സ്റ്റേയില്ല; ഓൺലൈൻ ക്ലാസുകൾ തുടരാം -ഹൈകോടതി

കൊ​ച്ചി: എ​ല്ലാ വി​ദ്യാ​ർ​ഥി​ക​ൾ​ക്കും പ​​ങ്കെ​ടു​ക്കാ​നാ​വു​ന്ന രീ​തി​യി​ൽ അ​ടി​യ​ന്ത​ര സൗ​ക​ര്യ​മൊ​രു​ക്ക​ണ​മെ​ന്നും അ​തു​വ​രെ ഓ​ൺ​ലൈ​ൻ ക്ലാ​സു​ക​ൾ നി​ർ​ത്ത​ണ​മെ​ന്നും ആ​വ​ശ്യ​പ്പെ​ട്ടുള്ള​ ഹ​ര​ജിക്ക് ഹൈ​കോ​ട​തി​ സ്റ്റേയില്ല. ഇപ്പോൾ‌ ആരംഭിച്ചത് ഓ​ൺ​ലൈ​ൻ ക്ലാ​സുകളുടെ ട്രയൽ റൺ മാത്രമാണെന്ന കേരള സർക്കാർ വാദം അംഗീകരിച്ചാണ് സ്റ്റേ ആവശ്യം കോടതി തള്ളിയത്. ഹരജി സിം​ഗിൾ ബെഞ്ച് ചീഫ് ജസ്റ്റിസിന്‍റെ പരി​ഗണനക്ക് വിട്ടു.

കാ​സ​ർ​കോ​ട്​ വെ​ള്ള​രി​ക്കു​ണ്ട്​ ന​ട്ട​ക്ക​ൽ എ.​എ​ൽ.​പി സ്​​കൂ​ളി​ൽ നാ​ല്, അ​ഞ്ച്​ ക്ലാ​സു​ക​ളി​ലെ വി​ദ്യാ​ർ​ഥി​ക​ളു​ടെ മാ​താ​വാ​യ വെ​ള്ള​രി​ക്കു​ണ്ട്​ വ​ള്ളി​ക്ക​ട​വ്​ സ്വ​ദേ​ശി​നി സി.​സി. ഗി​രി​ജ​യാ​ണ്​ ഹ​ര​ജി ന​ൽ​കി​യ​ത്. കോ​വി​ഡ്​ പ​ശ്ചാ​ത്ത​ല​ത്തി​ൽ ക്ലാ​സ്​ ന​ട​ത്താ​ൻ ഓ​ൺ​ലൈ​ൻ സം​വി​ധാ​നം ഒ​രു​ക്കി​യ​ത്​ ശ​രി​യാ​യ വി​ധ​ത്തി​ല​ല്ലെ​ന്നാ​ണ് ഹരജിക്കാരിയുടെ ആ​രോ​പ​ണം.

ഈ മാസം 14 വരെ ഓൺലൈൻ ക്ലാസുകൾ തുടരുമെന്ന് സർക്കാർ വ്യക്തമാക്കി. അതിനു ശേഷം മാറ്റങ്ങൾ വരുത്തേണ്ടത് ഉണ്ടെങ്കിൽ വരുത്തും. വിദ്യാർഥികൾ നേരിടുന്ന പ്രശ്നങ്ങൾ എല്ലാം പരിഹരിച്ച ശേഷമേ ക്ലാസുകൾ ആരംഭിക്കൂ. 

പഠന സൗകര്യമില്ലാത്ത വിദ്യാർഥികൾക്ക് ടിവി, സ്മാർട്ട് ഫോൺ എന്നിവ ലഭ്യമാക്കാൻ സ്പോൺസേഴ്സിന്‍റെ സഹായം തേടുകയാണ്. നിരവധി സ്പോൺസർമാരെ ഇതിനകം ലഭിച്ചിട്ടുണ്ടെന്നും സർക്കാർ കോടതിയെ അറിയിച്ചു.

കോവിഡ് മഹാമാരി മറികടക്കുന്നതിന്‍റെ ഭാഗമായാണ് ഓൺലൈൻ ക്ലാസുകൾ നടത്തുന്നതെന്നാണ് മനസിലാക്കുന്നതെന്ന് ഹൈകോടതി അഭിപ്രായപ്പെട്ടു.

Latest Video