ആ​ൾ​ക്കൂ​ട്ട​ത്തി​ന്‍റെ ആ​ഘോ​ഷ​ത്തി​ല​മ​ർ​ന്ന്​ നാ​ട​ക​വേ​ദി

തി​രു​വ​ന​ന്ത​പു​രം: ടാ​ഗോ​ർ തി​യ​റ്റ​റി​ലെ എ​ച്ച്.​എ​സ് വി​ഭാ​ഗം നാ​ട​ക മ​ത്സ​രം കാ​ണാ​ൻ വ​ൻ​ജ​ന​ക്കൂ​ട്ടം. മ​ത്സ​രം ആ​രം​ഭി​ക്കും മു​മ്പേ വേ​ദി നി​റ​ഞ്ഞ​തി​നാ​ൽ ഇ​രി​പ്പി​ട​ങ്ങ​ൾ പ​ല​ർ​ക്കും കി​ട്ടി​യി​ല്ല. പ്ര​വേ​ശ​ന ക​വാ​ടം പോ​ലും മ​റ​ച്ച് ആ​ൾ​ക്കൂ​ട്ടം പി​ന്നി​ലാ​യി നി​ല​യു​റ​പ്പി​ച്ച​പ്പോ​ൾ ചി​ല​ർ പ​ടി​ക്കെ​ട്ടു​ക​ൾ ഇ​രി​പ്പി​ട​മാ​ക്കി.

മി​ക​വു പു​ല​ർ​ത്തി​യ രം​ഗ​ങ്ങ​ൾ​ക്ക് നി​റ​ഞ്ഞ കൈ​യ​ടി​യും ഓ​രോ നാ​ട​കം ക​ഴി​യു​മ്പോ​ൾ ക​ര​ഘോ​ഷ​വും ഉ​ണ​ർ​ന്നു. അ​ടു​ത്ത മ​ത്സ​ര​ത്തി​നു​ള്ള ഇ​ട​വേ​ള​യി​ൽ പാ​ട്ടി​നൊ​പ്പം നൃ​ത്ത ചു​വ​ടു​ക​ൾ​വെ​ച്ചാ​ണ് നാ​ട​ക പ്രേ​മി​ക​ൾ കു​ട്ടി​ക​ളെ പ്രോ​ൽ​സാ​ഹി​പ്പി​ച്ച​ത്.

c/o പൊ​ട്ട​ക്കു​ളം പി​ള്ളേ​ർ പൊ​ളി​​ച്ച​ടു​ക്കി

തി​രു​വ​ന​ന്ത​പു​രം: സ​മൂ​ഹ​ത്തി​ലെ വി​വി​ധ അ​ന്ധ​വി​ശ്വാ​സ​ങ്ങ​ൾ​ക്കും അ​നാ​ചാ​ര​ങ്ങ​ൾ​ക്കു​മെ​തി​രെ ക​ടു​ത്ത​ഭാ​ഷ​യി​ൽ ആ​ക്ഷേ​പ​ഹാ​സ്യ​മൊ​രു​ക്കി​യ c/o പൊ​ട്ട​ക്കു​ളം പി​ള്ളേ​ർ പൊ​ളി​ച്ച​ടു​ക്കി. ടാ​ഗോ​ർ തി​യ​റ്റ​റി​ൽ എ​ച്ച്.​എ​സ്​ വി​ഭാ​ഗം നാ​ട​കം നി​റ​ഞ്ഞ​ചി​രി​പ​ട​ർ​ത്തി​യാ​ണ് അ​ര​ങ്ങ് ത​ക​ർ​ത്ത​ത്.

കോ​ഴി​ക്കോ​ട് തി​രു​വ​ങ്ങൂ​ർ ഹ​യ​ർ സെ​ക്ക​ൻ​ഡ​റി സ്കൂ​ളി​ലെ വി​ദ്യാ​ർ​ഥി​ക​ൾ അ​വ​ത​രി​പ്പി​ച്ച നാ​ട​ക​മാ​ണ് പ്രേ​ക്ഷ​ക​രെ ചി​രി​പ്പി​ച്ചും ചി​ന്തി​പ്പി​ച്ചും നി​ല​വാ​രം​പു​ല​ർ​ത്തി.

മ​നു​ഷ്യ ലോ​ക​ത്തി​ലെ മ​ണ്ട​ത്ത​ര​ങ്ങ​ൾ പൂ​ശാ​ല​ക്ക​ൽ ത​റ​വാ​ട്ടി​ലെ വി​വാ​ഹ​വു​മാ​യി ബ​ന്ധ​പെ​ടു​ത്തി​യു​ള്ള അ​നാ​ചാ​ര​ങ്ങ​ളി​ൽ​നി​ന്ന് വ​ള​ർ​ത്തി​യെ​ടു​ക്കു​ന്ന​താ​ണ് ക​ഥ. വൈ​ധ​വ്യം ഒ​ഴി​വാ​ക്കാ​ൻ ക​ല്യാ​ണ​ത്തി​ന് മു​മ്പ് ത​വ​ള​യെ വി​വാ​ഹം ക​ഴി​ക്ക​ണ​മെ​ന്ന് ജ്യോ​തി​ഷ​ൻ ഉ​പ​ദേ​ശി​ക്കു​ക​യാ​ണ്. ത​റ​വാ​ട്ടി​ലെ ജിം​നേ​ഷ്യ​ത്തി​ൽ ത​വ​ള​യു​ടെ വി​വാ​ഹ​വും അ​ന്ധ​വി​ശ്വാ​സ​ത്തി​ൽ അ​ക​പ്പെ​ട്ട മ​നു​ഷ്യ​ന്‍റെ നെ​ട്ടോ​ട്ട​വും അ​ര​ണ്ടി​ൽ ചോ​ദ്യ​ചി​ഹ്ന​മാ​യി നി​റ​ഞ്ഞു.

ഇ​തേ സ്കൂ​ളി​ലെ അ​ധ്യാ​പ​ക​ൻ ശി​വ​ദാ​സ് പൊ​യി​ൽ​ക്കാ​വാ​ണ് ര​ച​ന​യും സം​വി​ധാ​ന​വും നി​ർ​വ​ഹി​ച്ച​ത്. മ​ക​ൾ ആ​ർ.​എ​സ്. ദ​ല​യാ​ണ്​ ‘ര​ഞ്ജി​നി റോ​ക്സ്’ എ​ന്ന ക​ഥാ​പാ​ത്ര​ത്തി​ലൂ​ടെ മ​ണ്ട​ത്ത​ര​ങ്ങ​ൾ തി​രി​ച്ച​ഞ്ഞ ത​വ​ള​യാ​യി​ട്ട്​ വേ​ഷ​മി​ട്ട​ത്. അ​ർ​ജു​ൻ ബാ​ബു, ശി​വാ​നി ശി​വ​പ്ര​കാ​ശ്, എം. ​ശ്രീ​പാ​ർ​വ​തി, പി.​എ​സ്. ല​ക്ഷ്മി​പ്രി​യ, ടി.​വി. ആ​യി​ഷ ഹെ​ബാ​ൻ, പി.​സി. മു​ഹ​മ്മ​ദ് ഷാ​ദി​ൻ എ​ന്നി​വ​രാ​ണ് അ​ര​ങ്ങി​ൽ എ​ത്തി​യ മ​റ്റ്​ ക​ഥാ​പാ​ത്ര​ങ്ങ​ൾ.

സ​ഹ​സം​വി​ധാ​യ​ക​ൻ സ​നി​ലേ​ഷ് ശി​വ​നും സെ​റ്റ് ഡി​സൈ​ന​ർ നി​ധീ​ഷ് പൂ​ക്കാ​ടും ആ​ണ്. ക​ഴി​ഞ്ഞ വ​ർ​ഷം അ​വ​ത​രി​പ്പി​ച്ച ഓ​സ്കാ​ർ പു​രു​ഷു ക​ലോ​ത്സ​വ​ത്തി​ൽ മി​ക​ച്ച നാ​ട​ക​മാ​യി​രു​ന്നു.

അ​മ​ൽ​ജി​ത്​ പ​ക​ർ​ന്നാ​ടി​യ​ത്​ സ്വന്തം ജീ​വി​തം

തി​രു​വ​ന​ന്ത​പു​രം: വെ​ള്ള​പ്പൊ​ക്ക​ത്തി​ന്‍റെ ന​ടു​വി​ല്‍ അ​ക​പ്പെ​ട്ട ചേ​ന്ന​ന്‍റെ നാ​യ​യു​ടെ നി​സ്സ​ഹാ​യ​തോ​ടെ​യു​ള്ള നി​ല​വി​ളി രം​ഗ​വേ​ദി​യി​ലേ​ക്ക് പ​ക​ര്‍ത്തു​മ്പോ​ള്‍ അ​മ​ല്‍ജി​ത്​ അ​ഭി​ന​യി​ക്കു​ക​യാ​യി​രു​ന്നി​ല്ല.

ജീ​വി​ത​ത്തി​നും മ​ര​ണ​ത്തി​നു​മി​ട​യി​ലൂ​ടെ താ​ന്‍ ക​ട​ന്നു​പോ​യ നി​മി​ഷ​ങ്ങ​ളി​ലൂ​ടെ ഒ​രു​വ​ട്ടം​കൂ​ടി സ​ഞ്ച​രി​ക്കു​ക​യാ​യി​രു​ന്നു. വെ​ള്ളാ​ര്‍മ​ല​യു​ടെ ഹൃ​ദ​യം പി​ള​ര്‍ന്നെ​ത്തി​യ ഉ​രു​ള്‍നി​റ​ഞ്ഞാ​ടി​യ ആ ​രാ​ത്രി​യി​ല്‍ ചെ​ളി​യി​ല്‍ പൂ​ണ്ട് പ്രാ​ണ​നു​വേ​ണ്ടി ന​ട​ത്തി​യ നി​ല​വി​ളി​യാ​യി​രു​ന്നു അ​വ​ന്‍റെ മ​ന​സ്സി​ല​പ്പോ​ഴും.

പ്ര​കൃ​തി​യു​ടെ താ​ണ്ഡ​വ​ത്തി​ന്​ മു​ന്നി​ല്‍ മ​നു​ഷ്യ-​മൃ​ഗ ഭേ​ദ​ങ്ങ​ളി​ല്ലെ​ന്ന യാ​ഥാ​ർ​ഥ്യം മൂ​ന്നാം വേ​ദി​യാ​യ ടാ​ഗോ​ർ തി​യ​റ്റ​റി​ലെ എ​ച്ച്.​എ​സ്​ വി​ഭാ​ഗം നാ​ട​കം അ​ര​ങ്ങി​ൽ അ​വ​ത​രി​പ്പി​ച്ച​​പ്പോ​ൾ നി​റ​ഞ്ഞ സ​ദ​സ്സി​ന്‍റെ ക​ണ്ണു​ക​ള്‍ ഈ​റ​നാ​യി.

ത​ക​ഴി​യു​ടെ വെ​ള്ള​പ്പൊ​ക്ക​ത്തി​ല്‍ എ​ന്ന ക​ഥ​യി​ല്‍ ചു​റ്റും ജ​ല​ത്താ​ല്‍ മൂ​ടി​യ വീ​ടി​ന്‍റെ മേ​ല്‍ക്കൂ​ര​ക്ക്​ മു​ക​ളി​ല്‍നി​ന്ന് ര​ക്ഷ​ക്കാ​യി കേ​ഴു​ന്ന നാ​യ​യു​ടെ ക​ഥാ​പാ​ത്ര​ത്തെ​യാ​ണ് അ​മ​ല്‍ജി​ത് അ​വ​ത​രി​പ്പി​ച്ച​ത്. എ​ന്നാ​ല്‍, അ​പ്പോ​ഴും ജൂ​ലൈ 30 അ​ർ​ധ​രാ​ത്രി ത​ന്‍റെ ക​ണ്‍മു​ന്നി​ല്‍ അ​ര​ങ്ങേ​റി​യ ദു​ര​ന്ത​നാ​ട​കം മാ​ത്ര​മാ​യി​രു​ന്നു അ​വ​ന്‍റെ ഉ​ള്ളി​ല്‍.

താ​ൻ പോ​റ്റി​വ​ള​ർ​ത്തി​യ നാ​യ​യു​ടെ ജീ​വ​നെ​ടു​ത്ത​തി​ന്‍റെ ഓ​ർ​മ​യും മ​ന​സ്സി​ലേ​ക്കെ​ത്തി. ഉ​റ​ക്ക​ത്തി​നി​ടെ വീ​ട്​ ത​ക​ർ​ന്ന്​ ചെ​ളി​യി​ൽ ആ​ണ്ടു​പോ​യ അ​മ​ൽ​ജി​ത്, സ​ഹോ​ദ​രി സ​ൽ​ന, ഒ​ലി​ച്ചു​പോ​യ പി​താ​വ് ബൈ​ജു, മാ​താ​വ് സു​ചി​ത്ര എ​ന്നി​വ​രെ നാ​ട്ടു​കാ​രാ​ണ്​ ര​ക്ഷി​ച്ച​ത്. പ്ര​കൃ​തി​ദു​ര​ന്തം താ​ണ്ഡ​വ​മാ​ടി​യ ത​ക​ഴി​യു​ടെ വെ​ള്ള​പ്പൊ​ക്ക​ത്തി​ലൂ​ടെ മ​ല​വെ​ള്ളം പാ​തി അ​ട​ർ​ത്തി​യെ​ടു​ത്ത സ്വ​ന്തം സ്കൂ​ളി​ന്‍റെ ഉ​യ​ർ​ത്തെ​ഴു​ന്നേ​ൽ​പ് ത​ന്നെ​യാ​ണ് പ​റ​ഞ്ഞു​വെ​ച്ച​ത്.

സം​ഘാം​ഗ​ങ്ങ​ളാ​യ വി.​കെ. അ​ജ​യ​ൻ, നി​ര​ജ്ഞ​ൻ, അ​ൻ​സി​യ, സാ​യൂ​ജ്, അ​ന​ന്യ, നി​വേ​ദി​ത, വൈ​ഗ, അ​ർ​ച്ച​ന, അ​നു​ഷ് എ​ന്നി​വ​രാ​യി​രു​ന്നു മ​റ്റ്​​ ക​ഥാ​പാ​ത്ര​ങ്ങ​ൾ. നാ​ട​കം അ​പ്പീ​ലി​ലൂ​ടെ​യാ​ണ്​ എ​ത്തി​യ​ത്. സ്കൂ​ളി​ൽ​നി​ന്ന്​ വി​ട​പ​റ​ഞ്ഞ 33 സ​ഹ​പാ​ഠി​ക​ളു​ടെ ഓ​ർ​മ​ക്ക്​ മു​ന്നി​ൽ പ​ത​റാ​​തി​രു​ന്ന​വ​ർ വേ​ദി​വി​ട്ടി​റ​ങ്ങി​യ​പ്പോ​ൾ എ​ച്ച്.​എം ഉ​ണ്ണി​മാ​ഷി​നെ കെ​ട്ടി​പ്പു​ണ​ർ​ന്ന്​ ക​ണ്ണീ​ര​ണി​ഞ്ഞു.

അ​ജ​യ​ൻ ര​ച​ന​യും ജോ​ബ് മ​ഠ​ത്തി​ൽ സം​വി​ധാ​ന​വും നി​ർ​വ​ഹി​ച്ച​ത്തി​ന്‍റെ ചെ​ല​വു​ക​ൾ വ​ഹി​ച്ച​ത് അ​ബു​ദാ​ബി ശ​ക്തി തി​യ​റ്റ​റാ​ണ്.