വൈദികർക്കെതിരായ മാനഭംഗക്കേസുകൾ ഞെട്ടലുളവാക്കുന്നത്​: സുപ്രീംകോടതി

ന്യൂഡൽഹി: വൈദികർ മാനഭംഗകേസുകളിലുൾപ്പെടുന്നത്​ ​െഞട്ടലുളവാക്കുന്നതാണെന്ന്​ സുപ്രീംകോടതി. ക്രൈസ്​തവ സഭകൾ കേ​ന്ദ്രീകരിച്ച്​ മാനഭംഗക്കേസുകൾ ആവർത്തിച്ച്​ വരുന്നത്​ ആശങ്കയുളവാക്കുന്നതാണെന്നും​ ജസ്​റ്റിസുമാരായ എ.കെ. സിക്രി, അശോക്​ ഭൂഷൺ എന്നിവരടങ്ങുന്ന ബെഞ്ച്​  നിരീക്ഷിച്ചു. കൊട്ടിയൂരില്‍ വൈദികൻ പ്ലസ് ടു വിദ്യാര്‍ഥിനിയെ പീഡിപ്പിച്ച് ഗര്‍ഭിണിയാക്കിയ കേസില്‍ രണ്ടു കന്യാസ്ത്രീകള്‍ ഉള്‍പ്പെടെ മൂന്നുപേരെ സ​ുപ്രീംകോടതി പ്രതിപ്പട്ടികയില്‍നിന്ന് ഒഴിവാക്കുകയും ചെയ്​തു. 

അതേസമയം, ഫാദര്‍ ജോസഫ് തേരകം, സിസ്​റ്റർ ബെറ്റി ജോസഫ് എന്നിവര്‍ വിചാരണ നേരിടണമെന്ന് കോടതി വ്യക്തമാക്കി. സ്ത്രീപീഡന കേസുകളില്‍ കേരളത്തിലെ വൈദികര്‍ നിരന്തരം പ്രതി പട്ടികയില്‍ വരുന്നതില്‍ ബെഞ്ച് ആശ്ചര്യം പ്രകടിപ്പിച്ചു. 

കൊട്ടിയൂര്‍ പീഡന കേസില്‍ ക്രിസ്തുരാജ ആശുപത്രിയിലെ ഡോക്ടര്‍മാരായ ഹൈദരാലി, സിസ്​റ്റര്‍ ടെസ്സി തോമസ്, അഡ്മിനിസ്‌ട്രേറ്റര്‍ സിസ്​റ്റർ ആന്‍സി മാത്യു എന്നിവരെയാണ്​ സുപ്രീംകോടതി കുറ്റവിമുക്തരാക്കിയത്​. കേസില്‍നിന്ന് കുറ്റവിമുക്തരാക്കാന്‍ വയനാട്​ ജില്ല ശിശുക്ഷേമ സമിതി മുന്‍ അധ്യക്ഷന്‍ ഫാദര്‍ ജോസഫ് തേരകവും കമ്മിറ്റി അംഗം സിസ്​റ്റർ ബെറ്റി ജോസഫും നല്‍കിയ അപേക്ഷകൾ കോടതി തള്ളി.

പെണ്‍കുട്ടി ഗര്‍ഭിണിയാണെന്ന വിവരം പൊലീസില്‍നിന്ന് മറച്ചു​െവച്ചുവെന്നായിരുന്നു ഹൈദരാലി, സിസ്​റ്റര്‍ ടെസ്സി തോമസ്, അഡ്മിനിസ്‌ട്രേറ്റര്‍ സിസ്​റ്റർ ആന്‍സി മാത്യു എന്നിവർക്കെതിരായ കേസ്. ഇതിനു വേണ്ടത്ര തെളിവില്ലെന്ന് കോടതി കണ്ടെത്തി. ഇവർക്കുവേണ്ടി അഭിഭാഷകരായ ആര്‍. ബസന്ത്, രാകേന്ത് ബസന്ത് എന്നിവര്‍ ഹാജരായി. കേസില്‍ വിചാരണ വ്യാഴാഴ്​ച തുടങ്ങാനിരിക്കെയാണ് അടിയന്തര ഉത്തരവ് ഇറക്കുന്നതെന്നും വിശദാംശങ്ങള്‍ പിന്നീട് വ്യക്തമാക്കുമെന്നും ബെഞ്ച് പറഞ്ഞു. 

എന്നാൽ, ശിശുക്ഷേമ സമിതി ഭാരവാഹികളായിരുന്ന ഫാദര്‍ ജോസഫ് തേരകവും കമ്മിറ്റി അംഗം സിസ്​റ്റർ ബെറ്റി ജോസഫും വിചാരണ നേരിടണമെന്ന്​ കോടതി വ്യക്​തമാക്കി. പെണ്‍കുട്ടി ഗര്‍ഭിണിയാണെന്ന വിവരം അമ്മ അറിഞ്ഞില്ലെന്ന വാദം വിശ്വസിക്കാനാവില്ല. പെണ്‍കുട്ടിയെ പരിശോധിച്ചവര്‍ പ്രതികളായപ്പോൾ ആശുപത്രിയിലേക്ക്​ കൊണ്ടുപോയ വാഹനത്തി​​​െൻറ ഡ്രൈവറെ ഒഴിവാക്കിയത് എന്തുകൊണ്ടെന്നും കോടതി ആരാഞ്ഞു.