കൃഷ്ണവേണി അച്ഛനോട് പറഞ്ഞു, കാൻസർ അതിന്‍റെ ‘പാട്ടിന് പോട്ടെ’

തി​രു​വ​ന​ന്ത​പു​രം: വി​ഖ്യാ​ത ക​ർ​ണാ​ട​ക സം​ഗീ​ത​ജ്ഞ​ൻ ശെ​മ്മാ​ങ്കു​ടി ശ്രീ​നി​വാ​സ ഭാ​ഗ​വ​ത​രു​ടെ ഓ​ർ​മ​ക​ൾ ഉ​റ​ങ്ങു​ന്ന ഭാ​ര​ത് ഭ​വ​ന്‍റെ മ​ണ്ണി​ലി​രു​ന്ന് മ​ക​ൾ കൃ​ഷ്ണ​വേ​ണി വീ​ണ വാ​യി​ക്കു​മ്പോ​ൾ രാ​ജീ​വി​ന്‍റെ ക​ണ്ണു​ക​ൾ നി​റ​ഞ്ഞൊ​ഴു​കു​ക​യാ​യി​രു​ന്നു. കാ​ൻ​സ​ർ പി​ടി​പെ​ട്ട് ഒ​രി​ക്ക​ൽ മ​ര​ണം മു​ഖാ​മു​ഖം​ക​ണ്ട ആ ​മ​നു​ഷ്യ​ന്‍റെ സ്വ​പ്ന​ത്തി​ൽ​പോ​ലും ഇ​ന്ന​ല​ത്തെ പ​ക​ലു​ണ്ടാ​യി​രു​ന്നി​ല്ല. സ്വ​ര​ങ്ങ​ൾ പൊ​ഴി​ക്കു​ന്ന വീ​ണ​ക്ക​മ്പി​ക​ളി​ൽ ഹൃ​ദ​യം ചേ​ർ​ത്തു​വെ​ച്ച ക​ലാ​കേ​ര​ള​ത്തെ. എ​ച്ച്.​എ​സ് വി​ഭാ​ഗം മ​ത്സ​രം പൂ​ർ​ത്തി​യാ​ക്കി വേ​ദി​യി​ൽ നി​ന്ന് ഇ​റ​ങ്ങി​വ​ന്ന കൃ​ഷ്ണ​വേ​ണി​ക്ക് രാ​ജീ​വ് നെ​റു​ക​യി​ലൊ​രു മു​ത്തം ന​ൽ​കി. അ​ച്ഛ​ന്‍റെ സ്നേ​ഹ​ത്തി​നു​മ​പ്പു​റം മ​രു​ന്നി​നൊ​പ്പം ജീ​വി​ക്കാ​ൻ പ്രേ​രി​പ്പി​ച്ച ശു​ദ്ധ സം​ഗീ​ത​ത്തി​നു​ള്ള​താ​യി​രു​ന്നു ആ ​ചും​ബ​നം.

കാ​ൻ​സ​ർ ബാ​ധി​ത​നാ​യി ബ​ഹ്റൈ​നി​ലെ ജോ​ലി ഉ​പേ​ക്ഷി​ച്ച് നെ​യ്യാ​റ്റി​ൻ​ക​ര രാ​മേ​ശ്വ​രം ‘തി​രു​വോ​ണ’​മെ​ന്ന വീ​ട്ടി​ലേ​ക്ക് രാ​ജീ​വെ​ത്തു​മ്പോ​ൾ നാ​ലു വ​യ​സ്സാ​യി​രു​ന്നു കൃ​ഷ്ണ വേ​ണി​ക്ക്. രോ​ഗ​ക്കി​ട​ക്ക​യി​ലും മ​ക​ളെ നാ​ലാ​ള​റി​യു​ന്ന സം​ഗീ​ത​ജ്ഞ​യാ​ക്ക​ണ​മെ​ന്നാ​യി​രു​ന്നു ആ​ഗ്ര​ഹം. ചി​കി​ത്സ തു​ട​രു​മ്പോ​ഴും സം​ഗീ​ത പ​ഠ​നം മു​ട​ക്കി​യി​ല്ല. രോ​ഗം വ​ർ​ധി​ച്ച​പ്പോ​ഴും അ​വ​ളു​ടെ പാ​ട്ടു​ക​ളാ​യി​രു​ന്നു വേ​ദ​ന​സം​ഹാ​രി. ഒ​ടു​വി​ൽ കാ​ൻ​സ​റി​നെ അ​തി​ന്‍റെ ‘പാ​ട്ടി​ന് വി​ട്ട​പ്പോ​ൾ’ ഒ​രു​വ​ർ​ഷം മു​മ്പ് വൈ​ദ്യ​ശാ​സ്ത്രം പ​റ​ഞ്ഞു, ‘അ​ദ്ഭു​തം’. ക​ഴു​ത്തി​ന്‍റെ​യും മു​ഖ​ത്തി​ന്‍റെ​യും ഒ​രു​ഭാ​ഗം കാ​ർ​ന്നെ​ടു​ത്ത രോ​ഗം ഇ​ന്ന് പൂ​ർ​ണ​മാ​യി ഭേ​ദ​മാ​യി​രി​ക്കു​ന്നു. ഈ ​അ​ദ്ഭു​ത​ത്തി​ന് പി​ന്നി​ൽ മ​രു​ന്നു​ക​ൾ​ക്കൊ​പ്പം രോ​ഗ​ക്കി​ട​ക്ക​യി​ൽ മ​ക​ൾ പാ​ടി ന​ൽ​കി​യ പാ​ട്ടു​ക​ളാ​യി​രു​ന്നു​വെ​ന്ന് രാ​ജീ​വ് വി​ശ്വ​സി​ക്കു​ന്നു.

സ്കൂ​ൾ ക​ലോ​ത്സ​വ​ങ്ങ​ളി​ൽ മു​മ്പൊ​ക്കെ ശാ​സ്ത്രീ​യ സം​ഗീ​ത​ത്തി​ലാ​ണ് കൃ​ഷ്ണ​വേ​ണി മ​ത്സ​രി​ച്ച​ത്. വീ​ണ കൂ​ടി പ​ഠി​ക്കാ​ൻ ഉ​പ​ദേ​ശി​ച്ച​ത് സ്‌​കൂ​ളി​ലെ സം​ഗീ​ത അ​ധ്യാ​പി​ക സ​രോ​ജ​മാ​യി​രു​ന്നു. നാ​ലു​മാ​സം മു​മ്പ് രാ​ജീ​വി​ന്‍റെ സു​ഹൃ​ത്താ​യ കി​ഷോ​റി​ന്‍റെ സ​ഹാ​യ​ത്തോ​ടെ​യാ​ണ് 40,000 രൂ​പ മു​ട​ങ്ങി വീ​ണ വാ​ങ്ങി​യ​ത്. നാ​ലു​മാ​സം കൊ​ണ്ടു പ​ഠി​ച്ച ‘പ​ദ്മ​നാ​ഭ പാ​ഹി...’ എ​ന്ന സ്വാ​തി​തി​രു​നാ​ൾ കീ​ർ​ത്ത​നം അ​വ​ത​രി​പ്പി​ച്ചാ​ണ് നെ​യ്യാ​റ്റി​ൻ​ക​ര ഗേ​ൾ​സ് ജി.​എ​ച്ച്.​എ​സ്.​എ​സി​ലെ ഒ​മ്പ​താം ക്ലാ​സ് വി​ദ്യാ​ർ​ഥി​നി ഇ​ന്ന​ലെ സം​സ്ഥാ​ന ക​ലോ​ത്സ​വ​ത്തി​ൽ കൈ​യ​ടി നേ​ടി​യ​ത്. അ​മ്മ ര​ജി​ത നെ​യ്യാ​റ്റി​ൻ​ക​ര ഗേ​ൾ​സ് ജി.​എ​ച്ച്.​എ​സ്.​എ​സി​ലെ താ​ത്കാ​ലി​ക അ​ധ്യാ​പി​ക​യാ​ണ്. നാ​ലാം ക്ലാ​സ് വി​ദ്യാ​ർ​ഥി ശ്രീ​ഹ​രി നാ​യ​രാ​ണ് സ​ഹോ​ദ​ര​ൻ.