രണ്ട് ദിവസം അധികാരം തന്നാൽ നടപ്പാതകളടക്കം ശരിയാക്കിക്കാണിക്കാമെന്ന്​ കോടതി

കൊ​ച്ചി: റോ​ഡു​ക​ൾ സ​ഞ്ചാ​ര​യോ​ഗ്യ​മാ​ക്ക​ണ​മെ​ന്ന്​ ആ​വ​ശ്യ​പ്പെ​ട്ട്​ പു​റ​പ്പെ​ടു​വി​ച്ച ഉ​ത്ത​ര​വു​ക​ളി​ൽ ഫ​ല​പ്ര​ദ​മാ​യ ന​ട​പ​ടി​ക​ളി​ല്ലാ​ത്ത​തി​ൽ ഹൈ​കോ​ട​തി​ക്ക്​ അ​തൃ​പ്​​തി. ഉ​ത്ത​ര​വു​ക​ൾ പാ​ലി​ച്ച്​ കൊ​ച്ചി ന​ഗ​ര​ത്തി​ലെ റോ​ഡു​ക​ളും ന​ട​പ്പാ​ത​ക​ളും സ​ഞ്ചാ​ര​യോ​ഗ്യ​മാ​ക്കാ​ത്ത​ത്​​ എ​ന്തെ​ന്ന്​ ബ​ന്ധ​പ്പെ​ട്ട ഉ​ദ്യോ​ഗ​സ്ഥ​ർ നേ​രി​ട്ട് ഹാ​ജ​രാ​യി വി​ശ​ദീ​ക​രി​ക്കാ​ൻ നി​ർ​ദേ​ശി​ച്ച ജ​സ്റ്റി​സ് ദേ​വ​ൻ രാ​മ​ച​ന്ദ്ര​ൻ, ഇ​നി പു​തി​യ ഉ​ത്ത​ര​വു​ക​ൾ പു​റ​പ്പെ​ടു​വി​ക്കു​ന്നി​ല്ലെ​ന്ന്​ അ​ഭി​പ്രാ​യ​പ്പെ​ടു​ക​യും ചെ​യ്തു.

അ​തേ​സ​മ​യം, നി​ല​വി​ലെ ഉ​ത്ത​ര​വു​ക​ൾ ന​ട​പ്പാ​ക്കി​യെ​ന്ന് ഉ​റ​പ്പു​വ​രു​ത്തും. ര​ണ്ട് ദി​വ​സം അ​ധി​കാ​രം ത​ന്നാ​ൽ ന​ട​പ്പാ​ത​ക​ള​ട​ക്കം ശ​രി​യാ​ക്കി​ക്കാ​ണി​ക്കാം. കൊ​ച്ചി ന​ഗ​ര​ത്തി​ലേ​ത​ട​ക്കം റോ​ഡു​ക​ളു​മാ​യി ബ​ന്ധ​പ്പെ​ട്ട ഹ​ര​ജി പ​രി​ഗ​ണി​ക്ക​വെ​യാ​യി​രു​ന്നു സിം​ഗി​ൾ ബെ​ഞ്ചി​ന്റെ വാ​ക്കാ​ൽ പ​രാ​മ​ർ​ശം.

തൃ​പ്പൂ​ണി​ത്തു​റ​യി​ൽ അ​ടു​ത്തി​ടെ സ്കൂ​ട്ട​ർ യാ​ത്ര​ക്കാ​രി അ​പ​ക​ട​ത്തി​ൽ മ​രി​ച്ച സം​ഭ​വം പ​രാ​മ​​ർ​ശി​ച്ച കോ​ട​തി, അ​പ​ക​ട​ങ്ങ​ൾ പ​തി​വാ​യി​ട്ടും ഉ​ത്ത​ര​വു​ക​ൾ അ​വ​ഗ​ണി​ക്കു​ന്ന​ത്​ എ​ന്താ​ണെ​ന്ന്​ അ​ധി​കൃ​ത​രോ​ട്​ ആ​രാ​ഞ്ഞു. കോ​ട​തി നി​ർ​ദേ​ശി​ച്ചി​ട്ടും ജി​ല്ല പൊ​ലീ​സ് മേ​ധാ​വി മാ​ത്ര​മാ​ണ് റി​പ്പോ​ർ​ട്ട്​ ന​ൽ​കി​യ​ത്. സ്വ​യം ചെ​യ്യു​ക​യു​മി​ല്ല, മ​റ്റാ​രേ​ക്കൊ​ണ്ടും ചെ​യ്യി​ക്കു​ക​യു​മി​ല്ല എ​ന്ന നി​ല മാ​റ​ണം. ഇ​ത്ത​രം നി​ല​പാ​ടു​മൂ​ലം കാ​ൽ​ന​ട​ക്കാ​രാ​ണ് ഏ​റെ ബു​ദ്ധി​മു​ട്ടു​ന്ന​ത്. അ​വ​ർ​ക്കാ​ണ് റോ​ഡി​ൽ പ്രാ​ഥ​മി​ക പ​രി​ഗ​ണ​ന ന​ൽ​കേ​ണ്ട​തെ​ന്നും കോ​ട​തി പ​റ​ഞ്ഞു.

ഫ​ണ്ട്​ ഇ​ല്ലാ​ത്ത​താ​ണ്​ റോ​ഡ്​ നി​ർ​മാ​ണം ത​ട​സ്സ​പ്പെ​ടാ​ൻ കാ​ര​ണ​മെ​ന്നാ​യി​രു​ന്നു കൊ​ച്ചി കോ​ർ​പ​റേ​ഷ​ന്‍റെ മ​റു​പ​ടി. ഫ​ണ്ടി​ല്ലെ​ങ്കി​ൽ കോ​ർ​പ​റേ​ഷ​ൻ അ​ട​ച്ചു​പൂ​ട്ട​ണ​മെ​ന്ന്​ കോ​ട​തി​യും പ്ര​തി​ക​രി​ച്ചു. ഹ​ര​ജി വീ​ണ്ടും ഫെ​ബ്രു​വ​രി ഒ​മ്പ​തി​ന്​ പ​രി​ഗ​ണി​ക്കാ​ൻ മാ​റ്റി.