കേരളത്തിൽ ഭരണത്തുടർച്ച പ്രവചിച്ച് ടൈംസ്​ നൗ-സി വോട്ടർ സർവെ

ന്യൂഡൽഹി: കേരളത്തിൽ ഭരണ തുടർച്ച പ്രവചിച്ച്​ അഭിപ്രായ സർവെ. 140ൽ 82 സീറ്റുകളുമായി എൽ.ഡി.എഫ്​ ഭരണം പിടിച്ചെടുക്കുമെന്നാണ്​ ടൈംസ്​ നൗ-സി വോട്ടർ അഭിപ്രായ സർവെ ഫലം. യു.ഡി.എഫ്​ 56 സീറ്റുകളിലൊതുങ്ങുമെന്നും ബി.ജെ.പി ഒരു സീറ്റ്​ നേടുമെന്നും പ്രവചിക്കുന്നു.

എൽ.ഡി.എഫ്​ 78 മുതൽ 86 സീറ്റുകൾ നേടുമെന്നാണ്​ പ്രവചനം. യു.ഡി.എഫിന്​​ 52-60 സീറ്റുകളും ബി.ജെ.പിക്ക്​ 0-2 സീറ്റുകളും ലഭിച്ചേക്കാമെന്നും സർവെ ഫലം വ്യക്തമാക്കുന്നു.

എൽ.ഡി.എഫ്​ വോട്ട്​ ഷെയറിൽ 0.6 ശതമാനത്തിന്‍റെ കുറവുണ്ടായേക്കാമെന്ന്​ പ്രവചിക്കുന്നു. 2016ൽ 43.5 ശതമാനമുണ്ടായിരുന്നത്​ ഇത്തവണ 42.9 ആയി ക​ുറയും. യു.ഡി.എഫിന്‍റെ വോട്ട്​ ഷെയർ 2016ലെ 38.8 ശതമാനത്തിൽ നിന്ന്​ 37.6 ശതമാനമായി കുറയുമെന്നും പ്രവചിക്ക​പ്പെടുന്നു.

സർവെയിൽ പ​​ങ്കെടുത്തവരിൽ 42.34 തമാനം പേരും ആഗ്രഹിക്കു​ന്നത്​ പിണറായി വിജയൻ മുഖ്യമന്ത്രിയാകണമെന്നാണ്​. കേരളത്തിൽ നിന്ന്​ സർവെയിൽ പ​െ​ങ്കടുത്തവരിൽ 55.84 പേരും രാഹുൽ ഗാന്ധി പ്രധാനമന്ത്രിയാകണമെന്നാണ്​ ആഗ്രഹിക്കുന്നത്​. 31.95 % പേർ നരേന്ദ്രമോദി പ്രധാനമന്ത്രിയായിരിക്കാനാണ്​ താൽപര്യ​പ്പെടുന്നത്​.

തമിഴ്​നാട്ടിൽ നിയമസഭ തെരഞ്ഞെടുപ്പിൽ ഡി.എം.കെയും കോൺഗ്രസുമടങ്ങുന്ന സഖ്യം​ വൻ വിജയം നേടുമെന്നും​ ടൈംസ്​ നൗ-സി വോട്ടർ പ്രവചിക്കുന്നു. ഡി.എം.കെ സഖ്യം 158 സീറ്റുകൾ നേടുമെന്നാണ്​ പ്രവചനം. 2016നെ അ​പേക്ഷിച്ച്​, 60 സീറ്റുകളുടെ വർധനവാണിത്​.

അതേസമയം, എൻ.ഡി.എ 016ൽ നേടിയ 136 സീറ്റുകളിൽ നിന്ന്​ ഇത്തവണ 65 സീറ്റുകളിലേക്ക്​ കൂപ്പു കുത്തുമെന്നാണ്​ അഭിപ്രായ സർവെ പ്രവചിക്കുന്നത്​.

യു.പി.എക്ക്​ 43.2 ശതമാനം വോട്ട്​ ഷെയർ ലഭിക്കുമെന്നാണ്​ പ്രവചനം. 2016ൽ ലഭിച്ച 39.4 % വോട്ട്​ ഷെയറിനെ അപേക്ഷിച്ച്​ 1.8 ശതമാനം വർധന. എൻ.ഡി.എയുടെ വോട്ട്​ ഷെയറിൽ 11.6ശതമാനത്തിന്‍റെ ഇടിവാണ്​ സർവെ ഫലം സൂചിപ്പിക്കുന്നത്​. 2016ൽ 43.7 % വോട്ട്​ ഷെയർ ലഭിച്ചിരുന്ന സ്ഥാനത്ത്​ ഇത്തവണ 32.1 ലേക്ക്​ ചുരുങ്ങുമെന്നാണ്​ സർവെ ഫലം.

അഭിപ്രായ വോ​ട്ടെടുപ്പിൽ പ​ങ്കെടുത്തവരിൽ 38.4 ശതമാനമാളുകളും എം.കെ. സ്റ്റാലിൻ മുഖ്യമന്ത്രിയാവണമെന്നാണ്​ അഭിപ്രായപ്പെട്ടത്​. 31% പേർ ഇ.കെ. പളനിസ്വാമി​യും 7.4% പേർ കമൽഹാസനും മുഖ്യമന്ത്രിയാവണ​മെന്ന താലപര്യം പ്രകടിപ്പിച്ചു. രജനികാന്ത്​ 4.3 %, വി.​െക. ശശികല 3.9%, ഡോ. എസ്​. രാമദോസ്​ 2.5%, കെ.എസ്​​. അളഗിരി 1.7%, ഒ. പനീർ സെൽവം 2.6%, മറ്റുള്ളവർ 8.2% എന്നിങ്ങനെയാണ്​ മുഖ്യമന്ത്രി പദത്തിലേക്ക്​ സർവെയിൽ ലഭിച്ച പിന്തുണ.

ബി.ജെ.പി നേതൃത്വത്തിലുള്ള കേന്ദ്ര സർക്കാറിൽ 12.07 ശതമാനം പേർ അതീവ തൃപ്​തിയും 22.28 % പേർ ഒരു പരിധിവരെ തൃപ്തിയും രേഖപ്പെടുത്തിയപ്പോൾ 53.26% പേർ കേന്ദ്ര സർക്കാറിൽ അതൃപ്​തി രേഖപ്പെടുത്തി.

പ്രധാനമന്ത്രി നരേന്ദ്രമോദിയോട്​ സർവെയിൽ പ​ങ്കെടു​ത്ത പകുതിയിലേറെ പേർക്കും താൽപര്യമില്ല. 51.09% പേരാണ്​ അതൃപ്​തി രേഖപ്പെടുത്തിയത്​. 17.29% പേർ അതീവ തൃപ്​തിയും 24.35 % പേർ ഒരു പരിധി വരെ തൃപ്​തിയും രേഖപ്പെടുത്തി.