കേരള ട്രാവൽ മാർട്ട് ഇന്ന് സമാപിക്കും

കൊ​ച്ചി: സം​സ്ഥാ​ന​ത്തെ ടൂ​റി​സം മേ​ഖ​ല​ക്ക്​ പു​തി​യ ദി​ശാ​ബോ​ധം ന​ല്‍കി കേ​ര​ള ട്രാ​വ​ല്‍ മാ​ര്‍ട്ട് - കെ.​ടി.​എം ഞാ​യ​റാ​ഴ്ച സ​മാ​പി​ക്കും. കൊ​ച്ചി വെ​ല്ലിം​ഗ്ട​ണ്‍ ഐ​ല​ന്‍റി​ലെ സാ​ഗ​ര, സാ​മു​ദ്രി​ക ക​ണ്‍വെ​ന്‍ഷ​ന്‍ സെ​ന്‍റ​റി​ലാ​ണ്​ പ​രി​പാ​ടി. സ​മാ​പ​ന​ദി​ന​ത്തി​ൽ ഉ​ച്ച​ക്ക് ഒ​ന്നു മു​ത​ല്‍ പൊ​തു​ജ​ന​ങ്ങ​ള്‍ക്ക് സൗ​ജ​ന്യ​മാ​യി മാ​ര്‍ട്ട് സ​ന്ദ​ര്‍ശി​ക്കാം.

ഉ​ത്ത​ര​വാ​ദി​ത്ത ടൂ​റി​സം, കാ​ര​വാ​ന്‍, വി-​ആ​ര്‍ ടൂ​റി​സം അ​നു​ഭ​വം, ക​ണ്ണ​ഞ്ചി​പ്പി​ക്കു​ന്ന പ​വ​ലി​യ​നു​ക​ള്‍ എ​ന്നി​വ കേ​ര​ള ട്രാ​വ​ല്‍ മാ​ര്‍ട്ടി​ന് മാ​റ്റു കൂ​ട്ടു​ന്നു. മൊ​ത്തം 347 സ്റ്റാ​ളു​ക​ളാ​ണ് കെ.​ടി.​എ​മ്മി​ലു​ള്ള​ത്. കേ​ര​ള​ത്തി​ലെ ടൂ​റി​സം മേ​ഖ​ല​യു​ടെ നേ​ര്‍ക്കാ​ഴ്ച ട്രാ​വ​ല്‍ മാ​ര്‍ട്ടി​ലൂ​ടെ സ​ന്ദ​ര്‍ശ​ക​ര്‍ക്ക് ദൃ​ശ്യ​മാ​കും. ടൂ​റി​സം മേ​ഖ​ല​യി​ല്‍ ആ​ധു​നി​ക സാ​ങ്കേ​തി​ക​വി​ദ്യ​യു​ടെ ഉ​പ​യോ​ഗം ദ്രു​ത​ഗ​തി​യി​ല്‍ സം​ഭ​വി​ക്കു​ന്ന​തി​നും കെ.​ടി.​എം പ​ന്ത്ര​ണ്ടാ​മ​ത് ല​ക്കം സാ​ക്ഷ്യം വ​ഹി​ക്കു​ന്നു​ണ്ട്.

പു​തു​ത​ല​മു​റ​യെ തൃ​പ്തി​പ്പെ​ടു​ത്തു​ന്ന വി​ധ​ത്തി​ല്‍ ടൂ​റി​സം മേ​ഖ​ല​യു​ടെ അ​ടി​മു​ടി മാ​റ്റ​ത്തി​നും കെ.​ടി.​എം തു​ട​ക്കം കു​റി​ച്ചു. ച​രി​ത്ര​ത്തി​ലാ​ദ്യ​മാ​യി 2,839 ബ​യ​ര്‍മാ​ര്‍ മാ​ര്‍ട്ടി​ൽ പ​​ങ്കെ​ടു​ത്തു.

ടൂറിസത്തിന്‍റെ ഭാവി ‘എ.ഐ’ സഞ്ചാരികളിൽ

കൊ​ച്ചി: നി​ർ​മി​ത​ബു​ദ്ധി (എ.​ഐ)​സാ​ങ്കേ​തി​ക​വി​ദ്യ​യു​ടെ സ​ഹാ​യ​ത്തോ​ടെ​യാ​ണ് ഭാ​വി​യി​ലെ സ​ഞ്ചാ​രി​ക​ള്‍ ടൂ​റി​സം മേ​ഖ​ല​യെ സ​മീ​പി​ക്കാ​ന്‍ പോ​കു​ന്ന​തെ​ന്ന് കേ​ര​ള ട്രാ​വ​ല്‍ മാ​ര്‍ട്ടി​ല്‍ (കെ.​ടി.​എം) ന​ട​ന്ന സെ​മി​നാ​റി​ല്‍ വി​ദ​ഗ്ധ​ര്‍ അ​ഭി​പ്രാ​യ​പ്പെ​ട്ടു. ഈ ​സാ​ഹ​ച​ര്യം നേ​രി​ടാ​നും ഉ​പ​യോ​ഗ​പ്പെ​ടു​ത്താ​നും സം​സ്ഥാ​ന​ത്തെ ടൂ​റി​സം മേ​ഖ​ല സ്വ​യം ത​യാ​റെ​ടു​ക്ക​ണ​മെ​ന്നും അ​വ​ർ ചൂ​ണ്ടി​ക്കാ​ട്ടി. ‘ടൂ​റി​സം വ്യ​വ​സാ​യ​ത്തി​ല്‍ എ.​ഐ​യു​ടെ ഉ​പ​യോ​ഗം’ എ​ന്ന വി​ഷ​യ​ത്തി​ലാ​യി​രു​ന്നു സെ​മി​നാ​ർ.

പൂ​ര്‍ണ​മാ​യും സാ​​ങ്കേ​തി​ക​വി​ദ്യ​യു​ടെ സ​ഹാ​യ​ത്തോ​ടെ ജീ​വി​ക്കു​ന്ന ത​ല​മു​റ​യാ​ണ് ഇ​പ്പോ​ൾ 20 വ​യ​സ്സി​ല്‍ താ​ഴെ​യു​ള്ള​വ​രെ​ന്ന്​ വ്യ​വ​സാ​യ​വ​കു​പ്പ് പ്രി​ന്‍സി​പ്പ​ല്‍ സെ​ക്ര​ട്ട​റി എ.​പി.​എം. മു​ഹ​മ്മ​ദ് ഹ​നീ​ഷ് പ​റ​ഞ്ഞു. ഇ​വ​രാ​ണ് ഭാ​വി​യി​ലെ സ​ഞ്ചാ​രി​ക​ള്‍. ച​രി​ത്ര​സ്മാ​ര​ക​ങ്ങ​ള്‍, സാം​സ്കാ​രി​ക കേ​ന്ദ്ര​ങ്ങ​ള്‍ എ​ന്നി​വ​യെ കൂ​ടു​ത​ല്‍ കാ​ഴ്ച​ക്കാ​രി​ലേ​ക്ക് എ​ത്തി​ക്കാ​ന്‍ എ.​ആ​ര്‍-​വി.​ആ​ര്‍ സാ​ങ്കേ​തി​ക വി​ദ്യ​യി​ലൂ​ടെ ക​ഴി​യും. സ്മാ​ര്‍ട്ട് ടൂ​റി​സം ഡെ​സ്റ്റി​നേ​ഷ​നു​ക​ളു​ടെ എ​ണ്ണം സം​സ്ഥാ​നം ഗ​ണ്യ​മാ​യി വ​ര്‍ധി​പ്പി​ക്ക​ണ​മെ​ന്നും അ​ദ്ദേ​ഹം പ​റ​ഞ്ഞു.

വ്യ​വ​സാ​യ​ത്തി​ന് ഇ​ഷ്ട​പ്പെ​ട്ടാ​ലും ഇ​ല്ലെ​ങ്കി​ലും എ.​ഐ സാ​ങ്കേ​തി​ക​വി​ദ്യ ടൂ​റി​സം ഉ​പ​ഭോ​ക്താ​ക്ക​ള്‍ സ്വീ​ക​രി​ച്ചു ക​ഴി​ഞ്ഞെ​ന്ന് ഐ.​ബി.​എം ജെ​ന്‍ എ.​ഐ ക​ണ്‍സ​ല്‍ട്ടിം​ഗ് പാ​ര്‍ട്ണ​ര്‍ ശ​മീ​ന്ദ്ര ബ​സു പ​റ​ഞ്ഞു. ട്രാ​വ​ല്‍ പ്ലാ​നേ​ഴ്സ് സി.​ഇ.​ഒ പി.​കെ. അ​നീ​ഷ് കു​മാ​ര്‍ മോ​ഡ​റേ​റ്റ​റാ​യി​രു​ന്നു. കെ.​ടി.​എം പ്ര​സി​ഡ​ന്‍റ് ജോ​സ് പ്ര​ദീ​പ്, സെ​മി​നാ​ര്‍ ക​മ്മി​റ്റി ചെ​യ​ര്‍മാ​ന്‍ റി​യാ​സ് അ​ഹ​മ്മ​ദ് തു​ട​ങ്ങി​യ​വ​ര്‍ സം​ബ​ന്ധി​ച്ചു.