത്രത്തി​​​​​െൻറ ഫോ​ട്ടോഗ്രാഫർ 2018ൽ പകർത്തിയ ചിത്രമാണ്​ വ്യാപകമായി പ്രചരിപ്പിക്കുന്നത്​.

അതേ സമയം മുഖ്യമന്ത്രിയും മറ്റ് മന്ത്രിമാരും ഒൗദ്യോഗിക വസതികളിൽ ഒമ്പത് മിനിറ്റ് വിളക്കുകൾ അണച്ച് പ്രധാനമന്ത്രിയുടെ ആഹ്വാനം ഏറ്റെടുത്തിരുന്നു. ക്ലിഫ് ഹൗസിലെ ജീവനക്കാർ ടോർച്ച് തെളിച്ച് ഐക്യദീപത്തിൽ പങ്കാളികളായി. രാജ്ഭവനിലും വിളക്ക് തെളിച്ചിരുന്നു.