പൊലീസ് അസോസിയേഷൻ സംസ്ഥാന സമ്മേളനം നാളെ തിരുവനന്തപുരത്ത്

തിരുവനന്തപുരം: കേരള പൊലീസ് ഓഫിസേഴ്സ് അസോസിയേഷൻ 32ാം സംസ്ഥാന സമ്മേളനം തിങ്കളാഴ്ച തിരുവനന്തപുരത്ത് നടക്കും. രാവിലെ 10ന് പ്രതിനിധി സമ്മേളനം ധനകാര്യ മന്ത്രി കെ.എൻ. ബാലഗോപാൽ ഉദ്ഘാടനം ചെയ്യും. വി.കെ. പ്രശാന്ത് എം.എൽ.എ, എ.ഐ.ജി ഹരിശങ്കർ, കെ.പി.എ പ്രസിഡൻറ് സണ്ണി ജോസഫ് എന്നിവർ പങ്കെടുക്കും.

വൈകീട്ട് പൊതുസമ്മേളനം മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. ഗതാഗത മന്ത്രി ആൻറണി രാജു, സംസ്ഥാന പൊലീസ് മേധാവി അനിൽ കാന്ത്, എ.ഡി.ജി.പി മാനോജ് എബ്രഹാം, കെ.പി.എസ്.ഒ.എ പ്രസിഡൻറ് ഇ.എസ്. ബിജുമോൻ, കെ.പി.എ ജനറൽ സെക്രട്ടറി കെ.പി. പ്രവീൺ എന്നിവർ പങ്കെടുക്കും.