മാപ്പിളപ്പാട്ടും ഗസലും ഒപ്പനയും; പങ്കെടുത്തതിലെല്ലാം എ ഗ്രേഡുമായി ഹെമിൻ സീഷ

കൊല്ലം: സംസ്ഥാന സ്കൂൾ കലോത്സവത്തിൽ ഹൈസ്കൂൾ വിഭാഗം മാപ്പിളപ്പാട്ടിലും ഗസൽ ആലാപനത്തിലും എ ഗ്രേഡ് നേടി വയനാട് പിണങ്ങോട് ഡബ്ല്യു.ഒ.എച്ച്.എസ്.എസിലെ ഹെമിൻ സീഷ. സ്കൂളിലെ പത്താം ക്ലാസ് വിദ്യാർഥിനിയാണ്.

ബാപ്പു കൂട്ടിൽ മങ്കടയുടെ കീഴിലാണ് ഹെമിൻ സീഷ മാപ്പിളപ്പാട്ട് പഠിക്കുന്നത്. എ ഗ്രേഡ് നേടിയ ഹൈസ്കൂൾ വിഭാഗം ഒപ്പന ടീമിലും അംഗമായിരുന്നു. സ്കൂളിലെ അധ്യാപകനായ അബ്ദുൽ സലാമിന്‍റെയും ജി.എച്ച്.എസ്.എസ് തരിയോടിലെ അധ്യാപികയായ മറിയം മഹമൂദിന്‍റെയും മകളാണ്. കഴിഞ്ഞ വർഷവും സംസ്ഥാ കലോത്സവത്തിനെത്തിയിരുന്നു.