പ്രളയം: സമൂഹ മാധ്യമങ്ങളിൽ സഹായ വാഗ്​ദാനങ്ങൾ

കോഴിക്കോട്​: ചരിത്രം കണ്ട ഏറ്റവും വലിയ പ്രളയത്തിലൂടെ സംസ്​ഥാനം നീങ്ങുമ്പോൾ വീട്​ നഷ്​​ടപ്പെട്ട ദുരന്ത ബാധിതർക്ക്​ താമസിക്കാനുള്ള സഹായം വാഗ്​ദാനം ​െചയ്​ത് പലരും സമൂഹ മാധ്യമങ്ങളിലൂടെ രംഗത്ത്​ വന്നു. ​ 

ആദ്യ ദിവസങ്ങളിൽ എന്തു ചെയ്യണമെന്നറിയാതെ അപ്രതീക്ഷിതമായി വന്ന വെള്ളപ്പൊക്കത്തിൽ പകച്ചു നി​െന്നങ്കിലും പിന്നീട്​ പലരും സാമ്പത്തിക സഹായത്തിനു പുറമെ തങ്ങളാൽ സാധിക്കുന്ന മറ്റ്​ സഹായവുമായി രംഗത്തെത്തുന്നുണ്ട്​. വീടും സ്വത്തും നഷ്​ടപ്പെട്ട മുൻ പരിചയം പോലുമില്ലാത്ത ആളുകൾക്ക്​ സൗജന്യ താമസ സൗകര്യം ഒരുക്കി സ്വന്തം വീട്ടിലേക്ക്​ ക്ഷണിച്ചുകൊണ്ട്​​ പലരും​ മുന്നോട്ടു വന്നിട്ടുണ്ട്​. ഇതിനായി ഫേസ്​ബുക്ക്​ അടക്കമുള്ള മാധ്യമങ്ങളിലൂടെ ബന്ധപ്പെടാനുള്ള ഫോൺ നമ്പറും നൽകി​.

സമൂഹ മാധ്യമങ്ങളിലൂടെ രക്ഷാപ്രവർത്തനത്തിനു സഹായകമായ സന്ദേശങ്ങളും ഹെൽപ്​ലൈൻ നമ്പറുകളും  പങ്കു വെച്ചും പരോക്ഷമായെങ്കിലും രക്ഷാ ദൗത്യത്തി​​​​െൻറ ഭാഗമാവുന്നവരും കുറവല്ല. വസ്​ത്രങ്ങളും ഭക്ഷണങ്ങളും മറ്റുമായി വ്യക്​തിപരമായും​ സാംസ്​കാരിക, സന്നദ്ധ സംഘടനകളുടെയും രാഷ്​ട്രീയ പ്രസ്​ഥാനങ്ങളുടെയും ഭാഗമായും കാരുണ്യത്തി​​െൻറ കൈത്താങ്ങുമായി ദുരിതാശ്വാസ ക്യാമ്പുകളിലേക്ക് സഹായമെത്തുന്നുണ്ട്​.

സംസ്​ഥാനത്തി​​െൻറ വിവിധ ഭാഗങ്ങളിൽ ഒറ്റപ്പെട്ട പലരും സഹായം അഭ്യർഥിച്ച്​ സമൂഹ മാധ്യമങ്ങളിലൂടെയും മറ്റും രംഗത്തു വരുന്നുമ​ുണ്ട്​​. ചുറ്റിലും വെള്ളത്താൽ നിറഞ്ഞ സ്​ഥലത്ത്​ കെട്ടിടത്തിനു മുകളിലും മറ്റുമായി അഭയം തേടിയവർ ഭയപ്പാടോടു കൂടി ഫേസ്​ബുക്കിൽ ലൈവ്​ വീഡിയോയിലൂടെയും വാട്​സ്​ആപ്പ്​ സ​ന്ദേശത്തിലൂടെയുമാണ്​ സഹായം ആവശ്യപ്പെടുന്നത്​. വൈദ്യുതി വി​​േഛദിക്കപ്പെട്ടതും മൊബൈൽ ഫോണിൽ ചാർജ്ജ്​ തീർന്നു പോകുന്നതും ഒറ്റപ്പെട്ടു കഴിയുന്നവരെ ആശങ്കയിലാഴ്​ത്തുന്നു.

ദുരിതക്കയത്തിൽ നിന്ന്​ സംസ്​ഥാനത്തെ കര കയറ്റാനായി സൈന്യവും സർക്കാർ സംവിധാനങ്ങളും സന്നദ്ധ സേവകരും ഉണർന്നു പ്രവർത്തിക്കുന്നത്​ ആശ്വാസത്തിന്​ വക നൽകുന്നുണ്ട്​.