പുസ്​തകപ്രകാശനം: ജയിലിലെ എഴുത്തുകാരി ലിസിക്ക്​ പരോൾ

കണ്ണൂർ: മയക്കുമരുന്നു കേസിൽ ജീവപര്യന്തം ശിക്ഷിക്കപ്പെട്ട്​ കണ്ണൂര്‍ സെന്‍ട്രല്‍ ജയിലിൽ കഴിയുന്ന ലിസിക്ക്​ ത​​െൻറ പുസ്​തകപ്രകാശനത്തിനായി പരോൾ.  ജയിലിൽ നിന്നും  ലിസി എഴുതിയ 'കുറ്റവാളിയില്‍ നിന്നും എഴുത്തുകാരിയിലേക്ക്' എന്ന പുസ്തകത്തി​​െൻറ പ്രകാശനത്തിനായി  ഒക്​ടോബർ 27 മുതൽ നവംബർ 19 വരെയാണ്​ പരോൾ അനുവദിച്ചിരിക്കുന്നത്​.

 ലിസിയുടെ 14 കവിതകളും എട്ടു കഥകളും മാധ്യമപ്രവര്‍ത്തകനായ സുബിന്‍ മാനന്തവാടി ലിസിയോട് സംസാരിച്ച് തയ്യാറാക്കിയ ജീവചരിത്രക്കുറിപ്പുമാണ് പുസ്തകത്തിലുള്ളത്. ലഹരിമരുന്ന് കൈവശം വെച്ചതിന് 25 വര്‍ഷത്തെ തടവുശിക്ഷയനുഭവിക്കുന്ന ലിസിയുടെ  ജീവിതാനുഭവങ്ങളുടെ പകർത്തിയെഴുത്താണ്​ പുസ്തകം.

2010 ജൂലൈയിൽ കൊച്ചിയില്‍ വെച്ചാണ് ലിസി ലഹരിമരുന്നുമായി പൊലീസ് പിടിയിലാകുന്നത്. തുടർന്ന്​ 25 വർഷത്തെ തടവ്​ ​ ശിക്ഷക്ക്​ വിധിക്കപ്പെട്ടു. ആറുവർഷത്തിനിടെ ആദ്യമായാണ്​ ലിസിക്ക്​ പരോൾ അനുവദിക്കുന്നത്​.

 തീപ്പൊള്ളലേറ്റ് ഗുരുതരാവസ്ഥയിലുള്ള സഹോദരിയുടെ ചികിത്സക്ക്​ പണത്തിനായി ബന്ധപ്പെട്ട വ്യക്തി ഏല്‍പ്പിച്ച ബാഗുമായി നോര്‍ത്ത് റെയില്‍വേ സ്‌റ്റേഷനില്‍ എത്തിയപ്പോളായിരുന്നു അറസ്‌റ്റ്​. താനൊരു സ്ഥിരം കുറ്റവാളിയല്ലെന്നും അത്​ അറിയുന്ന സ്വന്തം നാട്ടുകാർ പിന്തുണ നൽകുകയും കേസ്​ നടത്തിപ്പിന്​ സഹായിക്കുകയും ചെയ്​തതായും ലിസി പറഞ്ഞു.

വയനാട് സ്വദേശിയായ ലിസി പഠിക്കാന്‍ മിടുക്കിയായിരുന്നു. ബത്തേരിക്കടുത്ത് ചുള്ളിയോടായിരുന്നു സ്വദേശം. 10ാ കളാസ്​ പൂർത്തിയാക്കിയ ലിസിക്ക്​ പിതാവി​​െൻറ മരണത്തെ തുടർന്ന്​ ഉന്നതപഠനത്തിന്​ ചേരാൻ കഴിഞ്ഞില്ല. സുഹൃത്തുമായി വിവാഹം ജീവിതം തുടങ്ങിയെങ്കിലും അകാലത്തിൽ അദ്ദേഹം മരിച്ചതോടെ ബത്തേരിയിലേക്ക്​ തിരിച്ചു പോകേണ്ടിവന്നു. ഇപ്പോള്‍ പ്രായമായ അമ്മ മാത്രമാണ് ചുള്ളിയോടിലെ വീട്ടിലുള്ളത്.

പുസ്തകങ്ങള്‍ വായിക്കുകയും എഴുതുകയും ചെയ്യുന്ന  ലിസിയെക്കുറിച്ച് അറിഞ്ഞ സുബിന്‍ മാനന്തവാടി ഇവരെ തേടിയെത്തിയതാണ്​ വഴിത്തിരിവായത്​. "എഴുതാൻ പ്രേരിപ്പിക്കുകയും അഭിമുഖം പ്രസിദ്ധീകരിക്കുകയും ചെയ്​ത സുബിൻ മാനന്തവാടി  മാനസിക പിന്തുണ നൽകി കൂടെ നിന്നു. എഴുത്തുകൾ പുസ്​തകമായി പ്രസിദ്ധീരിക്കാമെന്ന്​ ഉറപ്പു നൽകിയതും അതിനു വേണ്ട കാര്യങ്ങൾ ചെയ്​തതും സുബിൻ തന്നെയാണ്​. പ്രകാശന ചടങ്ങുകളും മറ്റും ഒരുക്കുന്നതും സുബിനാണ്​." - ലിസി വാർത്താ ഏജൻസിയോടെ പ്രതികരിച്ചു.  തിരുവനന്തപുരത്ത്​ വെച്ചാണ്​ ‘കുറ്റവാളിയിൽ നിന്ന്​ എഴുത്തുകാരിയിലേക്ക്​’ പ്രകാശനം ചെയ്യുക.