ലോക്​ഡൗൺ രണ്ടാം ദിനം: പാസില്ലാതെ പുറത്തിറങ്ങാനാവില്ല

കോഴിക്കോട്​: സംസ്​ഥാനത്ത്​ ലോക്​ഡൗൺ രണ്ടാംദിനത്തിലേക്ക്​ കടന്ന ഇന്ന്​ പൊലീസ്​ പരിശോധന കർശനമാക്കും. പൊലീസ്​ നൽകുന്ന പാസ്​ ഉപയോഗിച്ചല്ലാതെ തൊഴിലാളികളെ അടക്കം ഇന്ന്​ യാത്ര ചെയ്യാൻ അനുവദിക്കില്ല. ഇന്നലെ സ്വയം തയ്യാറാക്കിയ സത്യവാങ്​മൂലം ഉപയോഗിച്ച്​ യാത്ര ചെയ്യാൻ അനുമതിയുണ്ടായിരുന്നു. ഇളവ് ലഭിച്ച ​െതാഴിൽമേഖലയിലുള്ളവർ​ അത്​ തെളിയിക്കുന്ന തിരിച്ചറിയൽരേഖ കാണിച്ചാൽ മതി.

അ​ന്ത​ർ​ജി​ല്ല​യാ​ത്ര പ​ര​മാ​വ​ധി ഒ​ഴി​വാ​ക്കാ​ൻ പൊ​ലീ​സ്​ നി​ർ​ദേ​ശി​ച്ചു. അ​ത്യാ​വ​ശ്യ​ഘ​ട്ട​ങ്ങ​ളി​ൽ അ​ന്ത​ർ​ജി​ല്ല​യാ​ത്ര ചെ​യ്യു​ന്ന​വ​ർ സ്വ​യം സാ​ക്ഷ്യ​പ്പെ​ടു​ത്തി​യ സ​ത്യാ​വാ​ങ്​​മൂ​ലം ക​രു​ത​ണം. അ​ടി​യ​ന്ത​ര​മാ​യി പാ​സ്​ ആ​വ​ശ്യ​മു​ള്ള​വ​ർ​ക്ക് സ്​​റ്റേ​ഷ​ൻ ഹൗ​സ്​ ഓ​ഫി​സ​ർ​മാ​രെ നേ​രി​ട്ട് സ​മീ​പി​ച്ച് പാ​സി​ന്​ അ​പേ​ക്ഷ ന​ൽ​കാം. ഇ​രു​വ​ശ​ത്തേ​ക്കും യാ​ത്ര ചെ​യ്യു​ന്ന​തി​നു​ള്ള പാ​സ്​ യാ​ത്ര തു​ട​ങ്ങു​ന്ന സ്ഥ​ല​ത്തു​ള്ള സ്​​റ്റേ​ഷ​ൻ ഹൗ​സ്​ ഓ​ഫി​സ​ർ ത​ന്നെ ന​ൽ​കും.

pass.bsafe.kerala.gov.in എ​ന്ന വെ​ബ്​​സൈ​റ്റി​ലൂ​ടെ​യാ​ണ്​ ഇ-​പാ​സി​ന്​ അ​പേ​ക്ഷി​ക്കേ​ണ്ട​ത്. യാ​ത്രാ​നു​മ​തി കി​ട്ടി​യാ​ൽ പാ​സ്​ ഡൗ​ൺ​ലോ​ഡ്​ ചെ​യ്​​തെ​ടു​ത്ത്​ യാ​ത്ര​യി​ൽ കൈ​യി​ൽ ക​രു​ത​ണം.

വെ​ബ്സൈ​റ്റി​ൽ 'Pass' എ​ന്ന​തി​നു​താ​ഴെ പേ​ര്, വി​ലാ​സം, വാ​ഹ​ന ര​ജി​സ്ട്രേ​ഷ​ൻ ന​മ്പ​ർ, പോ​കേ​ണ്ട സ്ഥ​ലം, തീ​യ​തി, സ​മ​യം, മൊ​ബൈ​ൽ ന​മ്പ​ർ ഉ​ൾ​പ്പെ​ടെ​യു​ള്ള വി​വ​ര​ങ്ങ​ളാ​ണ് ന​ൽ​കേ​ണ്ട​ത്.

പാ​സ്​ ആ​ർ​ക്കൊ​ക്കെ:

●കൂ​ലി​പ്പ​ണി​ക്കാ​ർ, ദി​വ​സ​വേ​ത​ന​ക്കാ​ർ എ​ന്നി​വ​ർ​ക്ക് ജോ​ലി​ക്ക് പോ​കാ​ൻ

●തൊ​ഴി​ലാ​ളി​യോ തൊ​ഴി​ലു​ട​മ​യോ അ​പേ​ക്ഷ ന​ൽ​ക​ണം

●ലോ​ക്ഡൗ​ണി​ൽ ഇ​ള​വ് ന​ൽ​കി​യി​രി​ക്കു​ന്ന തൊ​ഴി​ൽ മേ​ഖ​ല​യി​ലു​ള്ള​വ​ർ

●അ​ടി​യ​ന്ത​ര യാ​ത്ര ആ​വ​ശ്യ​മു​ള്ള പൊ​തു​ജ​ന​ങ്ങ​ൾ

●മ​ര​ണം, ആ​ശു​പ​ത്രി, അ​ടു​ത്ത ബ​ന്ധു​വി​െൻറ വി​വാ​ഹം പോ​ലെ ഒ​ഴി​വാ​ക്കാ​നാ​വാ​ത്ത അ​വ​ശ്യ​ങ്ങ​ൾ

●അ​വ​ശ്യ​വി​ഭാ​ഗ​ത്തി​ലു​ൾ​പ്പെ​ട്ട​വ​ർ​ക്ക് പാ​സ് വേ​ണ്ട, തി​രി​ച്ച​റി​യ​ൽ​രേ​ഖ മ​തി.