ലക്ഷദ്വീപ്​ മുൻ ചീ​ഫ് ജു​ഡീ​ഷ്യ​ൽ മ​ജി​സ്ട്രേ​റ്റിന്​ കാരണം കാണിക്കൽ നോട്ടീസ് നൽകാൻ ഉത്തരവ്

കൊ​ച്ചി: സാ​ക്ഷി​മൊ​ഴി​യി​ൽ കൃ​ത്രി​മം കാ​ട്ടി​യെ​ന്ന ആ​രോ​പ​ണ​ത്തി​ൽ ല​ക്ഷ​ദ്വീ​പി​ൽ ചീ​ഫ് ജു​ഡീ​ഷ്യ​ൽ മ​ജി​സ്ട്രേ​റ്റാ​യി​രു​ന്ന കെ. ​ചെ​റി​യ കോ​യ​ക്ക്​ കാ​ര​ണം കാ​ണി​ക്ക​ൽ നോ​ട്ടീ​സ് ന​ൽ​കാ​ൻ ഹൈ​കോ​ട​തി ഉ​ത്ത​ര​വ്.

അ​ച്ച​ട​ക്ക ന​ട​പ​ടി​യെ​ടു​ക്കാ​തി​രി​ക്കാ​ൻ കാ​ര​ണ​മു​ണ്ടെ​ങ്കി​ൽ അ​റി​യി​ക്ക​ണ​മെ​ന്ന്​ കാ​ണി​ച്ച്​​​ നോ​ട്ടീ​സ് ന​ൽ​കാ​ൻ ഹൈ​കോ​ട​തി ര​ജി​സ്ട്രി​ക്ക്​ ജ​സ്റ്റി​സ് പി.​വി. കു​ഞ്ഞി​കൃ​ഷ്‌​ണ​ൻ നി​ർ​ദേ​ശം ന​ൽ​കി. അ​ന്യാ​യ​മാ​യി സം​ഘം ചേ​ര​ൽ കേ​സി​ൽ പ്ര​തി​ക​ളാ​യ ല​ക്ഷ​ദ്വീ​പ് സ്വ​ദേ​ശി എം.​പി. മു​ഹ​മ്മ​ദ് നാ​സ​ർ ഉ​ൾ​പ്പെ​ടെ​യു​ള്ള​വ​ർ ന​ൽ​കി​യ ഹ​ര​ജി​യാ​ണ് കോ​ട​തി പ​രി​ഗ​ണി​ച്ച​ത്.

ഹ​ര​ജി​ക്കാ​ർ​ക്കെ​തി​രാ​യ ന​ട​പ​ടി​ക​ൾ ത​ട​ഞ്ഞ കോ​ട​തി, ഹ​ര​ജി വീ​ണ്ടും പ​രി​ഗ​ണി​ക്കു​ന്ന ഡി​സം​ബ​ർ 12ന്​ ​നേ​രി​ട്ട് ഹാ​ജ​രാ​കാ​ൻ അ​ന്വേ​ഷ​ണ ഉ​ദ്യോ​ഗ​സ്ഥ​നോ​ട്​ നി​ർ​ദേ​ശി​ക്കു​ക​യും ചെ​യ്തു.