പ്രളയക്കെടുതി; പ്രത്യേക നിയമസഭാ സമ്മേളനം ​തുടങ്ങി

തിരുവനന്തപുരം: കേരളത്തിലെ ​പ്രളയക്കെടുതി ചർച്ച ചെയ്യുന്നതിനായി പ്രത്യേക നിയമസഭാ സമ്മേളനം ആരംഭിച്ചു. നിയമസഭാ ചട്ടം 130 പ്രകാരം ചേർന്ന സഭ അന്തരിച്ച നേതാക്കൾക്ക്​ ആദരാഞ്​ജലികൾ അർപ്പിച്ചുകൊണ്ടാണ്​ തുടങ്ങിയത്​. 

മുൻ ലോക്​സഭാ സ്​പീക്കർ സോമനാഥ്​ ചാറ്റർജി, ഡി.എം.കെ അധ്യക്ഷനും മുൻ തമിഴ്​നാട്​ മുഖ്യമന്ത്രി എം. കരുണാനിധി, മുൻ തദ്ദേശ സ്വയംഭരണ വകുപ്പ്​ മന്ത്രി ചെർക്കളം അബ്​ദുല്ല, മുൻ പ്രധാനമന്ത്രി എ.ബി വാജ്​പേയി എന്നി​വരെയും പ്രളയത്തിൽ മരിച്ച 453ഒാളം പേരെയും സഭ ഒാർമിച്ചു. ഇവർക്ക്​ ആദരാഞ്​ജലി അർപ്പിച്ചുകൊണ്ട്​ ഒരു മിനുട്ട്​ സഭ മൗനം ആചരിച്ചു. 

രണ്ടു മണിവരെയാണ്​ സഭ ചേരുക. പ്രളയക്കെടുതി സർക്കാർ നേരിട്ട വിധവും ദുരിതാശ്വാസ പ്രവർത്തനങ്ങളുമാണ്​ സഭയിൽ ചർച്ചയാകുക.