കേരളമോഡൽ അനുകരണീയം, കേരളത്തിന്​ അഭിനന്ദനപ്രവാഹം

ന്യൂഡൽഹി: തുടർച്ചായി രണ്ടാംദിവസവും പോസിറ്റീവ്​ കേസുകൾ സ്ഥിരീകരിക്കാതിരുന്നതോടെ ട്വിറ്ററിൽ കേരളത്തിന്​ അഭിനന്ദനപ്രവാഹം. കേരളത്തെ അഭിനന്ദിച്ച്​ രാജ്യത്തെ പ്രമുഖ മാധ്യമപ്രവർത്തകൻ രാജ്​ദീപ്​ സർദേശായി ട്വീറ്റ്​ ചെയ്​തു.

 ‘‘ഇന്ത്യയിൽ കൊറോണ കേസുകളുടെ എണ്ണം 42,500കടന്നിരിക്കുന്നു. അതേസമയം കേരളത്തിൽ കഴിഞ്ഞ 48മണിക്കൂറിൽ ഒരുകേസുപോലും സ്ഥിരീകരിച്ചിട്ടില്ല. ലോകത്തുതന്നെ കോവിഡ്​ ബാധിത പ്രദേശത്തെ ഏറ്റവും കുറഞ്ഞ മരണനിരക്കാണ്​ കേരളത്തിലുളത്​. കേരളമോഡൽ അനുകരണനീയമാണ്​​’’ -രാജ്​ദീപ്​ ട്വിറ്ററിൽ കുറിച്ചു. 

ഈ പ്രശ്​നത്തെ എങ്ങനെ കൈകാര്യം ചെയ്യണമെന്ന്​ കേരളം പറയുന്നു. മറ്റുള്ളവർക്ക്​ അത്​ മനസ്സിലാക്കാൻ കഴിയുമോ എന്നറിയില്ലെന്ന്​ പ്രശസ്​ത ബോളിവുഡ്​ സംവിധായകൻ അനുഭവ്​ സിൻഹ ട്വീറ്റ്​ ചെയ്​തു.