പോരിന്റെ തുടക്കം കണ്ണൂരിൽ; പിന്നെയത് ശീലമായി

ക​ണ്ണൂ​ർ: ഗ​വ​ർ​ണ​ർ ആ​രി​ഫ് മു​ഹ​മ്മ​ദ് ഖാ​നും സ​ർ​ക്കാ​റും ത​മ്മി​ലെ പ​ര​സ്യ പോ​രി​ന്റെ തു​ട​ക്കം ക​ണ്ണൂ​രി​ൽ​നി​ന്ന്. 2019 സെ​പ്റ്റം​ബ​ർ ആ​റി​ന് ഗ​വ​ർ​ണ​റാ​യി ചു​മ​ത​ല​യേ​റ്റ് മൂ​ന്നു​മാ​സം പി​ന്നി​ട്ട​പ്പോ​ഴേ​ക്കും ക​ണ്ണൂ​രി​ൽ​ക്ക​ണ്ട ഭാ​വം പി​ന്നെ പ​ല​യി​ട​ത്തും ആ​വ​ർ​ത്തി​ച്ചു. വേ​ദി​ക​ളി​ലെ​ല്ലാം ഗ​വ​ർ​ണ​ർ സ​ർ​ക്കാ​റു​മാ​യി പോ​ർ​മു​ഖം തീ​ർ​ക്കാ​ൻ തു​ട​ങ്ങി. ഇ​പ്പോ​ഴ​ത് ശീ​ല​മാ​യി. ഒ​ടു​വി​ൽ ‘ബ്ല​ഡി ക​ണ്ണൂ​ർ’ പ​രാ​മ​ർ​ശ​വും പു​റ​ത്തു​വ​ന്ന​തോ​ടെ ഗ​വ​ർ​ണ​റു​​ടേ​ത് വെ​റും ക​ണ്ണൂ​ർ ക​ലി​പ്പാ​യി മാ​റി​യെ​ന്നാ​ണ് വി​മ​ർ​ശ​നം.

2019 ഡി​സം​ബ​ർ 28ന് ​ക​ണ്ണൂ​ർ സ​ർ​വ​ക​ലാ​ശാ​ല​യി​ൽ ന​ട​ന്ന ദേ​ശീ​യ ച​രി​ത്ര കോ​ൺ​ഗ്ര​സ് വേ​ദി​യി​ലാ​ണ് ഗ​വ​ർ​ണ​റു​ടെ ആ​ദ്യ പൊ​ട്ടി​ത്തെ​റി. സം​സ്ഥാ​ന​ത്തി​ന് ഒ​ട്ടും പ​രി​ചി​ത​മ​ല്ലാ​ത്ത ഗ​വ​ർ​ണ​റു​ടെ മു​ഖ​മാ​ണ് അ​ന്ന് ക​ണ്ട​ത്. രാ​ജ്യ​ത്ത് പൗ​ര​ത്വ നി​യ​മ​ഭേ​ദ​ഗ​തി​ക്കെ​തി​രാ​യ പ്ര​തി​ഷേ​ധം ക​ത്തി​നി​ൽ​ക്കു​ന്ന വേ​ള. ച​രി​ത്ര കോ​ൺ​​ഗ്ര​സ് ഉ​ദ്ഘാ​ട​നം ചെ​യ്ത് പൗ​ര​ത്വ നി​യ​മ​ത്തെ അ​നു​കൂ​ലി​ച്ചും സ​മ​ര​ത്തെ ത​ള്ളി​പ്പ​റ​ഞ്ഞും ഗ​വ​ർ​ണ​ർ സം​സാ​രി​ക്കാ​ൻ തു​ട​ങ്ങി.

ച​രി​ത്ര കോ​ൺ​​ഗ്ര​സ് പ്ര​തി​നി​ധി​ക​ൾ എ​ണീ​റ്റു​നി​ന്ന് ബ​ഹ​ളം​വെ​ച്ചും പ്ല​ക്കാ​ർ​ഡ് ഉ​യ​ർ​ത്തി​യും പ്ര​തി​ഷേ​ധി​ച്ചു. വേ​ദി​യി​ലു​ണ്ടാ​യി​രു​ന്ന പ്ര​മു​ഖ ച​രി​ത്ര​കാ​ര​ൻ ​പ്ര​ഫ. ഇ​ർ​ഫാ​ൻ ഹ​ബീ​ബ് ഗ​വ​ർ​ണ​റു​ടെ അ​ടു​ത്തേ​ക്കു​വ​ന്ന് ഉ​ച്ച​ത്തി​ൽ പ്ര​തി​ഷേ​ധി​ച്ചു. ഇ​തോ​ടെ, പ്ര​സം​ഗം പാ​തി​വ​ഴി​യി​ൽ നി​ർ​ത്തി സെ​മി​നാ​ർ ഉ​ദ്ഘാ​ട​നം ചെ​യ്ത​താ​യി പ്ര​ഖ്യാ​പി​ച്ച് ഗ​വ​ർ​ണ​ർ വേ​ദി വി​ട്ടു. സം​ഘാ​ട​ക സ​മി​തി ചെ​യ​ർ​മാ​ൻ കൂ​ടി​യാ​യ അ​ന്ന​ത്തെ വി.​സി ഡോ. ​ഗോ​പി​നാ​ഥ് ര​വീ​ന്ദ്ര​നെ ഗെ​സ്റ്റ് ഹൗ​സി​ലേ​ക്ക് വി​ളി​പ്പി​ച്ച് ഗ​വ​ർ​ണ​ർ അ​തൃ​പ്തി അ​റി​യി​ച്ചു.

ശേ​ഷം സ​ർ​ക്കാ​റി​നെ​തി​രെ ഒ​ളി​ഞ്ഞും തെ​ളി​ഞ്ഞും ഗ​വ​ർ​ണ​റു​ടെ ഒ​ളി​യ​മ്പു​ക​ൾ. ഗ​വ​ർ​ണ​ർ എ​ന്നാ​ൽ റ​ബ​ർ സ്റ്റാ​മ്പ് അ​ല്ലെ​ന്ന് ഇ​ട​ക്ക് ഓ​ർ​മ​പ്പെ​ടു​ത്ത​ൽ. അ​തി​നി​ടെ, സ​ർ​ക്കാ​റു​മാ​യി ‘ന​ല്ല​ന​ട​പ്പും’ തു​ട​ങ്ങി. 2022 ആ​ഗ​സ്റ്റ് 21ന്, ​ര​ണ്ടു​വ​ർ​ഷം മു​മ്പ​ത്തെ ച​രി​ത്ര കോ​ൺ​ഗ്ര​സ് സം​ഭ​വം ചൂ​ണ്ടി​ക്കാ​ട്ടി ക​ണ്ണൂ​ർ വി.​സി​യെ ക്രി​മി​ന​ൽ എ​ന്നു​വി​ളി​ച്ചും ത​ന്നെ ആ​ക്ര​മി​ക്കാ​ൻ ഗൂ​ഢാ​ലോ​ച​ന ന​ട​ത്തി​യെ​ന്ന് ആ​രോ​പി​ച്ചും ഗ​വ​ർ​ണ​ർ രം​ഗ​ത്തു​വ​ന്നു. 2021 ന​വം​ബ​ർ 23ന് ​ഡോ. ഗോ​പി​നാ​ഥ് ര​വീ​ന്ദ്ര​നെ വി.​സി​യാ​യി പു​ന​ർ​നി​യ​മ​നം ന​ട​ത്തി​യ അ​തേ ഗ​വ​ർ​ണ​റാ​ണ് ക്രി​മി​ന​ലെ​ന്ന് വി​ളി​ച്ച​തെ​ന്ന​താ​ണ് കൗ​തു​ക​ക​രം.

സ​ർ​ക്കാ​റി​ന്റെ ഇ​​ട​പെ​ട​ലാ​ണ് പു​ന​ർ​നി​യ​മ​നം കൊ​ടു​ക്കാ​ൻ കാ​ര​ണ​മാ​യ​തെ​ന്ന് സു​പ്രീം​കോ​ട​തി​യി​ൽ ഗ​വ​ർ​ണ​ർ ത​ന്നെ സ​ത്യ​വാ​ങ്മൂ​ലം കൊ​ടു​ത്ത​തോ​ടെ ബാ​ഹ്യ​സ്വാ​ധീ​നം വ്യ​ക്ത​മാ​യെ​ന്നു​ക​ണ്ട് വി.​സി​യെ സു​പ്രീം​കോ​ട​തി പു​റ​ത്താ​ക്കി. അ​ങ്ങ​നെ, ക​ണ്ണൂ​രി​ൽ തു​ട​ങ്ങി​യ അ​നി​ഷ്ട​മാ​ണ് സ​ർ​ക്കാ​ർ പോ​രാ​യി ക​ത്തി​പ്പ​ട​രു​ന്ന​ത്. ഗ​വ​ർ​ണ​റു​ടെ ‘ബ്ല​ഡി ക​ണ്ണൂ​ർ’ പ​രാ​മ​ർ​ശ​ത്തി​നെ​തി​രെ ജി​ല്ല​യി​ൽ വ്യാ​പ​ക പ്ര​തി​ഷേ​ധ​ങ്ങ​ൾ​ക്കാ​ണ് തു​ട​ക്ക​മി​ട്ട​ത്.