കേരളീയം: സദസ്സ്​ നിറയ്​ക്കാൻ ജീവനക്കാരും വിദ്യാർഥികളും

തി​രു​വ​ന​ന്ത​പു​രം: കേ​ര​ളീ​യം വേ​ദി​ക​ളി​ൽ സ​ദ​സ്സ്​ നി​റ​യ്ക്കാ​ൻ സ​ർ​ക്കാ​ർ ജീ​വ​ന​ക്കാ​രും കോ​ള​ജ്​ വി​ദ്യാ​ർ​ഥി​ക​ളും. സെ​ക്ര​ട്ടേ​റി​യ​റ്റ്​ അ​ട​ക്കം ത​ല​സ്ഥാ​ന​ത്തെ സ​ർ​ക്കാ​ർ ഓ​ഫി​സു​ക​ളി​ൽ​നി​ന്നാ​ണ്​ ജീ​വ​ന​ക്കാ​രെ എ​ത്തി​ക്കു​ന്ന​ത്. ഓ​ഫി​സ്​ പ്ര​വ​ർ​ത്ത​നം ത​ട​സ്സ​​പ്പെ​ടാ​ത്ത​വി​ധം കേ​ര​ളീ​യ​ത്തി​ൽ പ​ങ്കാ​ളി​ക​ളാ​കാ​നാ​ണ്​ നി​ർ​ദേ​ശം. എ​ന്നാ​ൽ, സ​ർ​ക്കാ​ർ പ​രി​പാ​ടി​യാ​യ​തി​നാ​ൽ ഓ​ഫി​സ്​ സ​മ​യ​ത്താ​യാ​ലും പ​​ങ്കെ​ടു​ത്താ​ൽ ന​ട​പ​ടി​യു​ണ്ടാ​കി​ല്ലെ​ന്ന​തി​നാ​ൽ ജീ​വ​ന​ക്കാ​ർ ഒ​ന്നാ​യി കേ​ര​ളീ​യ​ത്തി​ന്​ ഇ​റ​ങ്ങു​ക​യാ​ണ്. എ​ക്സി​ബി​ഷ​ൻ സ്റ്റാ​ളു​ക​ളി​ലും ​ഭ​ക്ഷ്യ​മേ​ള​ക​ളി​ലു​മാ​ണ്​ അ​ധി​ക​പേ​രും. ജീ​വ​ന​ക്കാ​ർ ക​സേ​ര വി​ട്ടി​റ​ങ്ങി​യ​ത്​ ഓ​ഫി​സു​ക​ളു​ടെ പ്ര​വ​ർ​ത്ത​ന​ത്തെ ബാ​ധി​ക്കു​ന്നു.

സാ​ഹ​ച​ര്യം കൈ​വി​ടു​മെ​ന്ന്​ ക​ണ്ട​തോ​ടെ ജീ​വ​ന​ക്കാ​ർ ഒ​ന്നാ​യി കേ​ര​ളീ​യ​ത്തി​ന്​ ഇ​റ​ങ്ങു​ന്ന​ത്​ ത​ട​ഞ്ഞും പ​ങ്കാ​ളി​ത്തം സെ​മി​നാ​റു​ക​ൾ​ക്ക്​ മാ​ത്ര​മാ​യി പ​രി​മി​ത​പ്പെ​ടു​ത്തി​യും പൊ​തു​ഭ​ര​ണ​വ​കു​പ്പി​ന്​ ഉ​ത്ത​ര​വി​റ​​ക്കേ​ണ്ടി വ​ന്നു. ന​ഗ​ര​പ​രി​ധി​യി​ലു​ള്ള സ​ർ​ക്കാ​ർ ഓ​ഫി​സു​ക​ളി​ലെ താ​ൽ​പ​ര്യ​മു​ള്ള ജീ​വ​ന​ക്കാ​ർ​ക്ക്​ കേ​ര​ളീ​യ​ത്തി​ൽ പ​​ങ്കെ​ടു​ക്കാ​മെ​ന്നാ​യി​രു​ന്നു നേ​ര​ത്തേ​യു​ള്ള സ​ർ​ക്കു​ല​ർ. പ​ങ്കാ​ളി​ത്തം സെ​മി​നാ​റു​ക​ൾ​ക്ക്​ മാ​​ത്ര​മാ​ക്കി പ​രി​മി​ത​​പ്പെ​ടു​ത്തി​യാ​ണ്​ വ്യാ​ഴാ​ഴ്ച പൊ​തു​ഭ​ര​ണ​വ​കു​പ്പ്​ ഉ​ത്ത​ര​വ്​ ഭേ​ദ​ഗ​തി വ​രു​ത്തി​യ​ത്. ഭ​ര​ണ​പ​ര​മാ​യ സൗ​ക​ര്യ​ത്തി​നു​​വേ​ണ്ടി​യാ​ണ്​ പ​രി​മി​ത​പ്പെ​ടു​ത്ത​ലെ​ന്നാ​ണ്​ വി​ശ​ദീ​ക​ര​ണം.

സെ​മി​നാ​റു​ക​ൾ​ക്ക്​ ആ​ളെ​ക്കൂ​ട്ടാ​ൻ സ​ർ​ക്കാ​ർ സ്ഥാ​പ​ന​ങ്ങ​ൾ​ക്ക് ടാ​ർ​ഗ​റ്റ് ന​ൽ​കി​യാ​ണ്​ ക്ര​മീ​ക​ര​ണം. എ​ത്തി​ക്കേ​ണ്ട ആ​ളു​ക​ളു​ടെ എ​ണ്ണം അ​റി​യി​ക്കു​ന്ന​തി​നൊ​പ്പം അ​വ​രു​ടെ പേ​രും ഫോ​ൺ ന​മ്പ​റും മു​ൻ​കൂ​ട്ടി സ​ർ​ക്കാ​റി​നു സ​മ​ർ​പ്പി​ക്ക​ണ​മെ​ന്ന്​ നേ​ര​ത്തേ നി​ർ​ദേ​ശം ന​ൽ​കി​യി​രു​ന്നു. സാം​സ്കാ​രി​ക വ​കു​പ്പി​നു കീ​ഴി​ലെ കേ​ന്ദ്ര​ങ്ങ​ളാ​ണ് കൂ​ടു​ത​ൽ പേ​രെ എ​ത്തി​ക്കേ​ണ്ട​ത്. നി​യ​മ​സ​ഭ ഹാ​ൾ, ട​ഗോ​ർ ഹാ​ൾ, ജി​മ്മി ജോ​ർ​ജ് സ്റ്റേ​ഡി​യം, മാ​സ്ക​റ്റ് ഹോ​ട്ട​ൽ, സെ​ൻ​ട്ര​ൽ സ്റ്റേ​ഡി​യം എ​ന്നി​വി​ട​ങ്ങ​ളി​ലാ​യാ​ണ് ഓ​രോ ദി​വ​സ​വും അ​ഞ്ച്​ സെ​മി​നാ​ർ വീ​തം ന​ട​ക്കു​ന്ന​ത്. വ്യാ​ഴാ​ഴ്ച ഇ​രി​പ്പി​ട​ങ്ങ​ളി​ൽ ന​ല്ല ശ​ത​മാ​ന​വും സ​ർ​ക്കാ​ർ ജീ​വ​ന​ക്കാ​രാ​യി​രു​ന്നു. ശേ​ഷി​ക്കു​ന്ന​ത്​ വി​ദ്യാ​ർ​ഥി​ക​ളും. പൊ​തു​ജ​ന പ​ങ്കാ​ളി​ത്തം സെ​മി​നാ​റു​ക​ളി​ൽ പ്ര​തീ​ക്ഷി​ച്ച​ത്ര​യി​ല്ല. ഗൗ​ര​​വ​മേ​റി​യ വി​ഷ​യ​ങ്ങ​ളാ​ണെ​ങ്കി​ലും പൊ​തു​സം​വാ​ദ​ങ്ങ​ളു​ടെ സ്വ​ഭാ​വ​ത്തി​ല​ല്ല സെ​മി​നാ​റു​ക​ൾ.