തരംതാഴ്​ത്തൽ നടപടി: നാലുപേരെ ഡി​ൈവ.എസ്​.പിമാരായി നിലനിർത്തണമെന്ന്​ ഇടക്കാല ഉത്തരവ്​

കൊച്ചി: അച്ചടക്ക നടപടി നേരിട്ടതി​​​െൻറ പേരിൽ സി.​െഎമാരായി തരംതാഴ്ത്തപ്പെട്ട നാല്​ ഉദ്യോഗസ്ഥരെ ഡിവൈ.എസ്​.പി റാങ്കില്‍ തന്നെ താല്‍ക്കാലികമായി നിലനിര്‍ത്താന്‍ കേരള അഡ്മിനിസ്ട്രേറ്റിവ് ​ൈട്രബ്യൂണലി​​​െൻറ (കെ.എ.ടി) ഉത്തരവ്​. തരംതാഴ്​ത്തിയ നടപടി ചോദ്യംചെയ്​ത്​ ഇവർ സമർപ്പിച്ച ഹരജിയെ തുടർന്നാണ്​ 10 ദിവസത്തേക്ക്​ പഴയ തസ്​തികയിൽ തുടരാൻ അനുവദിക്കണമെന്ന ഇടക്കാല ഉത്തരവുണ്ടായത്​. അതേസമയം, ഹരജിക്കാരായ മറ്റ്​ മൂന്നുപേരുടെ കാര്യത്തിൽ ട്രൈബ്യൂണൽ ഇടപെട്ടില്ല.

12 ഡിവൈ.എസ്​.പിമാരെയാണ്​ സി.​െഎമാരായി തരംതാഴ്​ത്തി കഴിഞ്ഞദിവസം സർക്കാർ ഉത്തരവിട്ടത്. ഇതിനെതിരെ സി.എ.ടിയെ സമീപിച്ച എറണാകുളം റൂറല്‍ ‌ജില്ല ക്രൈം ഡിറ്റാച്ച്മ​​െൻറ്​ ഡി​ൈവ.എസ്​.പിയായിരുന്ന കെ.എസ്. ഉദയഭാനു, എറണാകുളം റൂറല്‍ ജില്ല ‌സ്പെഷല്‍ ബ്രാഞ്ച് ഡി​ൈവ.എസ്​.പിയായിരുന്ന വി.ജി. രവീന്ദ്രനാഥ്, വയനാട് നാര്‍കോട്ടിക് സെല്‍ ഡി​ൈവ.എസ്​.പിയായിരുന്ന എം.കെ. മനോജ് കബീര്‍, കോഴിക്കോട് നാദാപുരം സബ് ഡിവിഷനിലെ ഡി​ൈവ.എസ്​.പിയായിരുന്ന ഇ. സുനില്‍കുമാര്‍ എന്നിവരെയാണ് അതേ റാങ്കില്‍ തന്നെ തൽക്കാല​ം നിലനിര്‍ത്താന്‍ ഉ‌ത്തരവിട്ടത്.

അതേസമയം, മട്ടാഞ്ചേരി ഡി​ൈവ.എസ്​.പിയായിരുന്ന എസ്. വിജയന്‍, മലപ്പുറം ജില്ല സ്പെഷല്‍ ബ്രാഞ്ച് ഡി​ൈവ.എസ്​.പിയായിരുന്ന എം. ഉല്ലാസ് കുമാര്‍, പാലക്കാട് എസ്​.ബി.സി.​െഎ.ഡി ഡി​ൈവ.എസ്​.പിയായിരുന്ന എ. വിപിന്‍ദാസ് എന്നിവരും ഇതേ ആവശ്യം ഉന്നയിച്ചെങ്കിലും ട്രൈബ്യൂണൽ അനുവദിച്ചില്ല. ഇവര്‍ക്കെതിരെ നിലനിൽക്കുന്നത്​ ഗുരുതര ആരോപണങ്ങളാണെന്ന്​ വിലയിരുത്തിയാണ്​ ആവശ്യം നിരസിച്ചത്. തുടർന്ന്​ സർക്കാറിനോട്​ വിശദീകരണം തേടിയ ട്രൈബ്യൂണൽ ഹരജികൾ ഫെബ്രുവരി 12ന്​ വീണ്ടും പരിഗണിക്കാൻ; മാറ്റി.