കെ​വിന്‍റേ​ത്​ ദു​ര​ഭി​മാ​ന​ക്കൊ​ല; ഷാനു ചാക്കോ അടക്കം 10 പ്രതികൾ കുറ്റക്കാർ

കോ​ട്ട​യം: കോളിളക്കം സൃഷ്ടിച്ച കെ​വി​ൻ വ​ധ​ക്കേ​സി​ൽ 14 പ്രതികളിൽ ഷാനു ചാക്കോ അടക്കം 10 പ്രതികൾ കുറ്റക്കാർ. കേ ാ​ട്ട​യം പ്രി​ൻ​സി​പ്പ​ൽ സെ​ഷ​ൻ​സ്​ കോ​ട​തി ജ​ഡ്ജി എ​സ്. ജ​യ​ച​ന്ദ്ര​ൻ ആണ് പ്രതികൾ കുറ്റക്കാരെന്ന് വിധിച്ച ത്. കെ​വിന്‍റേ​ത്​ ദു​ര​ഭി​മാ​ന​ക്കൊ​ല​യാ​ണെ​ന്നും കോടതി വിധിച്ചു. ഇവർക്കുള്ള ശിക്ഷ ശനിയാഴ്ച വിധിക്കും. നീന ുവിന്‍റെ പിതാവ് ചാക്കോ അടക്കം നാലു പേരെ കുറ്റക്കാരല്ലെന്ന് കണ്ട് കോടതി വെറുതേവിട്ടു.

ഒന്നാം പ്രതി ഷാനു ചാ ക്കോ, നിയാസ് മോൻ (രണ്ട്), ഇഷാൻ ഇസ്മാഈൻ (മൂന്ന്), റിയാസ് (നാല്), മനു മുരളീധരൻ (ആറ്), ഷെഫിൻ (ഏഴ്), നിഷാദ് (എട്ട്), ടിറ്റു ജെറോ , (ഒമ്പത്), ഫസിൽ ശെരീഫ് (പതിനൊന്ന്), ഷാനു ഷാജഹാൻ (പന്ത്രണ്ട്) എന്നിവരെയാണ് കുറ്റക്കാരായി കണ്ടെത്തിയത്. നീനുവിന്‍റെ പിതാവ് ചാക്കോ ജോൺ (അഞ്ച്), വിഷ്ണു (പത്ത്), ഷിനു നാസർ (പതിമൂന്ന്), റെമീസ് (പതിനാല്) എന്നിവരെയാണ് വെറുതേവിട്ടത്.

വിധി കേട്ട ശേഷം പ്രതികൾ പുറത്തേക്ക് വരുന്നു (ഫോട്ടോ: റസാക്ക് താഴത്തങ്ങാടി)

കൊ​ല​പാ​ത​കം, ഗൂ​ഢാ​ലോ​ച​ന, ഭ​വ​ന​ഭേ​ദ​നം, ത​ട്ടി​ക്കൊ​ണ്ടു​പോ​ക​ൽ, കു​റ്റ​ക​ര​മാ​യ ത​ട​ഞ്ഞു​െ​വ​ക്ക​ൽ, ദേ​ഹോ​പ​ദ്ര​വം ഏ​ൽ​പി​ക്ക​ൽ, ഭീ​ഷ​ണി​പ്പെ​ടു​ത്ത​ൽ, തെ​ളി​വ്​ ന​ശി​പ്പി​ക്ക​ൽ തു​ട​ങ്ങി 10 വ​കു​പ്പു​ക​ളാ​ണ്​​ പ്ര​തി​ക​ൾ​ക്കെ​തി​രെ ചു​മ​ത്തി​യി​ട്ടുള്ള​ത്. സവർണ ക്രൈസ്തവ വിഭാഗത്തിൽപ്പെട്ട കൊല്ലം സ്വദേശി നീനുവിനെ ദലിത് ക്രൈസ്തവനായ കെവിൻ പ്രണയിച്ച് വിവാഹം കഴിച്ചതിലെ ദുരഭിമാനമാണ് കൊലപാതകത്തിൽ എത്തിച്ചതെന്നാണ് പ്രോസിക്യൂഷൻ വാദിച്ചത്.

കെവിൻ

നീനുവിന്‍റെ മൊഴിയാണ് കേസിൽ നിർണായകമായത്. പ്രതിയായ നിയാസ് തന്നെ ഫോണിൽ വിളിച്ച് കൊല്ലുമെന്ന് ഭീഷണിപ്പെടുത്തിയതായി നീനുവിനോട് കെവിൻ പറഞ്ഞിരുന്നു. ഇക്കാര്യം നീനു കോടതിയിൽ പറഞ്ഞിരുന്നു. ഈ മൊഴി കെവിന്‍റെ മരണമൊഴിയായി കോടതി പരിഗണിക്കുകയായിരുന്നു.

കോ​ട്ട​യം ന​ട്ടാ​ശ്ശേ​രി എ​സ്.​എ​ച്ച് മൗ​ണ്ട് വ​ട്ട​പ്പാ​റ ജോ​സ​ഫിന്‍റെ മ​ക​ൻ കെ​വി​ൻ പി.​ ജോ​സ​ഫി​നെ (23) 2018 മേ​യ് 27 പു​ല​ർ​ച്ചെ 2.30ന്​ ​മാ​ന്നാ​ന​ത്തെ ബ​ന്ധു​വീ​ട്ടി​ൽ​ നി​ന്ന്​ ഭാ​ര്യാ ബ​ന്ധു​ക്ക​ള​ട​ങ്ങു​ന്ന സം​ഘം ത​ട്ടി​ക്കൊ​ണ്ടു​ പോ​കു​ക​യും പി​റ്റേ​ന്നു പു​ല​ർ​ച്ച തെ​ന്മ​ല​ക്കു ​സ​മീ​പം ചാ​ലി​യ​ക്ക​ര തോ​ട്ടി​ൽ മ​രി​ച്ച​നി​ല​യി​ൽ ക​ണ്ടെ​ത്തു​ക​യു​മാ​യി​രു​ന്നു. പ്ര​ണ​യ​ത്തി​​​ന്‍റെ പേ​രി​ൽ ഭാ​ര്യാ​പി​താ​വും സ​ഹോ​ദ​ര​നും ബ​ന്ധു​ക്ക​ളും അ​ട​ങ്ങു​ന്ന സം​ഘം ത​ട്ടി​ക്കൊ​ണ്ടു​ പോ​യി കൊ​ല​പ്പെ​ടു​ത്തി​യെ​ന്നാ​ണ്​ കു​റ്റ​പ​ത്രം.

കെവി​​​​​​െൻറ ഭാര്യ നീനു

കേസിലെ ഏഴ് പ്രതികൾ 14 മാസമായി ജാമ്യം ലഭിക്കാതെ റിമാൻഡിലാണ്. രണ്ട് പ്രതികൾ ആറു മാസത്തിന് ശേഷം ജാമ്യത്തിൽ ഇറങ്ങിയെങ്കിലും സാക്ഷിയെ മർദിച്ച സംഭവത്തിൽ കേസ് എടുത്തതോടെ കോടതി ജാമ്യം റദ്ദാക്കി. കേസിൽ ആകെ 113 സാക്ഷികളാണുള്ളത്. വിസ്താരത്തിനിടെ ആറു സാക്ഷികൾ കൂറുമാറി. ഇവരിൽ രഹസ്യമൊഴി നൽകിയ ശേഷം കൂറുമാറിയ സാക്ഷിക്കെതിരെ നടപടി സ്വീകരിക്കാൻ പ്രോസിക്യൂഷൻ ആവശ്യപ്പെട്ടിരുന്നു.

കെ​വിന്‍റേ​ത്​ ദു​ര​ഭി​മാ​ന​ക്കൊ​ല​യാ​ണെ​ന്ന്​ വാദത്തിനിടെ േപ്രാ​സി​ക്യൂ​ഷ​ൻ ആ​വ​ർ​ത്തി​ച്ചു. ജ​സ്​​റ്റി​സ്​ മാ​ർ​ഖ​ണ്ഡേ​യ ക​ഠ്​​ജു​വി​​​​​​​​​​​​െൻറ വി​ധി​ന്യാ​യം ചൂ​ണ്ടി​ക്കാ​ട്ടി കേ​സ്​ അ​പൂ​ർ​വ​ങ്ങ​ളി​ൽ അ​പൂ​ർ​വ​മെ​ന്ന്​ േപ്രാ​സി​ക്യൂ​ഷ​ൻ വാ​ദി​ച്ചിരുന്നു. ഈ ​വാ​ദ​ങ്ങ​ളെ എ​തി​ർ​ത്ത പ്ര​തി​ഭാ​ഗം, കെ​വി​ന്‍റെയും നീ​നു​വിന്‍റെ​യും വി​വാ​ഹം ഒ​രു​ മാ​സ​ത്തി​ന​കം ന​ട​ത്താ​മെ​ന്ന്​ പി​താ​വ്​ ചാ​ക്കോ സ​മ്മ​തി​ച്ചി​രു​ന്ന​താ​യി ചൂ​ണ്ടി​ക്കാ​ട്ടിയിരുന്നു. പ്ര​തി​പ്പ​ട്ടി​ക​യി​ലു​ള്ള​വ​ർ വ്യ​ത്യ​സ്​​ത ജാ​തി​ക​ളി​ലു​ള്ള​വ​രാ​ണെ​ന്നും ഇ​വ​ർ വാ​ദി​ച്ചു.

അ​തി​വേ​ഗ വി​ചാ​ര​ണ​ക്കൊ​ടു​വി​ലാ​ണ്​ കേ​ര​ള​ത്തെ ഞെ​ട്ടി​ച്ച കെ​വി​ൻ കൊ​ല​ക്കേ​സി​ൽ വി​ധി​ വ​രു​ന്ന​ത്. ഹൈ​​കോ​ട​തി​യു​ടെ പ്ര​ത്യേ​ക അ​നു​മ​തി വാ​ങ്ങി കൂ​ടു​ത​ൽ സ​മ​യം കോ​ട​തി പ്ര​വ​ർ​ത്തി​ച്ച്​ മൂ​ന്നു​ മാ​സ​ത്തി​നു​ള്ളി​ൽ വി​ചാ​ര​ണ പൂ​ർ​ത്തി​യാ​ക്കു​ക​യാ​യി​രു​ന്നു.