കെവിൻ കൊലക്കേസ്​: ഫോണിൽ സംസാരിച്ച സംഭവത്തിൽ പ്രതിക്കെതിരെ കോടതി സ്വമേധയ കേസെടുത്തു

കോട്ടയം: കെവിൻ കൊലക്കേസ്​ പ്രതി പൊലീസ‌് വാഹനത്തിലിരുന്ന‌് ബന്ധുക്കളുമായി ഫോണിൽ സംസാരിച്ച സംഭവത്തിൽ ഏറ്റുമാനൂർ കോടതി സ്വമേധയ കേസെടുത്തു.  കോടതിയിൽ ഹാജരാക്കാൻ കൊണ്ടുവന്നപ്പോൾ ഏഴാം പ്രതി ഷെഫിനാണ്​ വിഡിയോ കാൾ സംവിധാനത്തിലൂടെ സംസാരിച്ചത്​. ഇതി​​​െൻറ ദൃശ്യങ്ങൾ പുറത്തുവന്നതോടെ കേസെടുക്കാൻ ഒന്നാം ക്ലാസ് മജിസ്ട്രേറ്റ് കോടതി ഉത്തരവിടുകയായിരുന്നു. ഷെഫിനെ കൂടാതെ ഫോണിൽ സംസാരിക്കാൻ സൗകര്യം ഒരുക്കിയ ബന്ധു,  മറുതലക്കൽ സംസാരിച്ചയാൾ എന്നിവർക്കെതിരെയും കേസെടുക്കും. കോടതി നിർദേശത്തെ തുടർന്ന്​  ഏറ്റുമാനൂർ സി.ഐ എഫ്.ഐ.ആർ രജിസ്​റ്റർ ചെയ്തു. കോടതിയുടെയും ജയിലറുടെയും ചട്ടങ്ങൾ ലംഘിച്ച് വിഡിയോ കാൾ ചെയ്തതിനാണ് കേസ്. ഏറ്റുമാനൂർ സി.ഐക്കാണ് ചുമതല.

പൊലീസ് നോക്കിനിൽക്കെ, ബന്ധുവായ യുവതിയുടെ സഹായത്തോടെയാണ് ഷെഫിൻ വിഡിയോ കാൾ വഴി സംസാരിച്ചത്. പൊലീസ‌് വാഹനത്തിൽനിന്ന‌് തല പുറത്തേക്കിട്ടായിരുന്നു സംസാരം. വിവാദമായതോടെ അ​േന്വഷണത്തിന്​ കോട്ടയം ജില്ല പൊലീസ്​ മേധാവി ഉത്തരവിട്ടിരുന്നു. കോട്ടയം സ്‌പെഷൽ ബ്രാഞ്ച് ഡിവൈ.എസ്.പി സന്തോഷ് കുമാറി​​​െൻറ റിപ്പോർട്ടി​​​െൻറ അടിസ്ഥാനത്തിൽ  ഏഴ‌് സിവിൽ പൊലീസ‌് ഓഫിസർമാർക്കെതിരെ അച്ചടക്ക നടപടിക്ക്​ ജില്ല പൊലീസ‌് മേധാവി നിർദേശം നൽകിയിരുന്നു. ഇതിനു പിന്നാലെയാണ്​ കോടതി നിർദേശം. 

അതിനിടെ നീനുവിന് മനോരോഗം ഉണ്ടെന്ന കേസിലെ അഞ്ചാം പ്രതികൂടിയായ പിതാവ് ചാക്കോയുടെ ഹരജിയിൽ ഏറ്റുമാനൂർ ഒന്നാം ക്ലാസ് മജിസ്ട്രേറ്റ് കോടതി വ്യാഴാഴ്​ച വാദം കേട്ടു. വാദത്തിനിടെ, നീനുവി​​​െൻറയും ചാക്കോയു​െടയും ചികിത്സരേഖകൾ പൊലീസ്​ സീൽ ചെയ്​ത തെന്മലയിലെ വീട്ടിലാണെന്നും ഇത്​ എടുക്കുന്നതിനായി വീട് തുറന്നു നൽകണമെന്നും കാട്ടി പുതിയ അപേക്ഷ സമർപ്പിച്ചു. അന്വേഷണ ഉദ്യോഗസ്ഥരു​െടയും  പ്രതിഭാഗം അഭിഭാഷക​​​െൻറയും സാന്നിധ്യത്തിൽ വീട്​ തുറന്നുനൽകണമെന്നായിരുന്നു അപേക്ഷ. ഇതിൽ തിങ്കളാഴ്​ച കോടതി വിധി പറയും. ചാക്കോ സമർപ്പിച്ച ജാമ്യാപേക്ഷയും തിങ്കളാഴ്​ച പരിഗണിക്കും.കേസുമായി ബന്ധമില്ലെന്നും മുഖ്യപ്രതിയുടെ പിതാവെന്ന ഒറ്റക്കാരണത്താലാണ്​ ചാക്കോയെ അറസ്​റ്റ്​ ചെയ്​തതെന്നും അപേക്ഷയിൽ പറയുന്നു. ഹൃ​ദ്രോഗിയാണെന്നും ചൂണ്ടിക്കാട്ടിയിട്ടുണ്ട്​.