കേരളത്തിലെ വാക്സിൻ ക്ഷാമം: പാർലമെൻറ്​ വളപ്പിൽ യു.ഡി.എഫ്​ എം.പിമാരുടെ​ പ്രതിഷേധം

ന്യൂഡൽഹി: കേരളത്തിലെ വാക്​സിൻക്ഷാമം പരിഹരിക്കാൻ നടപടി സീകരിക്കണമെന്ന്​ ആവശ്യപ്പെട്ട്​ പാർലമെൻറ്​ വളപ്പിൽ യു.ഡി.എഫ്​ എം.പിമാരുടെ പ്രതിഷേധം.​ വിഷയം ചൂണ്ടിക്കാട്ടി ലോക്​സഭയിൽ അടിയന്തര പ്രമേയത്തത്തിനും എം.പിമാർ നോട്ടീസ്​ നൽകി. കൊടിക്കുന്നിൽ സുരേഷ്, ഇ.ടി. മുഹമ്മദ്‌ ബഷീർ, കെ. മുരളീധരൻ, ആ​േൻറാ ആൻറണി, ബെന്നി ബഹനാൻ, ഹൈബി ഈഡൻ, വി.കെ. ശ്രീകണ്ഠൻ, എൻ.കെ. പ്രേമചന്ദ്രൻ, ഡീൻ കുര്യാക്കോസ്, എം.കെ. രാഘവൻ, രാജ്മോഹൻ ഉണ്ണിത്താൻ, രമ്യ ഹരിദാസ് എന്നിവരാണ്​ പാർലമെൻറ്​ വളപ്പിലെ ഗാന്ധിപ്രതിമക്ക്​ മുന്നിൽ വാക്‌സിൻ നൽകൂ, കേരളത്തെ രക്ഷിക്കൂ എന്ന മുദ്രാവാക്യം ഉയർത്തി പ്രതിഷേധിച്ചത്​.

കേരളസർക്കാറിന് ഈ വിഷയത്തിൽ ഒന്നും ചെയ്യാൻ കഴിയുന്നില്ലെന്നും സർക്കാർ വാക്‌സിൻ വിതരണത്തിൽ പൂർണമായും പരാജയപ്പെട്ടതായും എം.പി മാർ കുറ്റപ്പെടുത്തി. സംസ്​ഥാനത്ത്​ കോവിഡ് കേസുകൾ കുത്തനെ ഉയരുന്ന സാഹചര്യത്തിൽ അധിക ഡോസ് വാക്സിനുകൾ വേഗത്തിൽ അനുവദിക്കണമെന്നും എം.പിമാർ ആവശ്യപ്പെട്ടു.

13 ശതമാനം ടെസ്​റ്റ്​ പോസിറ്റിവിറ്റി രേഖപ്പെടുത്തുന്ന കേരളത്തിൽ വാക്‌സിൻ ക്ഷാമം നേരിടുന്നത് ആശങ്കയുണ്ടാക്കുന്നതാണെന്നും വിഷയം ലോക്സ​ഭ നിർത്തിവെച്ച് ചർച്ചചെയ്യണമെന്നും ആവശ്യപ്പെട്ട് ബെന്നി ബഹനാൻ, ടി.എൻ. പ്രതാപൻ, ഹൈബി ഈഡൻ എന്നിവരാണ്​ സ്​പീക്കർക്ക്​ അടിയന്തരപ്രമേയ നോട്ടീസ്​ നൽകിയത്​. കർഷകരുടെ ആവശ്യങ്ങൾ സഭ നിർത്തിവെച്ച് ചർച്ചചെയ്യണമെന്ന് ആവശ്യപ്പെട്ട്​ രാജ്യസഭയിൽ ഡോ. വി. ശിവദാസനും അടിയന്തരപ്രമേയത്തിന്​ നോട്ടീസ്​ നൽകി.