ബസ്​ ചാർജ്​ കുറച്ചതിന്​ താത്​കാലിക സ്​റ്റേ 

കൊച്ചി: ലോക്​ഡൗൺ കാലത്ത്​ താത്​കാലികമായി വർധിപ്പിച്ചിരുന്ന ബസ്​ ചാർജ്​ പിന്നീട്​ കുറച്ച സർക്കാർ നടപടി ഹൈകോടതി സ്​റ്റേ ചെയ്​തു. ബസുടമകൾ നൽകിയ ഹരജി പരിഗണിച്ചാണ്​ ഇടക്കാല സ്​റ്റേ നൽകിയിരിക്കുന്നത്​​.

സർക്കാർ ബസ്​ ചാർജ്​ സംബന്ധിച്ച പുതിയ ഉത്തരവ്​ പുറത്തിറക്കും വരെയാണ്​ സ്​റ്റേ നിലനിൽക്കുക. അതുവ​െര ബസുടമകൾക്ക്​ കൂടിയ നിരക്ക്​ ഈടാക്കാമെന്നും കോടതി നിർദേശിച്ചു. ഇളവ്​ നൽകു​േമ്പാൾ സേവനദാതാക്കളുടെ അവസ്​ഥ കൂടി പരിഗണിക്കണമെന്നും കോടതി പരാമർശിച്ച​ു.

കഴിഞ്ഞ മാസം 22നാണ്​ നിലവിലുണ്ടായിരുന്ന നിരക്കിൽ 50 ശതമാനം വർധന വരുത്തി സർക്കാർ ഉത്തരവിട്ടത്​. തുടർന്ന്​ സ്വകാര്യബസുകൾ നിരത്തിലിറങ്ങിയിരുന്നു. എന്നാൽ, ജൂൺ ഒന്നിന്​ സർക്കാർ ഈ നിരക്ക്​ വർധന പിൻവലിക്കുകയായിരുന്നു.

ഇരിപ്പിട ശേഷിയുടെ പകുതി മാത്രം യാത്രക്കാരെ കയറ്റണം, ആരെയും നിർത്തി യാത്ര ചെയ്യിക്കരുത്​ തുടങ്ങിയ നിബന്ധനകൾ പാലിച്ച്​ കുറഞ്ഞ നിരക്കിൽ സർവിസ്​ നടത്താൻ ബുദ്ധിമുട്ടാണെന്ന്​ ചൂണ്ടിക്കാട്ടി സ്വകാര്യ ബസുടമകൾ തിങ്കളാഴ്​ച മുതൽ ബസുകൾ നിരത്തിലിറക്കുന്നില്ല. ലോക്​ഡൗൺ ഇളവുകൾ മൂലം തിങ്കളാഴ്​ച മുതൽ സർക്കാർ ഓഫിസുകൾ പ്രവർത്തിച്ച്​ തുടങ്ങിയതിനാൽ ആശങ്കജനകമായ തിരക്കാണ്​ ബസുകളിൽ അനുഭവപ്പെട്ടിരുന്നത്​. ഈ സാഹചര്യത്തിലാണ്​ ബസുടമകൾ കോടതിയെ സമീപിച്ചത്​.

അതിനിടെ, കെ.എസ്.ആര്‍.ടി.സി ഇന്ന് ചില ജില്ലകളില്‍ കൂടുതല്‍ സർവിസ് നടത്തി. അന്തര്‍ ജില്ലാ സർവിസുകള്‍ തൊട്ടടുത്ത ജില്ലകളിലേക്ക് മാത്രമാണ് ഇപ്പോഴും കെ.എസ്.ആര്‍.ടി.സി നടത്തുന്നത്.