കേരളം സ്വതന്ത്ര പാഠ്യപദ്ധതി ചട്ടക്കൂടി​േലക്ക്​; കോവിഡ്​ തിരിച്ചറിവുകൾ പാഠ്യപദ്ധതിയുടെ ഭാഗമാക്കാൻ ശിപാർശ

തി​രു​വ​ന​ന്ത​പു​രം: വി​വാ​ദ​മാ​യ ദേ​ശീ​യ വി​ദ്യാ​ഭ്യാ​സ ന​യ​ത്തി​ന​നു​സൃ​ത​മാ​യി കേ​ന്ദ്ര സ​ർ​ക്കാ​ർ സ്​​കൂ​ൾ വി​ദ്യാ​ഭ്യാ​സ​ത്തി​ന്​ ദേ​ശീ​യ പാ​ഠ്യ​പ​ദ്ധ​തി ച​ട്ട​ക്കൂ​ട്​ ത​യാ​റാ​ക്കു​ന്ന​തി​നി​ടെ കേ​ര​ള​ത്തി​ൽ സം​സ്ഥാ​ന പാ​ഠ്യ​പ​ദ്ധ​തി ച​ട്ട​ക്കൂ​ട്​ സ്വ​ത​ന്ത്ര​മാ​യി ത​യാ​റാ​ക്കാ​ൻ ശി​പാ​ർ​ശ.

സം​സ്ഥാ​ന വി​ദ്യാ​ഭ്യാ​സ ഗ​വേ​ഷ​ണ -പ​രി​ശീ​ല​ന കൗ​ൺ​സി​ൽ (എ​സ്.​സി.​ഇ.​ആ​ർ.​ടി) സ​മ​ർ​പ്പി​ച്ച റി​പ്പോ​ർ​ട്ടി​ലാ​ണ്​​ സ്വ​ത​ന്ത്ര പാ​ഠ്യ​പ​ദ്ധ​തി ച​ട്ട​ക്കൂ​ടി​ന്​ നി​ർ​ദേ​ശി​ക്കു​ന്ന​ത്. പാ​ഠ്യ​പ​ദ്ധ​തി പ​രി​ഷ്​​ക​ര​ണ പ്ര​വ​ർ​ത്ത​ന​ങ്ങ​ൾ​ക്ക്​ നേ​തൃ​ത്വം ന​ൽ​കേ​ണ്ട എ​സ്.​സി.​ഇ.​ആ​ർ.​ടി സ​മ​ർ​പ്പി​ച്ച നി​ർ​ദേ​ശം സ​ർ​ക്കാ​ർ പ​രി​ഗ​ണ​ന​യി​ലാ​ണ്. ദേ​ശീ​യ പാ​ഠ്യ​പ​ദ്ധ​തി ച​ട്ട​ക്കൂ​ട്​ ത​യാ​റാ​ക്കാ​ൻ സം​സ്ഥാ​ന​ങ്ങ​ളി​ൽ​നി​ന്ന്​ കേ​ന്ദ്രം അ​ഭി​പ്രാ​യം തേ​ടി​യി​ട്ടു​ണ്ട്. 2023ൽ ​പ്ര​സി​ദ്ധീ​ക​രി​ക്കു​മെ​ന്ന്​​ ക​രു​തു​ന്ന ദേ​ശീ​യ പാ​ഠ്യ​പ​ദ്ധ​തി ത​യാ​റാ​ക്കാ​ൻ 25 വി​ഷ​യ​മേ​ഖ​ല​ക​ൾ നി​ശ്ച​യി​ച്ചാ​ണ്​ കേ​ന്ദ്രം അ​ഭി​പ്രാ​യം തേ​ടി​യ​ത്.

ന​യ​ത്തി​ൽ സ്​​കൂ​ൾ വി​ദ്യാ​ഭ്യാ​സ​ത്തി​െൻറ ഘ​ട​ന മാ​റ്റു​ന്ന​തി​ലും പ്രാ​ന്ത​വ​ത്​​കൃ​ത, പി​ന്നാ​ക്ക വി​ഭാ​ഗ​ങ്ങ​ളു​ടെ വി​ദ്യാ​ഭ്യാ​സം സം​ബ​ന്ധി​ച്ച്​ മൗ​നം പാ​ലി​ക്കു​ന്ന​തും ഉ​ൾ​പ്പെ​ടെ വി​ഷ​യ​ങ്ങ​ളി​ൽ കേ​ര​ളം വി​യോ​ജി​പ്പ്​ അ​റി​യി​ച്ചി​രു​ന്നു. മ​തേ​ത​ര​ത്വം, ജ​നാ​ധി​പ​ത്യം, സ​മ​ഭാ​വ​ന, ലിം​ഗ​സ​മ​ത്വം, ശാ​സ്​​ത്രീ​യ മ​നോ​ഭാ​വം എ​ന്നി​വ​യി​ൽ ദേ​ശീ​യ വി​ദ്യാ​ഭ്യാ​സ​ന​യം മൗ​നം പാ​ലി​ക്കു​ന്ന​ത്​ ജാ​ഗ്ര​ത​യോ​ടെ കാ​ണ​ണ​മെ​ന്നും എ​സ്.​സി.​ഇ.​ആ​ർ.​ടി റി​പ്പോ​ർ​ട്ട്​ ചൂ​ണ്ടി​ക്കാ​ട്ടു​ന്നു. കോ​വി​ഡ്​ ന​ൽ​കി​യ തി​രി​ച്ച​റി​വു​ക​ൾ സം​സ്ഥാ​ന​ത്തെ പാ​ഠ്യ​പ​ദ്ധ​തി​യു​ടെ ഭാ​ഗ​മാ​ക്ക​ണം. കു​ട്ടി​ക​ളി​ൽ ആ​ത്മ​വി​ശ്വാ​സം ജ​നി​പ്പി​ക്കാ​നും പ്ര​തി​കൂ​ല സാ​ഹ​ച​ര്യ​ങ്ങ​ൾ നേ​രി​ടാ​ൻ പ്രാ​പ്​​ത​രാ​ക്കാ​നും പാ​ഠ്യ​പ​ദ്ധ​തി​ക്കാ​ക​ണം.

ശാ​സ്​​ത്ര സാ​ക്ഷ​ര​ത​ക്ക്​ ഉൗ​ന്ന​ൽ ന​ൽ​കി വി​ഷ​യ​മേ​ഖ​ല​ക​ളെ പു​ന​രാ​വി​ഷ്​​ക​രി​ക്ക​ണ​മോ എ​ന്ന്​ ച​ർ​ച്ച ചെ​യ്യ​ണം. മ​ഹാ​മാ​രി, പ്ര​കൃ​തി ദു​ര​ന്തം, മ​നു​ഷ്യ​നി​ർ​മി​ത ദു​ര​ന്തം എ​ന്നി​വ കാ​ര്യ​കാ​ര​ണ സ​ഹി​തം വി​ശ​ക​ല​നം ചെ​യ്​​ത്​ ശ​രി​യു​ടെ മ​നു​ഷ്യ​പ​ക്ഷ​ത്ത്​​ നി​ൽ​ക്കാ​ൻ സ​ഹാ​യി​ക്കു​ന്ന ഘ​ട​ക​ങ്ങ​ൾ ഉ​റ​പ്പു​വ​രു​ത്ത​ണം.

വി​വി​ധ വി​ഷ​യ​ങ്ങ​ൾ ഒ​ന്നി​ച്ച്​ പ​ഠി​ക്കാ​ൻ ക​ഴി​യു​ന്ന അ​ന്ത​ർ വൈ​ജ്ഞാ​നി​ക (ഇ​ൻ​റ​ർ​ഡി​സി​പ്ലി​ന​റി) പ​ഠ​ന സ​മീ​പ​ന​രീ​തി ല​ഭ്യ​മാ​ക്കു​ന്ന​തി​െൻറ പ്ര​ാ​യോ​ഗി​ക​ത പ​രി​ഗ​ണി​ക്ക​ണം. ചെ​റു​പ്പ​ത്തി​ൽ​ത​ന്നെ ഡി​ജി​റ്റ​ൽ പ്ലാ​റ്റ്​​ഫോ​മു​ക​ളു​മാ​യി പ​രി​ചി​ത​രാ​കു​ന്ന​തു​​വ​ഴി കു​ട്ടി​ക​ളു​ടെ പ​ഠ​ന​ശേ​ഷി​യി​ൽ സം​ഭ​വി​ക്കു​ന്ന മാ​റ്റ​ങ്ങ​ൾ ഉ​ൾ​ക്കൊ​ള്ളാ​ൻ സം​സ്ഥാ​ന പാ​ഠ്യ​പ​ദ്ധ​തി​യെ പ്രാ​പ്​​ത​മാ​ക്ക​ണ​മെ​ന്നും റി​പ്പോ​ർ​ട്ട്​ പ​റ​യു​ന്നു.