​പൊലീസിനെ ഭരിക്കുന്നത്​ ഉപദേശകർ; മുഖ്യമന്ത്രിക്ക്​ ഭരണത്തിലിരിക്കാൻ അർഹതയില്ല -ചെന്നിത്തല

കോട്ടയം: പ്രണയ വിവാഹ​െത്ത തുടർന്ന്​ കോട്ടയം സ്വദേശി കെവിൻ കൊല്ലപ്പെട്ട സംഭവത്തിൽ കൊലപാതകത്തി​​​െൻറ ഉത്തരവാദിത്തം ഏറ്റെടുത്ത്​ മുഖ്യമന്ത്രി രാജി​െവക്കണമെന്ന് പ്രതിപക്ഷ നേതാവ്​ രമേശ്​ ചെന്നിത്തല. മുഖ്യമന്ത്രിക്ക്​ ഭരണത്തിൽ തുടരാൻ അർഹതയില്ല. കേരള പൊലിസ് ലജ്ജാകരമായ രീതിയിൽ തരംതാഴ്ന്നിരിക്കുന്നുവെന്ന്​ ചെന്നിത്തല കുറ്റപ്പെടുത്തി.  

ഡി.ജി.പിയെ നോക്കുകുത്തിയാക്കി ഉപദേശകരാണ് നിയമനം നടത്തുന്നത്​. രമൺ ശ്രീവാസ്തവയാണ്​ പൊലീസിനെ ഭരിക്കുന്നത്. കഴിവുകെട്ട ഏറാൻ മൂളികളെ എസ്​.പിമാരാക്കുകയാണ്​. ഭരണഘടനാ ബാഹ്യമായ ഇടപെടൽ പൊലീസ് ഉപദേശി നടത്തുന്നുവെന്നും ചെന്നിത്തല ആരോപിച്ചു. 

പൊലീസിൽ വരുത്തിയ ഘടനാ മാറ്റം പ്രതികൂലമായി. സ്റ്റേഷൻ ചുമതല സി.​െഎക്ക്​ നൽകിയതോടെ പൊലീസ്​ സ്​റ്റേഷനുകളുടെ പ്രവർത്തനം താറുമാറായിരിക്കുകയാണ്​. കേസിലെ പൊലീസ് ഇടപെടൽ കൂടി അന്വേഷിക്കണശമന്നും ചെന്നിത്തല പറഞ്ഞു. 

കെവിൻ വധവുമായി ബന്ധപ്പെട്ട്​ മുഖ്യമന്ത്രി നടത്തിയ പ്രതികരണം അരോചകമായിരുന്നു. 15 വാഹനങ്ങൾ മുഖ്യമന്ത്രിക്ക് അകമ്പടി പോകുന്നതെന്തിനാണ്​? ഇത് രാജ ഭരണമാണോ? വിഷയത്തിൽ പാർട്ടി പ്രതികരിക്കാത്തതെന്തെന്നും ചെന്നിത്തല ചോദിച്ചു.

പ്രതികൾക്ക് കോൺഗ്രസുമായി ബന്ധമില്ലെന്ന്​ പറഞ്ഞ ചെന്നിത്തല മുഖ്യമന്ത്രിയെ കരിങ്കൊടി കാണിച്ചതിന് പൊതുമുതൽ നശിപ്പിച്ചതിനുള്ള കേസെടുത്തത് പ്രതിഷേധാർഹമാണെന്നും അറിയിച്ചു.